تازه خبرونه
یو داکتر د کابل په انتاني روغتون یوه نرسه وهلې ډبولې
د انتاني ناروغیو روغتون نرسې کریمه نومې ویلي؛ تېره ورځ ماښام هغه مهال، چې غوښتل یې لمونځ وکړې، لومړی داکتر زمان ورته سپکاوی او کښنځلې کړي او وروسته یې د همکارانو په مخکې وهلې او ډبولې ده.
دغه ډبول شوې نرسه نهه میاشتي کیږي، چې په انتاني روغتون کې دنده تر سره کوي. هغه د شنبې پر ورځ نوکریواله وه؛ خو ادعا کوي، چې په دې روغتون کې تل له کارکوونکیو سره د داکتر زمان لخوا سپک او بد چلند کیږي.
د انتاني ناروغیو دولتي روغتون نرسه کریمه نومې وایي؛ پر سر یې څپېړه راکړې، ویښتو ته یې لاس رااچولی او پر لغته یې وهلې یم.
د دغې نرسې د څرګندونو له مخي؛ یاد داکتر ان د نرسنګ مدیر وهلی او هیڅوک مو ملاتړ نکوي.
د دغې نرسې ورور نجیم، چې له دغې پېښې خبر شوی او روغتون ته ورغلو؛ خو وایي، چې داکتر زمان هغه هم وهلی او ډبولی دی.
د کریمې ورور نجیم ، چې پر سترګه او تندي ټپي شوی وایي؛ کله ، چې روغتون ته د خپلې خور د لیدو لپاره ورغلم یو ناڅاپه یې زه هم ووهلم سر یې راته پر ځمکه وسولولو او پر سوکانو یې ووهلم.
پولیس، چې د څېړنو لپاره روغتون ته راغلي؛ له داکتر زمان او د دغه روغتون له نورو کارکوونکیو سره مونږ ته د خبرو کولو اجازه رانکړ شوه.
د کریمې ماما محمد سلیم وایي، چې دغه داکتر پر ښځینه وو لاس پورته کړی او وهلې یې ده.
د کریمې مور هم ویلي؛ چې داکتر یې د لور په حق کې ظلم کړی او وهلې ډبولې یې ده.
د عامي ورغتیا وزارت وایي، دغه موضوع به په جدې توګه وڅېړل شي.
د عامي ورغتیا د تخصصي روغتونونو رییس نظام الدین جلیل ویلي، چې همکاران مو روغتون ته رسیدلي او دا موضوع به پوره وڅېړل شي.
د دې نرسې کورنۍ له حکومت څخه غوښتي، چې دا قضیه وڅېړي او په انتاني روغتون کې له کارکوونکیو سره د بد چلند فرهنګ پای ته ورسوي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره