بلخ @ps
په تخار کې د زرګرانو ټولنې د اعتراض کېږدۍ ودروله

په تخار کې د زرګرانو ټولنې د خپلو اعتراضونو په لړ کې د تالقان ښار د زرګرۍ په سړک کې اعتراضي کېږدۍ؛ ځکه ودروله او خپل پلورنځي یې وتړل، چې غوښتنو ته یې مثبت ځواب ندی ویل شوی.
دوی د قتل پر تور د نیول شوي قاتل د ورسپارلو غوښتنه کوي.
د معترضو زرګرانو د څرګندونو له مخې؛ د حکومت ۲۴ ساعته مهلت پای ته رسیدلی او تر دې دمه پر زرګرانو د برید عامل ونه نیول شو او نه دوی ته وروسپارل شو.
د تخار چارواکو ویلي، چې یو غل نیول شوی او د دې ډلې د نورو کسانو د نیولو په اړه یې څېړنې روانې ساتلې دي.
تېره ورځ امنیتي چارواکو په دې اړه له خپلې نه پاملرنې ځانونه ملامته کړل.
د بغلان والي د یو زرګر د وژلو او دوه نورو د ټپي کیدو د پېښې د قاتلانو د نیولو لپاره ۲۴ ګړۍ وخت ټاکلی و.
دا په داسې حال کې ده، چې تېره ورځ سهار مهال یوې ډلې وسلوالو غلو د یوه زرګر له زیوراتو ډک بکس غلا کړ؛ یو زرګر یې وژلی او دوه نور ټپیان دي.
بلخ @ps
په بلخ کې د داعش د خراسانۍ ډلې درې مهم غړي ووژل شول – د استخباراتو ریاست

د افغانستان اسلامي امارت د استخباراتو عمومي ریاست د یکشنبې پر ورځ ( د وري شپږمه ) څرګنده کړې، چې په بلخ کې یې د یو لړ ځانګړیو عملیاتو پر مهال د داعش درې مهم غړي وژلي دي.
د یاد بنسټ د څرګندونو له مخې؛ د داعش ډلې پخوانی والي او دوهیم نمبر مشر مولوي ضیاءالدین، د خراسان څانګې د شورا غړی ابو عمر افریدی او د داعش د پوځي روزنې مسوول استاد سلمان تاجکستانی له منځه وړل شوي دي.
د استخباراتو عمومي ریاست ويلي، مولوي ضیاءالدین له شهاب المهاجر مخکې د خراسان لپاره د داعش والي او د اداري او قضايي چارو مسوول و.
د استخباراتو ریاست ویلي، چې استاد سلمان د تاجکستان تبعه او د پوځي روزنې او چاودیدونکیو توکو په جوړولو کې څانګوال او متخصص و.
دغه ځانګړي عملیات له تېرې یوې اوونۍ راپدیخوا په بلخ ولایت کې د داعش پر ضد د اسلامي امارت دوهیم عملیات دي.
د اسلامي امارت ویاند ذبیح الله مجاهد د تېر کال د کب میاشتې پر اووه ویشتمه نېټه ویلي وه، چې په مزارشریف ښار کې د داعش پر درې پټنځیو برید شوی دی.
د افغانستان اسلامي امارت د استخباراتو عمومي ریاست هم د یکشنبې پر ورځ ( د وري شپږمه ) په ډاګه کړه، چې په فاریاب کې یې د داعش هغه وسلهوال نیولي، چې د بلخ والي داوود مزمل په وژلو کې یې لاس درلود.
د دغه رياست د څرګندونو له مخې، دغو کسانو په کابل، بلخ او فارياب په بريدونو کې لاس درلود.
دا په داسې حال کې ده، چې د اسلامي امارت د استخباراتو عمومي ریاست د کابل ښار د دولسمې امنیتي حوزې د اړوند سیمې په ځانګړیو عملیاتو کې د داعش د هغه غړی وژل تائید کړل، چې د کورنیو چارو وزارت پر جومات یې د برید مشري کړې وه.
بلخ @ps
د بلخ والي محمد داوود مزمل په یوه چاودنه کې ووژل شو

د افغانستان د بلخ ولایت والي ملا محمد داوود مزمل د دغه ولایت په مقام کې د چاودنې له کبله خپل خوږ ژوند له لاسه ورکړ.
د بلخ امنیه قومندانۍ ویاند محمد آصف وزیري آریانا نیوز ته ویلي، چې چاودنه نن سهار ( پنجشنبه د کب ۱۸) شاوخوا نهه بجې د بلخ ولایت په مقام کې دننه رامنځته شوې ده.
د وزيري د څرګندونو له مخې؛ په دې چاودنه کې پر محمد داوود مزمل سربېره دوه نور کسان هم وژل شوي دي.
د افغانستان اسلامي امارت ویاند ذبیح الله مجاهد هم په یوه تویت کې د داوود مزمل وژل کېدل تائید کړي دي.
نوموړي څرګنده کړې: له خواشینۍ سره مو خبر ترلاسه کړ، چې د بلخ والي الحاج ملا محمد داوود مزمل له یوه بل ملکي وګړي سره د اسلام د دښمنانو لخوا په یوه چاودنه کې شهید شوی دی.
تر اوسه هیچا د دې پېښې پړه پر غاړه نده اخيستې.
بلخ @ps
په بلخ کې د یوې کورنۍ اووه غړي وژل شوي

د بلخ امنیتي چارواکو ويلي؛ د دې ولایت په چمتال ولسوالۍ کې د یوې کورنۍ اووه غړي پر مرموز ډول وژل شوي دي.
د بلخ ولایت د امنیه قومندانۍ ویاند محمد آصف وزیري څرګنده کړې، دغه کورنۍ د جمعې پر شپه (د سلواغې ۱۴ ) پر مرموز ډول وژل شوې ده.
د محمد آصف وزيري د څرګندونو له مخې؛ د دې پېښې په قربانيانو کې ماشومان او ښځې هم شته دی.
آصف وزیری وايي، تر اوسه د دې وژنې لامل او انګېزه نده څرګنده؛ خو د پېښې د عاملینو د نیولو هڅې روانې دي.
-
لوبی2 days ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
تازه خبرونه4 days ago
افغان بیسیم د کونړ په چغان کې 3G خدمتونه فعال کړل
-
سیمه ییز خبرونه4 days ago
د چین ولسمشر شي د سعودي له ولیعهد سره په خبرو کې د سعودي او ایران له اړیکو ملاتړ څرګند کړ
-
سیمه ییز خبرونه2 days ago
عربستان له شانګهای ټولنې سره د یوځای کېدو پرېکړه وکړه
-
روغتيا2 days ago
په چیلي کې د الوتونکیو د انفلونزا لومړنۍ انساني پېښه وپېژندل شوه
-
تازه خبرونه3 days ago
د ملګرو ملتونو امنیت شورا غړیو په افغانستان کې پر ملکي وګړیو د برید غندنه وکړه
-
نړۍ4 days ago
د تنسي مسیحي ښوونځي پخوانۍ زدهکوونکې پر ډزو۳ ماشومان او ۳ لویان وژلي
-
تازه خبرونه3 days ago
د افغانستان په اووه ولایتونو کې ۶۴۵ کورنۍ سیلابونو ځپلي دي- اوچا