تازه خبرونه
له طالبانو سره د افغانستان د پلاوي خبرې، له بدلون سره د مخ ملت پر ارزښتونو راڅرخي
قطر- دوحه: هغه مهال، چې طالبانو د یکشنبې پر ورځ په لومړي ځل له یو شمېر افغان حکومتي چارواکو سره ولیدل؛ نو له داسې استازیو سره مخ شول، چې د دوی د واکمنۍ له پرځیدو ۱۸ کاله وروسته یې ورته د نوي افغانستان نوې څېره وړاندې کړه.
د تېرو کلونو ورانۍ او پرمختګونه له کلونو راپدیخوا څنګ په څنګ راروان دي او د میز ډېري استازي له بېلابېلو اړخونو څخه – د خپلو ځانګړيو زیانونو او اندېښنو کیسې وړاندې کوي.
په قطر کې خبرې، چې د دوشنبې پر ورځې هم روانې دي؛ په کې په لومړي ځل د افغان حکومت چارواکو برخه اخیستې او موخه یې د امریکایي ځواکونو له وتلو وروسته د افغانستان پر سیاسي راتلونکی مخامخ خبرو ته دانګل دي.
د دوحې د انستیتوت مشرسلطان برکات، چې دغه ناسته یې د آلمان د یوه بنسټ پر همکارۍ جوړه کړې ویلي: دا مهمه ده، چې ټولې خواوې په تېرو ۱۸ کلونو کې رامنځته شوي بدلونونه درک کړي او وپوهیږي، چې څنګه رامنځته شوي دي. هغه دا هم څرګنده کړې، چې اتلس کاله لږ وخت ندی؛ خو جګړه غواړي خلک د ناپوهۍ په منګولو کې ښکېل کړي.
د افغان ګډون کوونکیو تر منځ د حکومت پر اوسنيو او پخوانیو لوړ پوړيو چارواکو سربېره هغو کسانو، چې په ځانمرګو بریدونو کې یې د کورنۍ غړي له لاسه ورکړي او د رسنیو یو مشر، چې د خپلو کارکوونکیو سوي بدنونه یې د اورپه لمبو کې لیدلي هم برخوال دي.
هغه مهال، چې طالبان په واک او ځواک کې ول؛ ښځو ته یې د کار او ښوونځیو ته د تګ اجازه نه ورکوله؛ خو د یکشنبې د ورځې له خپلمنځي ناستې وروسته د چای او ډوډۍ په دمه کې طالب چارواکي په ډېر درناوي د ښځو له استازیو سره کښیناستل. د بېلګې په توګه د هغه مهال(۲۰۰۱) یوې ښځې، چې د یو ولایت والي وه او د وخت عامه وژنې یې زغملي او یوه بله داکتره، چې د سیکانو استازې ده.
که هغوی د یو ماشوم د ژړا غږ اوریدلی وي، هغه به د ملي امنیت د مرستیالې د دوه میاشتنې زوی غږ و. کله، چې هغې خپله څوکۍ له طالبانو لیرې کړه او میړه یې، چې هم د یو رسمي مقام لرونکی و؛ د رسمي غونډو په څنډه کې یې د ماشوم په کرارولو او ویدولو کې مرسته کوله.
کله ، چې ټولنیزو رسنیو په تېروتنه د یوه ماشوم نوم د دغې ناستې په نوملړ کې ونیوه؛ کیدی شي په همدې مناسبت و، چې له ټولو ګډونوالو یې راتلونکې ستنې لوړې وې.
د افغانانو د عامه وژنې یو خبر(په برید کې د ماشومانو پاتې کیدل) هغه مهال خپور شو، چې استازي د دوحې د ناستې شیراتون کوټې ته ورسیدل. طالبانو د یکشنبې پر ورځ په غزني کې د موتربم چاودنې مسوولیت پر غاړه واخیست، چې په کې اته امنیتي افسران او څلور عام وګړي ووژل شول.
ملګروملتونو وویل، چې په دې برید کې څه نا څه ۱۷۰ کسان د ۵۰ ماشومو زدکوونکیو په ګډون ټپیان شول.
په قطر کې د طالب پلاوي یو شمېر استازیو له یوې لسیزې ډېر وخت د کیوبا د ګوانتانامو د امریکایي زندان په بند کې تېر کړي.
د طالبانو د رهبرۍ مرستیال او د سولې د هڅو مسوول ملا عبدالغني برادر، چې د یکشنبې د ورځې په ناسته کې یې ګډون نه و کړی؛ څه نا څه لس کاله د پاکستان په بند کې تېر کړل، چې روغتیایي حالت یې ورته زیانمن کړی دی.
جنګیالي د خپلو هغو ملګرو او دوستانو کیسې لري، چې خپلوان او عزیزان یې د افغان او امریکایي ځواکونو په بمونو کې له لاسه ورکړي دي.
هغوی د زړه له کومي پر هغه جنګ، چې دوی یې اشغال او نیواک بولي؛ ټینګ باور لري. ان تر دې، چې د وروستي مشر زوی یې مولوي حبیب الله اخندزاده ځانمرګی برید تر سره کړ.
د دوه رښتینواندونو یو ځای کول په داسې حال کې، چې د سولې بهیر هم ناوخته پیل شوی( د پاتې څوارلس زره امریکایي سرتېرو وتل، چې کیلي یې ګڼل کیږي) په ناببره توګه چټک روان دی او دا یو بنسټیز؛ خو پراخه کار دی.
د یکشنبې د ورځې ډېرې ناستې د تړلیو دروازو تر شا ترسره شوې؛ خو ګډونوالو د ورځې په پای کې د ناستې بهیر له درناوي ډک وستایه که څه هم په کې د اندونو تبادله وشوه.
د افغانستان د ملکي خدماتو کمیسیون رییس نادر نادري د غزني له ډاره ډک برید مطرح کړ. په داسې حال کې ، چې هغه د طالبانو د حاکمیت پر مهال له خپلې ځورونې یادونه وکړه او دغه راز یې د طالب چارواکو کړاوونه هم د بند پر مهال ومنل.
د طالب پلاوي غړي ملا عبدالسلام حنفي د افغانستان پلاوی د خبرو پر مهال د ملکي تلفاتو پر غوراوي تورن کړ او هغه وویل، چې رسمې حکومتي چارواکي او رسنۍ په کلیو او لیرې پرتو سیمو کې د ملکي تلفاتو شمېر، چې د امریکایي او افغان ځواکونو له لوري رامنځته کیږي لږ ښیي.
د طالب پلاوي یو غړي سهیل شاهین په یوه مرکه کې ویلي؛ مونږ د دواړو لوریو د هغو دردونو یادونه کوو، چې پر شپنیو بریدونو او یا بمونو رامنځته شوي؛ خو اوس دلته یو.
هغه زیاته کړې، چې ټول اړخونه درد لري؛ د نیواک پای د دردونو پای دی.
د افغانستان د کابینې یو غړي عبدالمتین بیک هم په دغو خبرو کې برخه اخیستې ده او درد لومړی بولي. پلار یې، چې د ولسي جرګې غړی و د ۲۰۱۱ کال په یو ځانمرګي برید کې د جنازې پرمال ووژل شو.
ښاغلي بیک ویلي؛ د هېواد لیرې پرتو سیمو ته سفرونو یې په ډاګه کړې ، چې افغانان د جګړې پای غواړي.
هغه هیله من دی، چې روانې خبرې به مخامخ خبرو ته زمینه برابره کړي.
نوموړي دغه را څرګنده کړې؛ دا ماته آسانه نه ښکاري، چې د پلار د وژونکیو مخې ته کښینم؛ خو مونږ باید دا کار پای ته ورسوو.
خبریال: مجیب مشعل، نیویارک تایمز |پښتو ژباړه: قتیل زوی
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه5 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه5 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه3 days ago
په ننګرهار کې د ناکامورا کانال پروژه بشپړه شوه