تازه خبرونه
له طالبانو سره روانې خبرې د سولې لپاره یو ښه فرصت دی- ترمپ

د امریکا ولسمشر هیله من دی، چې اوس هم له طالبانو سره د هوکړې فرصت شته او امریکا ورسره پر خبرو بوخته ده او زه نه غواړم، چې میلیونونه انسانان ووژنم.
د فبروري ۲۹ د سولې هوکړه لیک د لاسلیک ورځ ټاکل شوې؛ خو له دې مخکې باید د تاوتریخوالی د کمي لپاره باید د امریکا، طالبانو او افغان دولت لخوا یوه اووه ورځنۍ دوره پلې شي.
د امریکا ولسمشر دونالد ترمپ وایي، چې زه د اتمي وسلې په اړه نه غږیزم؛ زه نه غواړم، چې میلیونونه انسانان ووژنم. مونږ له طالبانو سره پر خبرو بوخت یو؛ وګورو، چې څه کیږي. دا د هوکړې لپاره یو فرصت دی.
په افغان حکومت کې چارواکي وایي؛ څلور ورځې وروسته به د تاوتریخوالي د کمي پړاو پیل شي، چې د مدیریت لپاره یي ولسمشر غني له امنیتي او سیمه ییزو چارواکو سره سلا او مشورې لري. که دا دوره په بریالیتوب پای ته ورسیږي، د امریکا او طالبانو ترمنځ به هوکړه لیک لاسلیک شي.
د افغانستان او پاکستان لپاره د امریکا پخواني استازي ریچاړد اولسن ویلي؛ مونږ باور لرو، چې د زیاترو افغانانو لومړیتوب سوله او د سولې بهیر دی. باوري یو، چې د تاوتریخوالي د کمي یو مهم پړاو هیر دی. که دا ازمایښتې پړاو په برلیتوب ترسره شي؛ دا به له طالبانو سره د سولې د هوکړه لیک د لاسلیک سبب هم شي.
ټاکل شوې د هوکړه لیک له لاسلیک لس ورځې وروسته د افغانانو خپلمنخي خبرې پیل شي، چې چې د افغانستان سیاسي برخلیک ټاکي؛ خو په کابل کې اوس هم له طالبانو سره د خبرو لپاره مرکچي پلاوی ندی جوړ شوی.
د امریکا د سولې انستیتیوت مشر هاردلي ویلي؛ طالبان اړ دي، چې له افغان دولت سره کینې. مونږ د افغانانو د خپلمنځي خبرو په اړه له وړاندې قضاوت نشوکولی؛ خو چمتو یو هر هغه څه، چې افغانان یې د خپل راتلونکي لپاره ټاکي او پرې سلا ته ورسیږي ترې ملاتړکوو.
له دې مخکې امریکایي او طالب چارواکو ویلي وه، چې د امریکایانو او طالبانو ترمنځ هوکړه وروستۍ شوې او لاسلیک ته چمتو ده.
تازه خبرونه
ایرانیان دې د شړلو پرمهال د افغان کډوالو د حقونو له سرغړونې او سپکاوي ډډه وکړي
ملا محمد حسن اخوند زیاته کړې؛ له یوېخوا باید د شړلو په بهیر کې د افغان کډوالو حقونو ته درناوی وشي او له بلېخوا د افغان حکومت مسوولې ادارې باید وکولی شي د کډوالو چارې په سمه توګه مدیریت کړي.

د اسلامي امارت رییس الوزراء ملا محمد حسن اخوند ایرانیانو ته په خطاب کې څرګنده کړې؛ د افغانستان اسلامي امارت تل له ایران څخه غوښتنه کړې، چې د افغان کډوالو د شړلو په بهیر کې د تدریج اصول، پت او ښه ګاونډیتوب ته پاملرنه وکړي.
ملا محمد حسن اخوند زیاته کړې؛ له یوېخوا باید د شړلو په بهیر کې د افغان کډوالو حقونو ته درناوی وشي او له بلېخوا د افغان حکومت مسوولې ادارې باید وکولی شي د کډوالو چارې په سمه توګه مدیریت کړي.
د ریاست الوزراء خبرباڼې د نوموړي د حرګندونو له مخې څرګنده کړې: ” له ایراني چارواکو غوښتنه کوم، چې د شړلو پرمهال د افغان کډوالو له حقونو څخه سرغړونه او سپکاوی ونکړي او کډوالو ته اجازه ورکړي، چې خپل منقول ملکیت خپل هېواد ته راانتقال او خپل غیر منقول ملکیت او حسابونه په معقول ډول تصفیه کړي.”
هغه د کډوالو د شړلو او د دوی د وروستي وضعیت او د دې هېواد له خلکو څخه د تېرو څلور لسیزو راپدېخوا د افغان کډوالو د کوربتوب په اړه مننه وکړه.
تازه خبرونه
اسلامي امارت له قزاقستان څخه د رسمیت پېژندنې غوښتنه وکړه
په قزاقستان کې د افغانستان سفارت وایي، دواړو لورو د کابل او آستانې ترمنځ د سیاسي، اقتصادي او کلتوري اړیکو پر پیاوړتیا ټینګار وکړ.

په قزاقستان کې د اسلامي امارت د سفارت چارسمبالي محمدالرحمن د افغانستان لپاره د قزاقستان له ځانګړي استازي یرکین توکوموف سره په لیدنه کې د روسیې لهخوا د اسلامي امارت د رسمیت پېژندلو له وروستۍ هڅې هرکلی وکړ او هیله یې څرګنده کړه، چې قزاقستان هم پدې برخه کې خپل ګامونه پورته کړي.
په قزاقستان کې د افغانستان سفارت وایي، دواړو لورو د کابل او آستانې ترمنځ د سیاسي، اقتصادي او کلتوري اړیکو پر پیاوړتیا ټینګار وکړ.
قزاقي دیپلومات د دوه اړخیزو اړیکو پر پراختیا د ټینګار ترڅنګ په سیاسي، اقتصادي او کلتوري برخو کې د همکارۍ ډاډ ورکړ.
د اسلامي امارت ډیپلومات هیله څرګنده کړه، چې قزاقستان به د روسیې په څیر د افغانستان سرپرست حکومت پر رسمیت وپېژني.
په قزاقستان کې د افغانستان سفارت د خبرپاڼې په یوه برخه کې راغلي: “په دې لیدنه کې محمدالرحمن د اسلامي امارت د بهرني سیاست، په افغانستان کې د پانګونې فرصتونو، د کډوالو د وضعیت، وروستیو سیلابونو او د کارموندنې د ستونزو په اړه معلومات ورکړل. “
” نوموړي د روسیې لهخوا د اسلامي امارت له رسمیت پېژندلو هرکلی وکړ او د قزاقستان لهخوا یې د ورته اقدام هیله څرګنده کړه.”
بل لور ته، د قزاقستان ځانګړي استازي د دوه اړخیزو همکاریو پر پراختیا ټینګار وکړ.
نوموړي ډاډ ورکړ، چې هېواد به یې له افغانستان سره په سیاسي، اقتصادي او کلتوري برخو کې همکاري وکړي.
د اسلامي امارت چارواکي هڅه کوي، چې د سیمې له هېوادونو سره د اړیکو پراخولو او د اقتصادي فرصتونو پر برابرولو د افغانستان لپاره لا ډېر ډیپلوماټیک ملاتړ راجلب کړي.
د ویلو ده، چې قزاقستان له افغانستان سره په بېلابېلو او په ځانګړي توګه اقتصادي برخه کې همکاري کړې او ښې اړیکې یې پاللې دي.
تازه خبرونه
مولوي عبدالکبیر په کابل کې له ایراني پلاوي سره وکتل
مولوي عبدالکبیر له اسرائیلو سره په جګړه کې د ایراني چارواکو د شهادت د تسلیت وړاندې کولو تر څنګ ویلي؛ په تېرو څو لسیزو کې ایران د میلیونونو افغانانو کوربتوب کړی او نه باید، چې د کډوالو موضوع د دواړو ملتونو تر منځ د اړیکو د خرابېدو سبب شي.

د مهاجرینو او راستنېدونکو چارو وزارت چارسمبالي مولوي عبدالکبیر له یوه ایراني پلاوي سره، چې په کابل کې د ایران سفارت چارسمبالي علیرضا بیګدلي یې ملتیا کوله د افغانانو پر وضعیت او له هغه هېواد څخه د راستنېدونکو افغانانو د جبري ایستنې د پیل شوې څپې په اړه بحث او خبرې کړې دي.
د دې وزارت د خپرې شوې خبرپاڼې له مخې؛ په دې ناسته کې د ایران سفیر بیګدلي له اسرائیلو سره په جګړه کې د اسلامي امارت او افغان ولس له دريځ مننه وکړه او هغه یې د دوه ملتونو د یووالي څرګنده بېلګه یاده کړه.
علیرضا بیګدلي هرات او نیمروز ته د خپل وروستی سفر او له ایراني لوړپوړو چارواکو سره د خپلو لیدنو جزئیات مولوي عبدالکبیر ته وړاندې کړل.
نوموړي ویلي، چې د اسلامي امارت له چارواکو سره د راستنېدونکو افغانانو د ستونزو د حل په اړه لیدنې مهمې وې؛ د افغانانو شکایتونو ته د رسېدنې پر موخه دوه اړخیزې کمیټې کار پیل کړی او تر دې مهاله د افغان راستنېدونکو ګڼې ستونزې اوارې شوې دي.
د ایران سفارت استازي زیاته کړې؛ ایران د راستنېدونکو افغانانو پر ویزو جریمه معاف او د وسایلو او توکو پر انتقال یې ګمرکي تعرفې هم لغوه کړې دي.
همدارنګه نوموړي ډاډ څرګند کړ، چې د یوې طرحې له مخې به د اسلامي امارت د سفارت او د ایراني لوري لخوا افغانان خپلو پیسو ته لاس رسي پیدا کړي.
بیګدلي دا هم ویلي، چې لویه برخه افغانان په داوطلب ډول له ایران څخه راستانه شوي دي.
مولوي عبدالکبیر له اسرائیلو سره په جګړه کې د ایراني چارواکو د شهادت د تسلیت وړاندې کولو تر څنګ ویلي؛ په تېرو څو لسیزو کې ایران د میلیونونو افغانانو کوربتوب کړی او نه باید، چې د کډوالو موضوع د دواړو ملتونو تر منځ د اړیکو د خرابېدو سبب شي.
نوموړي له ایران څخه د افغانانو پر دواطلب ډول راستنېدلو ټېنګار وکړ او څرګندوي؛ ایراني چارواکي دې د افغانانو ستونزو ته پخپل وخت رسېدنه وکړي.
ویل کیږي، چې افغان لوري له ایراني چارواکو سره د افغان کډوالو د راستنولو په اړه پر یوه طرحه هوکړه کړې وه؛ خو په ایران کې د وروستیو حالاتو له کبله نیمګړې پاتې شوه.
-
تازه خبرونه4 days ago
په اسلام آباد کې د افغانانو په ګډون د ویزو د جعل کارۍ یوه ډله ونیول شوه
-
تازه خبرونه3 days ago
د کال تر پایه ممکن یو میلیون نور افغانان هم له ایران څخه هېواد ته راستانه شي
-
نړۍ2 days ago
د ټرمپ د سوداګریزو تعرفو تر سیوري لاندې مارکو روبیو خپل آسیایي سفر پیل کړ
-
تازه خبرونه5 days ago
په ټګزاس کې د سیلابونو له کبله د مړو شمېر ۷۸ کسانو ته ورسېد
-
تازه خبرونه5 days ago
د چین یو خصوصي شرکت په بېلابېلو ولایتونو کې ګډ بازارونه، لارې او صنعتي پارکونه جوړوي
-
د هوا حالاتو بدلونونه2 days ago
په اروپا کې د تودوخې له کبله ۲۳۰۰ کسان مړه شوي
-
سوداگري4 days ago
د کال په لومړۍ ربعه کې افغانستان ته د ایران ناتېلي صادرات ۵۱۰ میلیون ډالرو ته رسېدلي
-
تازه خبرونه2 days ago
په هېواد کې د اداینې د برښنایي کولو لپاره هڅې روانې دي – د افغانستان بانک