تازه خبرونه
نه غواړم له طالبانو سره د سولې خبرې وکړم-ترمپ
د امریکا ولسمشر دونالد ترمپ په کابل کې د وروستیو بریدونو په غبرګون کې ویلي، چې اوسمهال نه غواړي د سولې په اړه له طالبانو سره خبرې وکړي.
د امريکا ولسمشر ترمپ په سپينه ماڼۍ کې خبریالانو ته ويلي؛ زه فکر نه کوم، چې مونږ به اوس له طالبانو سره خبرو ته چمتو يو. هغوی له توپير پرته خلک وژني او بيګناه خلک ووژل شول. د کورنيو پر غړیو او ماشومانو چاودني کيږي او په ټول افغانستان کې چاودنې او وژنې روانې دي.
د امريکا ولسمشر د ملګرو ملتون د امنیت شورا غړي غرمنۍ ته راببلي وه او د طالبانو د ماتولو په اړه یې دا هوډ ورته څرگند کړ، چې دی به هغه کار وکړي، چې نورو نه دی کړی.
هغه داهم زیاته کړې؛ مونږ هغه څه ختموو، چې بايد يې ختم کړو. بل هيچا هم دا کار ختم نشو کړای، مونږ يې ختمولی شو.
ترمپ له هغې وروسته، چې په کابل کې ځانمرګي موتر بمب له ۱۰۰ ډېر ووژل او له ۲۰۰ نور یې ټپیان کړل؛ په خپل تویتر کې ولیکل، چې طالبان به بریالیتوب ته پرینږدي.
ارګ د ترمپ له دریځه ملاتړ کړی؛ ځکه ولسمشر غني وسلوالو مخالفینو ته د سولې دروازې خلاصې کړي؛ خو هغو پخپلو ځانمرګو او وسلوالو بریدونو د هغه ځواب ورکړی دی.
د ولسمشرۍ د دفتر سرپرست ویاند سید شاه حسین مرتضوي وایي، څه وخت مخکې ولسمشر طالبانو ته د سولې د خبرو فرصت ورکړ؛ خو طالبانو له خپلې شړۍ پښې راوویستې. دولت به له دې وروسته د وسلوالو مخالفینو په وړاندې له هر امکانه ګټه پورته کړي.
هغه پوځیان، چې د جګړې په ډګر کې له وسلوالو مخالفینو سره ښکېل شوي؛ نړیوال ملاتړ اړین بولي. د ملي دفاع وزارت د پالیسۍ مرستیال تمیم عاصي ټینګار کوي، چې افغان ځواکونه به په راتلونکي پسرلی کې د نړیوالو ځواکونو له ډېرو هوایي بریدونو برخمن وي.
په کابل کې د وروستیو بریدو نو په غبرګون کې د عالمانو شورا ویاند حلیمي نن د ترمپ د څرګندونې په اړه په یوه خبري ناسته کې د یوې پوښتنې لپاره په ډاګه کړه، چې مونږ د دیني احکامو له مخې سولې ته اړ یو او جنګ د حل لار نه ده.
دا په داسې حال کې ده، چې: د امنیت شورا پلاوي څه وخت وړاندې افغانستان ته سفر کړی و او په ملګرو ملتونو کې د امریکا استازې نیکې هیلې ویلي وه، چې افغان حکومت له طالبانو سره خبرو ته نږدې شوی دی.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې