تازه خبرونه
په دوحه کې د طالبانو او امریکایانو دوه ورځنۍ خبرې تر سره شوې
طالبانو ته نږدې سرچینو ویلي؛ په پرونۍ او نننۍ ناستو کې زلمي خلیلزاد طالبانو ته ډاډ ورکړی، چې امریکایي ځواکونه به ووځي.
که څه هم د امریکایانو او طالب استازیو د ناستو په تړاو راپورونه خپاره شوي؛ خو طالبانو تېره ورځ تائید کړه، چې د عباس ستانکزي په مشرۍ د طالبانو اته کسیز پلاوي د زلمي خلیلزاد په مشرۍ د امریکایانو له یوولس کسیز پلاوي سره د قطر په پلازمېنه دوحه کې کتلي او د دوی ترمنځ د څلورم پړاو خبرې به د سې شنبې پر ورځ هم روانې وي.
د سولې عالي شورا له طالب استازیو سره د زلمي خلیلزاد د ناستو له دوام راضي نده؛ خو هیله لري، چې دا ناسته د افغان حکومت او طالبانو د استازیو تر منځ د مخامخ ناستې لپاره د زمېنې برابرولو لپاره وروستۍ وي.
د سولې عالي شورا ویاند احسان طاهري وايي، چې هیله من یو، چې دا ناستې نورې اوږدې نشي؛ ځکه، چې د افغانانو له ګډون پرته دغه راز ناستې به پر سوله او ثبات هیڅ راز اغېز ونلري.
طالبانو ته نږدې سرچینو ویلي، چې دواړو لوریو له افغانستان څخه د بهرنیو ځواکونو پر وتلو او دغه راز پدې خبرې وکړې، چې له افغانستان څخه به بل هېواد ته هیڅ ګواښ متوجه نشي.
د طالبانو پخوانی غړی سید اکبرآغا وایي، چې طالبان غواړي امریکا ډاډمنه کړي، چې د افغانستان لخوا به دغه هېواد نه ګواښل کیږي او زلمی خلیلزاد به هم طالبانو ته دا ډاډ ورکوي، چې بهرني ځواکونه له افغانستان څخه وځي.
د هغه د څرګندونو له مخې؛ د قطر په ناسته کې پر همدغو دوه خبرو بحث شوی دی.
لدې ناستو سره په یوه وخت کې د امریکا دفاع وزارت خبرداری ورکړی، چې واشنګتن له افغانستان څخه د ځواکونو د ویستلو لپاره هیڅ پروګرام نلري.
د امریکا دفاع وزارت ویاند کني فالکینر وایي، چې دا مهال مونږ له طالبانو سره د خبرو اترو ملاتړ راوان ساتو. تر اوسه زمونږ په روانو عملیاتو او د ځواکونو په جوړښت کې، چې غواړي ترهګر وڅاري او په نښه کړي؛ هیڅ بدلون ندی راغلی.
د سولې عالي شورا ویلي، چې د افغانستان د سولې لپاره د سیمه ییزې اجماع د را منځته کولو په موخه د دغې شورا د دارالانشا رییس عمر داوود زی د چارشنبې پر ورځ چین ته د یوه درې کسیز پلاوي په مشري ځي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سیمه ییز خبرونه3 days ago
پر رفح د اسرائیلو بریدونه په نړیواله محکمه کې ارزول کیږي