تازه خبرونه
په بلخ کې د افغان ترک ښوونځي د ترکیې پوهنې ته وسپارل شول
له څو میاشتو لانجو وروسته په بلخ کې د افغان ترک ښوونځیو د مدیریت چارې په رسمي توګه د ترکیې پونې بنسټ ته وسپارل شوې.
ترکیې چارواکي ژمنه کوي، چې له فراغت وروسته به هم زدکوونکیو ته په ترکیه کې د زدکړې د دوام زمینه برابره او نور ترکي استادان به استخدام کړي.
په افغانستان کې د ترکیی د پوهنې بنسټ رییس شاکروایوت وایي، چې له افغانستان سره د شوې هوکړې له مخې د افغان ترک ښوونځیو د مدیریت له ترلاسه کولو وروسته به د زدکوونکیو د ودې په موخه نورې برنامې هم په پام کې ولرو.
په بلخ کې د ترکیې سرکنسول شوکي شیچکین آلپای وایي، چې د افغان ترک ښوونځیو د ودانیو رغونه مو په لومړیتوبونو کې ده، مونږ نوي ترکې استادان هم استخداموو او اوس د بلخ د هلکانو او نجونو د افغان ترک په ښوونځیو کې اووه ترکي استادان تدریس کوي.
یو شمېر زدکوونکي د ترکیې د پوهنې بنسټ ته د دغه ښوونځیو د مدیریت د سپارلوهرکلی کوي.
د افغانستان د پوهنې وزارت سلاکارنجیب الله کامران وايي؛ هغو افغان ښوونکي، چې مخکې په دغو ښوونځیو کې تدریس کاوه خپلې هڅې به روانې ساتي؛ خو ترکي ښوونکي وظیفوي تضمین نلري.
امنیتي ځواکونه د جمعې په شپه په بلخ کې د افغان ترک ښوونځیو ته وردننه شول او د دغه ښوونځي د ښوونکیو په وینا څلوېښت افغان او ۷ ترکي استادان یې ونیول.
دا په داسې حال کې ده، چې په بلخ کې چارواکي د دغه ښوونځیو د نیول شویو ښوونکیو د برخلیک په اړه څه نه وايي.
د هېواد د کورنیو چارو او پوهنې وزارتونه په بلخ او هرات ولایتونو کې پر افغان ترک ښوونځیو بریدونه ردوي او وایي، چې د ښوونکیو په نوم ناڅرګند کسان په دغو بنسټونو کې ځای پر ځای شوي وه، چې امنیتي ځواکونه د امنیت خوندي کولو لپاره اړوند سیمې ته استول شوي وه؛ خو د دغو ښوونځیو د زدکوونکیو د کورنیو کمیته د اړوند وزارتونو خبر ردوي.
د دغو ښوونځیو د زدکوونکیو د کورنیو کمیتې غړی یوسف پښتون وایي: پر ښوونځیو برید له قانونه سرغړونه ده او دوی قانونه ته درناوی نلري.
د دغو ښوونځیو د زدکوونکیو د کورنیو کمیتې یو بل غړی عبدالشکور دادرس وایي، چې باید ټولې چارې د قانون تر چتر لاندې تر سره شي.
یو کال مخکې د ترکیې او د افغانستان د پوهنې وزارت تر منځ د ترکیې پوهنې بنسټ ته د دغو ښوونځیو د سپارلو هوکړه لاسلیک شوې ده.
ویل کیږي، چې له دې مخکې هم د دغو ښوونځیو ښوونکي افغان امنیتي ځواکونو نیولي وه.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
تازه خبرونه
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي
د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.
د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.
محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.
نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.
هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.
ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
په هر حال پر رفح برید شونی دی – نتانیاهو
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه