Connect with us

تازه خبرونه

په افغانستان کې د پېنځه زره نورو سرتېرو د رالیږلو اړتیا رامنځته شوې

خپور شوی

د

(Last Updated On: لړم ۲, ۱۴۰۱)

Nicklson

په افغانستان کې د امریکا د غوڅ ملاتړ ماموریت قومندان د پېنځه زره نورو سرتېرو د رالیږلو غوښتونکی شوی دی.

په افغانستان کې د امریکا د غوڅ ملاتړ ماموریت قومندان جنرال جان نیکولسن وايي، چې په افغانستان کې سرتېري د داعش د ګواښونو د راکمولو لپاره یوه اړینه اړتیا ده.

په افغانستان کې د امریکایي سرتېرو ډېرول؛ د داعش د ګواښونو د راکمولو لپاره د امریکایي پوځیانو یوه نوې تګلاره ده.

په ښکاره د نویو راپیدا شویو ترهګرو ډلو ګواښونه په ځانګړي توګه د داعش رامنځته کیدل د امریکا لپاره دومره د اندېښنې وړ ده، چې جنرال جان نیکولسن د اوسني ولاړ جنګي حالت د پای ته رسولو لپاره د پېنځه زره نورو پوځیانو د رالیږلو غوښتنه کوي.

نوموړي په بشپړ ټینګار ویلي؛ مونږ نشو کولی، چې له افغانستان څخه د وتلو بیه پرې کړو. دا هغه ځای دی، چې د دوه زره  لومړي کال د سپتمبر په یوولسمه په کې د تروریزم ضد جګړه پیل شوه. دلته ماته ترهګر په ټوله نړۍ کې زړور کوي او په ډېر شمېر افراد به یې تر رپي(بیرغ) لاندې راټول شي.

ټاکل شوې، چې جنرال جان نیکولسن دغه موضوع د روان کال د می په میاشت کې د ناتو ناستې ته وړاندې کړي، هغه ځواکونه، چې لومړنۍ موخه به یې له داعش سره مبارزه وي.    

د افغانستان د دفاع وزارت ویاند دولت وزیری وایي؛ د حیرانتیا خبره ده، چې داعش دومره ګواښوونکی ښودل کیږي. په داسې حال کې، چې داعش په دې هېواد کې ډېر بې ځواکه دی.

جنرال نیکولسن مخکې ویلي وه، چې د افغانستان حکومت همدا اوس یوازې پر ۶۲ سلنه نفوس کنترول لري او له ټولې خاورې څخه یوازې ۵۷ سلنه یې په لاس کې ده.

خبریال: قیام نوري

Advertisement

تازه خبرونه

جاپان د افغانستان له سیلاب ځپلیو سره د بېړنیو مرستو ژمنه وکړه

Published

on

(Last Updated On: غویی ۲۷, ۱۴۰۳)

په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.

د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.

دا مرست خیمې، کمبلې او نور اړین توکي رانغاړي.

په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.

دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.

روسیې هم د اړتیا په صورت کې د مرستې ژمنه کړې ده.

دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.

Continue Reading

تازه خبرونه

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

Published

on

(Last Updated On: غویی ۲۷, ۱۴۰۳)

په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.

د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.

هغه دا ډاډ هم ورکړی، چې افغانستان ته به دا مرستې د اوسپنې‌پټلۍ له لارې د هرات تورغنډۍ بندر ته رادننه شي.

په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.

Continue Reading

تازه خبرونه

ملګري ملتونه غواړي په افغانستان کې د ځمکو خړبولو لپاره سولري پمپونه ولګوي

Published

on

(Last Updated On: غویی ۲۷, ۱۴۰۳)

د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځه‌ویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.

په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.

عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.

ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.

Continue Reading

Trending

Copyright © 2022 Ariana News. All rights reserved!