تازه خبرونه
په بیجینګ کې د افغانانو د خپلمنځي خبرو غونډه تر نا معلوم وخت ځنډیدلې ده
تمه وه، چې درې ورځې وروسته په بیجینګ کې د افغانانو د خپلمنځي خبرو غونډه تر سره شي؛ خو تازه راپورونه وايي؛ تېره ورځ د مسکو په څلور اړخیزه غونډه کې پرېکړه شوې، چې دا غونډه د یو څه مودې لپاره و ځنډول شي.
دغه راز د مسکو په څلور اړخیزه غونډه کې دا ټينګار هم شوی، چې امریکا او طالبان باید د سولې خبرې پیل او اوربند اعلان کړي.
د سولې عالي شورا مرستیال حاجي دین محمد ویلي، چې د مسکو په ناسته کې پرېکړه شوې، چې د افغانانو د بیجینګ خپلمنځي ناسته تر یو وخته وځنډول شي؛ هغه هم له کوم ځانګړي دلیل پرته.
د هغو کسانو د معلوماتو له مخې، چې د بیجینګ په غونډه کې به ګډون وکړي؛ په پام کې ده، چې پېنځه ویشت کسان له افغانستان څخه د طالبانو له استازیو سره پر یوه میزه کښیني.
پخوانی طالب چارواکي مولوي قلم الدین ویلي، چې د بیجینګ ناسته اړینه ده؛ لغوه شوې نده باید ترسره شي.
سیاسي شنونکي محمد حسن حقیار څرګنده کړې، چې د د حامد کرزي په مشرۍ به څه نا څه ۲۵ ، د حکومت لخوا ۱۰ او د طالبانو ۱۵ کسان په کې ګډون وکړي.
اجرائيه رييس عبدالله عبدالله ویلي؛ د چین په څير پر طالبانو نفوذ لرونکي هېوادونه کوښښ کوي، چې غونډې جوړې کړي او دا یو ښه ګام دی. دا ډېره مهمه ده، چې دغه هېوادونه په خپلو منځو کې همغږي ولري.
د سولې په برخه کې د دولت وزارت ویانده ناجیه انوري ويلي، چې په بیجینګ کې د افغانانو د خپلمنځي خبرو لپاره به یو پلاوی وټاکي او شمېر به یې له چین سره شریک کړي.
د مسکو په څلور اړخیزه غونډه کې چین، امریکا، روسیې او پاکستان ګډون کړی و، چې د جمعې پر ورځ ترسره شوه. دې ناستې د خپرې شوې اعلاميې په ترڅ کې ټينګار کړی، چې د افغان سولې د خبرو په بهیر کې باید اوربند وشي او یو زیات شمېر زندانیان هم باید خوشي کړ شي.
طالبانو د بیجینګ د ناستې د ځنډیدو په اړه تر دې دمه څه ندي ویلي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره