تازه خبرونه
که ولسمشر وغواړي د برېښنايي پېژند پاڼو د وېش لړۍ به تم کړو- احمدزی
د وګړیو د احوال ثبتولو ادارې ویاند وايي، ډېرژر به له ارګه بهر د کابل په یوه بله سیمه کې هم د برښنايي پېژند پاڼو د وېش مرکز پرانستل شي؛ خو که ولسمشر وغواړي د برېښنايي پېژندپاڼو د وېش لړۍ به تم کړو.
د برېښنايي پېژند پاڼو د وېش پر سر ناندرې اوس هم روانې دي؛ خو د وګړیو د احوال ثبتولو ادارې ویاند روح الله احمدزی وایي: مونږ د یوې تخنیکي ادارې په توګه دا پروسه پر مخ وړو؛ خو که د ملي وحدت حکومت رهبري له مونږ څخه د پروسې د بندیدو غوښتنه وکړي؛ مونږ به یاد بهیر ودردوو؛ خو اوس دا بهیر دوام لري.
دغه اداره زیاتوي؛ له دلوې میاشتې راهیسې یې د سیمه ییزو ارګانونو له ادارې سره یو ګډ کمپاین پیل کړی، چې پر مهال یې یو میلیون کاغذي پېژند پاڼې خلکو ته وېشلي.
هغه ویلي، چې لس میلیون کسانو ته کاغذي تذکرې ورکړ شوي، چې وکولی شي په ټاکنو کې د ګډون چانس ومومي. د دغه بهیر چټکوالي لپاره په پام کې ده، چې په کابل کې ۱۸ نور مرکزونه هم پرانستل شي.
د سیمه ییزو ارګانونو اداره وايي، هغوی ټولو والیانو ته امر کړی، چې خلک د برښنايي پېژندپاڼو اخستلو ته وهڅوي.
د سیمه ییزو ارګانونو د خپلواکې ادارې ویانده منیره یوسف زاده وایي: ټولو والیانو ته هدایت شوی، چې ولسوالیو ته ځانګړي سفرونه وکړي او خلک د پېژندپاڼو اخستلو ته وهڅوي. والیانو ته دا هدایت هم شوی، چې په لویو غونډو او سیمه ییزو رسنیو کې خلکو ته د پېژندپاڼو ګټه بیان کړي.
مشرانو جرګه هم د برښنايي پېژندپاڼو په اړه بېلابېل نظرونه لري.
د مشرانو جرګې مرستیال محمد علم ازیدیار وايي: د برښنایي تذکرو د وېش لپاره باید د حکومت د مشرانو او غړیو ترمنځ توافق رامنځته شي او کنه هېواد به د بحران پر لوري روان شي.
د مشرانو جرګې غړې فوزیه سادات وایي: هغه کسان، چې راتلونکي ته هیله من دي او د افغانستان بچی دی؛ هغه به دا تذکرې اخلي او هغه څوک، چې له راتلونکې وېره لري ، هغه د دغو تذکرو اخیستو ته هم هیله من نه دی.
د وګړو د احوال ثبتولو اداره وايي، برښنايي پېژند پاڼې د امنیت له ټینګښت سره مرسته کوي او تر دې مهاله ۲ زره کسانو نوملیکنه کړې؛ خو۲۰۰ کسانو ته برښنايي پېژندپاڼې وېشل شوې دي.
خبریال: خلیل الرحمن امید
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
اټک انرژي او موج ساحل د دوشنبې د ورځې لوبې وګټلې