تازه خبرونه
په پنجشېر کې ولسمشر غني خلکو ته پر اوښتي زیان خواشیني څرګنده کړه
ولسمشرۍ په ډاګه کړې، چې ولسمشر غني د هېواد د یو شمېر ملکي او پوځي چارواکو په ملتیا د یکشنبې پر ورځ( د چنګاښ ۲۴) له غرمې مخکې پنجشېر ولایت ته سفر وکړ او له هغو سیمو یې لیدنه وکړه، چې وروستي طبیعي ناورین ځپلې دي.
د خبرپاڼې له مخې؛ ولسمشر اړوند بنسټونو ته سپارښتنه کړې، چې له زیانمنو سره بشپړه مرسته وکړي.
ولسمشر وروسته د پنجشیر ولایت په مقام کې د دغه ولایت له خلکو او سیمه ییزو چارواکو سره ولیدل.
په دې لیدنه کې د دغه ولایت والي انجنیر کمالالدین نظامی لومړی خبرې وکړې او د حکومتي مشرانو له راتګه یې، چې هغه مهال په بروکسل کې ول، مننه وکړه.
هغه د ولسمشر د هدایت له مخې، چې اړوند بنسټونو د زیانمنو کسانو په ژغورنه کې برخه واخیسته هم خوښي ښکاره کړه.
د پنجشېر یو قومي مشر وویل، چې ستاسو راتګ او همدردۍ زمونږ پر دردونو مرهم کیښودل او د غمونو زغم مو را په برخه کړ.
ولسمشر د خلکو د څرګندونو له اویدو وروسته یو ځل بیا زیانمنو کورنیو ته خپله ډاډګیرنه او خواشیني وړاندې کړه او په ډاګه یې کړه: د والي او نورو سیمه ییزو چارواکو غوره مدیریت او د خلکو پراخ ګډون وښوده، چې ټول د پېښو پر وړاندې ګډ احساس لرو.
اشرف غني دغه راز د ښار جوړونې وزارت ته هدایت ورکړ، چې د استوګنو د کورونو جوړولو لپاره یوه سیمه ځانګړې کړي او دولت به یې په جوړولو کې همکاري وکړي.
دغه راز ولسمشر اړوند بنسټ ته سپارښتنه وکړه، چې د ویجاړو هټیو پر ځای د یو مناسب بازار د جوړولو نقشه هم ترتیب او حکومت به یې په جوړولو کې همکاري وکړي.
دغه راز د کرنې او د کلیو د پراختیا وزارتونو ته سپارښتنه وشوه، چې دغه ولایت په خپلو لومړیتوبونو کې ونیسي.
ولسمشر غني د پنجشېر سیند د اسنادي دیوالونو پرجوړولو هم ټینګار څرګند کړی او دغه راز یې د کارموندنې په اړه تخنیکي او مسلکي تعلیماتو ادارې ته د اړوند حرفوي او صنعتي زدکړو د پراختیا هدایت ورکړ.
هغه خلکو ته ویلي، چې ولسواکي دغه راز خواخوږي لري او ستاسې دردونه او غمونه د دې سبب شول، چې مونږ ټول دلته راشو. که د خلکو دردونه مو پر خوزښت رانولي، ځانته به انسانان څنګه ووایو.
قتیل زوی
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
تازه خبرونه
تېر کال پر زړه د سوريو ۷۰۰ ماشومانو درملنه وشو – سره میاشت
د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.
سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.
د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.
هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.
د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.
د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.
په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.
په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.
افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
لوبی5 days ago
اټک انرژی جوانان واحدي لوبډله او عینو مېنې خدیم ماټ کړل