تازه خبرونه
په لوګر کې له ۵۴۶ ماشوم زدکوونکيو بده جنسي ګټه پورته شوې- ګاردین ورځپاڼه
بریتانیایي ګارډین ورځپاڼې په ډاګه کړې؛ د لوګر مدني شبکې د بچه بازانو یوه کړۍ، چې د پېنځه سوه شپږ څلویښت زدکوونکیو جنسي ځورونه یې کړې، پیدا کړې.
د ګاردین د څرګندونو له مخې؛ په لوګر کې ماشوم زدکوونکي د جنسي تېریو ښکار شوي د بچه بازانو یوې ډلې د لوګر په ۶ ښوونځیو کې له ۵۴۶ هلکانو ناوړه ګټه پورته کړې.
مدني فعالانو ویلي؛ پدې اړه په ټولنیزو شبکو کې د جنسي ځورونو د ویډیوګانو له خپریدو وروسته ځینو کورنیو خپل قرباني شوي هلکان وژلي او ۲۵ نورو له کورونو تېښته کړې ده. په قربانیانو کې یو ۱۳ کلن او یو بل پېنځلس کلن هلکان هم شته؛ خو د عاملانو هویت تر دې دمه څرګند شوی ندی.
د لوګر پوهنې ریاست دا خبر رد کړی او په دې برخه کې یې د کره اسنادو او شواهدو غوښتنه کړې. د
د لوګر د ولایتي شورا غړی محمد صدیق قسیم خوشیوال ویلي، چې دا یو تکان ورکوونکی خبر دی. په لوګر کې د اخلاقي مفاسدو ګراف ډېر ټیټ دی.
د ګاردین د راپور په یوه برخه کې ویل شوي مدني ټولنو، د لوګر د ټولنیزو او مدني ځوانانو موسسې په ټولنیزو شبکو کې د څه باندې سل ویدیوګانو له کشف وروسته د ناوړه استفادو کچه افشا کړه.
دا بنسټ د لوګر د نورو لیسو په اړه هم څېړنه کوي او باور لري، چې ممکن زرګونه نور ماشومان هم له ورته ځورونو سره مخ شوي وي.
لوګر ولایت د پوهنې رییس عبدالوکیل کلیوال ویلي؛ دا راپور بې بنسټه دی او له بریتانیایي ورځپاڼې ګاردین څخه غواړو، چې د لوګر له خلکو بښنه وغواړي.
د ګاردین رپوټ پوهنې وزارت هم ردوي او زیاتوي؛ که د وزارت د کارکوونکیو پر وړاندې کوم شکایت ثبت شوی وي، څېړل کیږي. که ښوونکي له زدکوونکیو سره ناسم چلند ولري؛ د قانون له مخې به په سزا ورسول شي.
انځور:له ټولنیزو شبکو څخه.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه19 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
لوبی16 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل