Connect with us

لوبی

آیا د افغان ملي لوبډلې اتلان به د انګلستان پر وړاندې بریالي شي؟! لنډه کتنه

خپور شوی

د

(Last Updated On: تله ۳۰, ۱۴۰۱)

د افغانستان ملي لوبډله او انګلستان نن شنبه د شل آوریز نړیوال جام په سیالۍ کې مخ کیږي، چې دا به د اړوند سیالیو د سوپر دولس دوه یمه لوبه وي.

لنډه کتنه

افغانستان به د دغو لوبو په دوه یم پړاو کې د لوبو پر مهال د ځلېدنې لپاره هڅې کوي.

اوس افغان ملي لوبډله لیواله ده، چې د نیمه پایلوبې پر لوري ډاډمن ګام پورته کړي؛ خو دا کار خورا ستونزمن دی، ځکه په یوه ګروپ کې د آسترالیا، نیوزیلیند او انګلستان په څیر سیالې لوبډلې راغلې دي.

افغان ملي لوبډلې تر دې دمه له دې درې لوبډلو څخه یوه هم ماته کړې نده. دوی ته اړینه ده، چې لږ تر لږه له دې درې لوبډلو څخه د یوې پر وړاندې بریا ترلاسه کړي.

د افغانستان د ملي لوبډلې هڅې په روزنیزو ( تمریناتي ) سیالیو کې هیله بښونکې وې.

محمد نبي او ملګرو یې بنګله دېش ته په ۶۲ منډو ماتې ورکړه او د لوبې له لغوه کېدو مخکې یې د پاکستان پر وړاندې د ۶ لوبغاړیو له سوځېدو سره ۱۵۴ منډې جوړې کړې؛ ځکه، نو ټوله ډله باید د انګلستان پر وړاندې د لوبې له پیل مخکې د لوړې روحیې لرونکې وي.

انګلستان هم پر لږ څه ترکیبې بڼه دې تورنمنت  او سیالیو ته راوړاندې کیږي.

دوی سږکال له دې لویې سیالۍ څخه مخکې ۲۱ شل آوریزې لوبې کړي، چې یوازې ۱۰ یې ګټلي. په داسې حال کې، چې ډېرې لوبې یې بایللې هم دي.

دا به پوره توګه عادلانه نه وي، چې د لوبډلې په توګه د دوی پر څرنګوالي شکمن شو؛ ځکه دوی هڅې کړي، له بدلون سره مخ شوي او له دې سترې لوبې لپاره یې د ډاډ وړ تجربه تر لاسه کړې ده.

د افغانستان اړین لوبغاړي

محمد نبي: د بشپړې هر اړخیزې تجربې لرونکی دی او په دې سیالیو کې به د افغانستان لپاره برخلیک ټاکونکې  او اړین لوبغاړی وي. هغه په ​​روزنیزو لوبو کې زړه راکښونکی لیدل شوی دی.

نبي د بنګله دېش پر وړاندې پر ۱۷ توپونو ۴۱ ناسوځېدلې منډې وکړې او بیا یې په درې آورونو کې ۱/۱۱ منډې جوړې کړې.

هغه د پاکستان پر وړاندې له دې هم ښه لوبه وکړه، چې یوازې په ۳۷ توپونو یې ۵۱ ناسوځېدلې منډې جوړې کړې او خپله لوبډله یې سیالۍ ته ورسوله.

راشد خان: راشد هغه پټه وسله ده، چې لوبډلمشر یې د اړتیا په وخت کې کاروي. راشد خان په ۷۱ لوبو کې له 14.21 او 6.25 اقتصادي  نرخ سره ۱۱۸ ویکتې اخیستي دي. راشد د آسترالیا په بیګ باش لیګ کې د آډلاید سترایکرز لپاره د ۱۶.۷۰ په اوسط سره ۹۲ ویکتې اخیستي دي.

راشد کولی شي د افغانستان په ټیټ او منځني ترتیب کې له نرخ پورته له بیت سره هم ولوبیږي.

رحمان الله ګربز: ګربز په دې وروستیو کې د افغانستان لپاره یو ښه توپ وهونکی وځلېد. هغه په ​۲۰۲۲ کې په ۱۴ پاڼیو کې د ۱۳۶.۸۷ سترایک نرخ سره ۲۹۷ منډې جوړې کړي.

نوموړي په آاسیا جام سیالیو کې د سریلانکا پر وړاندې پر ۴۷ توپونو ۸۴ منډې وکړې. ګربز د دې اونۍ په پیل کې د شاهین افریدي لخوا په چپه پښه له ټپي کیدو وروسته له انګیستان سره د افغانستان په لومړۍ لوبه کې د لوبېدو لپاره مناسب اعلان شو.

په ژوندۍ بڼه وګورئ

د دې په زړه پورې لوبې ژوندۍ خپرونه نن ماسپښین ۳:۳۰ له آریانا تلویزیون تڅخه مه هیروئ.

لوبی

د افغانستان پر وړاندې دردوونکې ماتې مې له سترګو خوب وتښتاوه – بابر اعظم

Published

on

(Last Updated On: وری ۲۱, ۱۴۰۳)

د پاکستان کرکټ ملي لوبډلې لوبډلمشر بابر اعظم ویلي، چې د ۲۰۲۳ ز. کال په کرکټ نړیوال جام کې د افغانستان پر وړاندې د پاکستان ماتې “خورا دردونکې” وه او د لوبې له بایللو وروسته یې ټوله شپه خوب ندی کړی.

بابر اعظم A sport ته ویلي: دا لوبه زما لپاره ډېره دردونکې وه؛ ځکه، چې په نړیوال جام کې د افغانستان پر وړاندې ماتې ډېر توپیر درلود.

هغه زیاته کړې: زه فکر کوم، چې هغو ډېر ښه کرکټ وکړ او مونږ هغه څه ونشول کولی لکه څنګه، چې ورته اړتیا وه. مونږ هڅه وکړه او ښې منډې مو جوړې کړې؛ خو څرنګه، چې دواړه لوبغاړي (ابراهيم ځدراڼ او رحمت شاه) لوبه کوله، داسې نه ښکارېده، چې لخ ډګره به ووځي؛ د دوی وړتیاوې باید ومنل شي.

بابر زیاته کړې: هغه ورځ زما لپاره يوه سخته ورځ وه. ما پر هغه ورځ خوب ونشو کولی. دې [ماتې] زما زړه سخت ودرداوه.

بابر اعظم بیا د دې ناکامۍ پر څرنګوالي غور وکړ او څرګندوي، چې تجربه د داسې حالاتو په اداره کولو کې مرسته کوي.

هغه وایي: وګورئ، بریا پرې لږ څه وخت نیسي؛ یو یا دوه ورځې … هرڅومره، چې ډېره لوبه وکړئ، څومره تجربه مومئ، پوهیږئ، چې څنګه ځان سمبال کړئ.

افغانستان د ۲۰۲۳ ز. کال په کرکټ نړیوال جام سیالیو کې پاکستان ته د ۸ ویکټو پر توپیرماتې ورکړه.

رحمان الله ګربز، ابراهیم ځدراڼ او رحمت شاه له پنځوسو ډېرې منډې وکړې او نور احمد درې ویکټې واخیستې.

د دغې لوبې غوره لوبغاړي ابراهیم ځدراڼ، چې ۸۷ منډې یې کړې وې؛ خپله جایزه له پاکستان څخه د جبري ایستنې کډوالو ته ډالۍ کړه او افغانانو یې د دې کار پوره ستاینه وکړه.

دا په نړیوالو یو ورځنیو سیالیو کې د پاکستان پر وړاندې د افغانستان لومړۍ بریا وه.

د یادونې ده، چې دا دوه لوبډلې اووه ځله په دې ډول سیالیو کې له یو بل سره مخ شوي دي.

Continue Reading

لوبی

آریانا ټلویزیون د افغانستان فوټبال اتلانو لیګ درېیم پړاو خپروي

Published

on

(Last Updated On: وری ۲۰, ۱۴۰۳)

د آریانا ټلویزیون نړیواله شبکه څرګندوي، ​​چې د افغانستان فوټبال اتلانو لیګ درېیم پړاو به پر ژوندۍ قانوني او ځانګړې بڼه تولید او خپور کړي.

د آریانا ټلویزیون، فوټبال فډراسیون او ویکټور انرژی ترمنځ نن (یکشنبه د وري نولسمه) د دوه اړخیز او درې اړخیز تړون د لاسلیک مراسم ترسره شول.

د دغه تړون له مخې به آریانا ټلویزیون د هېواد د اتلانو لیګ درېیم پړاو سیالیو د تولید او خپراوي مسوولیت پر غاړه ولري.

د افغانستان اتلانو لیګ سیالۍ به د ویکټور انرژۍ پر مالي مرسته او د فوټبال فډراسیون د ۵ زره کسیز لوبغالي پر کوربتوب ترسره شي.

ټاکل شوې، چې دغه سیالۍ به د ۳۳ ورځو لپاره په ۶۶ سیالیو کې ترسره شي.

په دې سیالیو کې به د افغانستان ۱۲ غوره لوبډلې ( سرسبز یاشلر فاریاب، واحدي کندوز، اټک انرژي هرات، سرخ پوشان هرات، عصمت لغماني، ابو مسلم فراه، استقلال کابل، خدیم اف‌سي سرپل، خرآسان، عینو مېنه کندهار، عدالت فراه اف‌سي او موج ساحل) لوبډلې ګډون ولري.

د يادونې ده، چې دغه ​​زړه راکښونکې سپورټي سيالۍ به د غوایی پر لومړۍ / د اپرېل شلمه په کابل ښار کې پيل شي.

Continue Reading

لوبی

مبارز خپل فرانسوي سيال مات کړ

Published

on

(Last Updated On: وری ۱۲, ۱۴۰۳)

د ازادو سیالیو افغان لوبغاړي باز محمد مبارز خپل فرانسوي سیال ته د نمرو پر توپیر ماتې ورکړه.

دا لوبه د تایلینډ د پوکټت ښار په M2MMA ټولنه کې ترسره شوه.

دغه دوه لوبغاړي په درې پېنځه دقیقه‌یي لوبو کې سره مخ شول.

له دې سیالیو مخکې مبارز ۱۷ ځلې د خپلو سیالانو پر وړاندې لوبه کړې، چې په خپل مسلک کې ۱۱ بریاوې او ۷ ماتې لري، چې له دې سره یې دولسمه بریا خپله کړه.

Continue Reading

Trending

Copyright © 2022 Ariana News. All rights reserved!