تازه خبرونه
اسلامي امارت د پاکستانیو طالبانو د بې وسلې کولو لپاره له اسلامآباده د پیسو غوښتنه رد کړه

پاکستانیو رسنیو ادعا کړې، چې اسلامي امارت د پاکستانیو طالبانو د بې وسلې کولو په بدل کې له اسلامآباده پیسې غوښتې دي؛ خو اسلامي امارت دا راپور بې بنسټه بولي.
پاکستانۍ رسنۍ اکسپرس تریبون اسلامي امارت تورن کړی، چې د پاکستان له لوړ رتبه پوځي او امنتي چارواکو څخه یې تېره اوونۍ کابل ته په سفر کې د پاکستانيو طالبانو د بې وسلې کولو لپاره د پیسو وړاندیز کړی؛ خو اسلامي امارت د پاکستانیو رسنیو دغه ادعا رد او بې بنسټه بولي.
د اسلامي امارت ویاند وايي، د افغانستان خاوره د هیڅ هېواد لپاره ګواښ ندی او د هیڅ هېواد پر ضد نهکارول کیږي او د هېواد د امنیت لپاره بهرنیو پیسو ته اړتیا نلري.
د اسلامي امارت ویاند ذبیح الله مجاهد وایي: هغه څه، چې ډېر روښانه دي؛ دا دي، چې مونږ پخپله د افغانستان خاوره د بل هېواد په ځانګړي توګه د ګاونډیانو پر ضد د کارولو اجازه نه ورکوو. په دې لار کې خپل ټول توان او وس کاروو او ان شاءالله زمونږ خپلې هڅې به کافي وي؛ د پیسو غوښتنه رښتیا نده.
د اکسپرس تریبون په را پور کې راغلي، د پاکستاني طالبانو تحریک او د هغو پټنځي د دواړو هېوادونو د چارواکو ترمنځ د بحث له اړینو وضوعاتو څخه ول. په سلامآباد کې هم باور دادی، چې له دې پرته بله موضوع په منځ کې نشته.
د نظامي چارو کارپوهان هم د پاکستانیو رسنیو دغه ډول څرګندونې بې منطقه بولي او څرګندوي، چې اسلامي امارت بار بار د افغانستان په خاوره کې د پاکستانیو طالبانو حضور رد کړی. اوس څنګه کیدی شي، چې د دغې ډلې د بې وسلې کولو لپاره د پیسو وړاندیز وکړي.
پوځي شنونکي صادق شنیواري ویلي؛ په افغانستان کې د تي تي پي د ډلې د له منځه وړلو لپاره له پاکستان څخه د پیسو غوښتنه نده شوې او نه توجیه لري. که داسې کوم وړاندیز شوی وي؛ د افغانستان د اسلامي امارت لوړپوړي چارواکي باید پدې اړه ځواب ورکوونکي وي.
د کارپوهانو د څرګندونو له مخې؛ پاکستاني چارواکي غواړي، چې نړۍ ته د افغانستان د ناامنۍ تصویر وړاندې کړي او دغه موضوع د کابل لپاره د منلو وړ نده.
په دې وروستیو کې د کابل او اسلامآباد اړیکې کمرنګه شوي.
دا په داسې حال کې ده، چې د پاکستان دفاع وزیر او د دغه هېواد د پوځ د اطلاعاتو رییس تېره اوونۍ کابل ته راغلي وه او د اسلامي امارت له لوړپوړیو سیاسي او پوځي چارواکو سره یې خبرې اترې کړي.
تازه خبرونه
د اقتصادي کمیسیون دوهیمه ځانګړې غونډه د اسلامي امارت د رهبر پر مشرۍ ترسره شوه
د ریاست الوزراء د دفتر په ننۍ خبرپاڼه کې راغلي، چې د اسلامي امارت د رهبر پر مشرۍ د اقتصادي کمیسیون په دوهیمه ځانګړې غونډه کې د منظم میکانیزم پر بنسټ د کال د شپږ میاشتو لپاره بهرنیو هېوادونو ته د افغانستان د څارویو د صادراتو اجازه ورکړ شوه او له شپږ میاشتو وروسته به اجرائیوي اقدامات د پخوا په څیر روان وي.

د ریاست الوزراء دفتر ويلي، چې د اقتصادي کمیسیون دوهیمه ځانګړې غونډه د ۱۴۴۶ لېږدیز سپوږمیز کال د شوال پر اتهویشتمه، نههویشتمه او دېرشمه د افغانستان اسلامي امارت د رهبر شیخ هبةالله اخوندزاده پر مشرۍ ترسره شوه.
د ریاست الوزراء د دفتر په ننۍ خبرپاڼه کې راغلي، چې د اسلامي امارت د رهبر پر مشرۍ د اقتصادي کمیسیون په دوهیمه ځانګړې غونډه کې د منظم میکانیزم پر بنسټ د کال د شپږ میاشتو لپاره بهرنیو هېوادونو ته د افغانستان د څارویو د صادراتو اجازه ورکړ شوه او له شپږ میاشتو وروسته به اجرائیوي اقدامات د پخوا په څیر روان وي.
په دې غونډه کې د چارو وزارت ته دنده وسپارل شوه، چې له اړوند وزارتونو سره د همغږۍ له مخې په دولتي ادارو کې د پانګوالو او سوداګرو د کار د ګړندي کولو او همدارنګه په ټولو سکټورونو کې د موجوده ستونزو د حل لپاره؛ یوه جامع طرزالعمل چمتو کړي.
د خبرپاڼې له مخې؛ دا طرزالعمل به د تصویب لپاره اقتصادي کمیسیون ته او بیا د منظورۍ لپاره د اسلامي امارت د رهبر دفتر ته واستول شي.
دغه راز څرګنده شوې، چې په دې غونډه کې د اقتصادي کمیسیون د لومړۍ ځانګړې غونډې د پرېکړو په اړه تعقیبي راپورونه وړاندې شول، چې د ۱۴۴۶ لېږدیز سپوږمیز کال د جمادي الاول پر درېیمه د اسلامي امارت د رهبر پر مشرۍ ترسره شوه.
په لومړۍ غونډه کې د چارو ادارې پر مشرۍ یوې کمیټې ته دنده سپارل شوې وه، چې له ښاري پلانونو سره سم طرزالعملونه رامنځته کړي، چې د دولتي ځمکو د ملکیتونو پلور او وېش او همدارنګه د ودانیو کرایه کولو لپاره آسانتیاوې برابرې کړي.
د همدې هدف لپاره کمیټې په دوهیمه غونډه کې د ارزونې لپاره تدوین شوی طرزالعمل وړاندې کړ، چې د وړاندیز شویو تعدیلاتو له شاملولو وروسته به د شیخ هبةالله اخوندزاده دفتر ته د منظورۍ لپاره واستول شي.
د دغه طرزالعمل له مخې؛ هېوادوال کولی شي په شخصي ځمکو کې د ځمکې د تثبیت پروسه په ۱۵ ورځو کې ترسره او په یوه میاشت کې یې نقشه ویزه او ودانیزې چارې یې پيل کړي.
همدارنګه په لومړۍ غونډه کې د کرنې وزارت ته دنده سپارل شوې وه، چې په ټولو ولایتونو کې د صنعتي پارکونو د جوړولو لپاره د صنایعو او سوداګرۍ وزارت ته اړینې ځمکې انتقال کړي. د دې پرېکړې د پلي کولو په اړه پورته ذکر شویو وزارتونو په دوهیمه غونډه کې خپل راپور وړاندې کړ، چې له مخې یې په ډېری ولایتونو کې ۸۰ زره جریبه ځمکه لېږدول شوې ده او په یو شمېر ولایتونو کې به دا بهیر ډېر ژر بشپړ شي، چې له دې سره به په ټولو ولایتونو کې د صنعتکارانو لپاره د ځمکې د کمښت ستونزه حل شي.
همدارنګه په لومړۍ غونډه کې د عامې روغتیا وزارت پر مشرۍ یوې کمیټې ته دنده سپارل شوې وه، چې د انساني، حیواني، کرنیزو درملو، روغتیايي محصولاتو او خوراکي توکو د قاچاق د مخنیوي لپاره ځانګړي طرزالعملونه جوړ کړي. دې کميټې دا طرزالعملونه چمتو کړل او د ارزونې لپاره یې وړاندې کړل، چې د وړاندیز شویو تعدیلاتو له شاملولو وروسته به د منظورۍ لپاره د اسلامي امارت د رهبر دفتر ته واستول شي.
د یادونې ده، چې د اقتصادي کمیسیون په لومړۍ غونډه کې د شویو پرېکړو د تطبیق په موخه اړوند وزارتونو او ادارو خپل راپورونه د اقتصادي کمیسیون په دوهیمه ځانګړې غونډه کې وړاندې کړل.
تازه خبرونه
د زرګونه افغانان کډوالو له راستنېدو سره به بشري ناورین نور هم پراخ شي
د ملګرو ملتونو د کډوالو ادارې ویاند بابر بلوڅ د سېشنبې پر ورځ د ژینیو په یوه خبري کنفرانس کې ویلي، چې دا بنسټ کورونو ته له راستنېدونکو کورنیو سره د مرستې لپاره ۷۱ میلیون ډالرو ته بېړنۍ اړتیا لري.

د ملګرو ملتونو د کډوالو ادارې (UNHCR) ویلي، چې په افغانستان کې یو ژور بشري بحران مخ پر زیاتېدو دی؛ ځکه، چې لسګونه زره افغان کډوال له ګاونډ هېوادونو څخه بېرته راستنېدو ته اړ ایستل کیږي.
د ملګرو ملتونو د کډوالو ادارې ویاند بابر بلوڅ د سېشنبې پر ورځ د ژینیو په یوه خبري کنفرانس کې ویلي، چې دا بنسټ کورونو ته له راستنېدونکو کورنیو سره د مرستې لپاره ۷۱ میلیون ډالرو ته بېړنۍ اړتیا لري.
بلوچ زیاته کړې، چې دا کډوال هېواد ته له راستنېدو وروسته له سختو ناهیلې کوونکو شرایطو سره مخ دي.
بلوڅ وایي؛ په اپریل کې له ۲۵۱ زره څخه ډېر افغانان له ایران او پاکستان څخه په ناوړه شرایطو کې راستانه شوي، چې په کې له ۹۶ زره څخه ډېر جبري ایستل شوي کسان دي.
هغه ویلي، چې UNHCR د ایران او پاکستان له حکومتونو هم ملاتړ روان ساتي، چې افغانستان ته راستنیدل باید په خپله خوښه، خوندي او باعزته وي.
بابر بلوڅ زیاته کړې: ” د افغانان جبري ستنېدا یا فشار راوړل ښه پایله نلري او کولی شي سیمه بې ثباته کړي.”
له ۲۰۲۳ راپدېخوا له ۳.۴ میلیون څخه ډېر افغانان له ایران او پاکستان څخه بېرته راستانه شوي یا ایستل شوي دي، چې له ۱.۵ میلیون ډېر په ۲۰۲۴ کې ایستلو ته اړ شوي دي.
دغه راز ویل کیږي، چې افغانان په ۲۰۲۴ کال کې له آسیا اوقیانوسیې سیمې څخه اروپا ته د غیرقانوني رسیدونکو ترټولو لویه ډله (۴۱ سلنه) ګڼل شوې ده.
تازه خبرونه
چین د کندهار له لارې راستنېدونکو افغان کډوالو ته خیمې ورکوي
د شینهوا خبري سرچینې د چارشنبې پر ورځ( د غویی لسمه ) د افغاني سرې میاشتې ټولنې د ولایتي رییس محمد شعیب حقاني د څرګندونو له مخې راپور ورکړ، چې دا خیمې د دې ولایت په تختهپل ولسوالۍ کې د راستنېدونکو افغان کډوالو لپاره درول شوې دي.

په داسې حال کې، چې پاکستان د سلګونو زره افغانانو د جبري ایستلو بهیر روان ساتلی؛ چین د کندهار له لارې افغانستان ته د راستنېدونکو کډوالو لپاره سلګونه خیمې چمتو کړې دي.
د شینهوا خبري سرچینې د چارشنبې پر ورځ( د غویی لسمه ) د افغاني سرې میاشتې ټولنې د ولایتي رییس محمد شعیب حقاني د څرګندونو له مخې راپور ورکړ، چې دا خیمې د دې ولایت په تختهپل ولسوالۍ کې د راستنېدونکو افغان کډوالو لپاره درول شوې دي.
د راپورونو له مخې؛ شاوخوا ۱۰۰ زره افغان کډوال په اپریل کې خپل هېواد ته راستانه شوي، چې ډېرو یې یوازې هغه جامې درلودې، چې پر غاړه یې وې.
چین په تېرو څو کلونو کې د افغانستان خلکو ته د درملو، ژمنیو جامو، پټو او خوراکي توکو په ګډون بېلابېلې مرستې کړې دي.
-
تازه خبرونه2 days ago
ایران او افغانستان په ملک پوله کې بندیان تبادله کړل
-
سوداگري4 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
سوداگري3 days ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
-
سیمه ییز خبرونه2 days ago
د بندر عباس چاودنې د مړو شمېر ۴۰ کسانو ته پورته شو
-
نړۍ1 day ago
د امریکا په هوايي برید کې ۶۸ حوثیان ووژل شول
-
تازه خبرونه3 days ago
د غبرګولي پر اوومه د ۱۴۰۴ کال د کانکور ازموینه اخیستل کیږي
-
تازه خبرونه1 day ago
آذربایجان په افغانستان کې د غالۍ اوبدلو روزنیز مرکز تمویلوي
-
سیمه ییز خبرونه3 days ago
پر کشمیر د هند د اوبو بندولو په پاکستان کې وېره خپره کړه