سوداگري
اسلامي امارت ۱۴۰۳ کال د اقتصادي لاسته راوړنو کال یاد کړ
اسلامي امارت ويلي؛ د بندیزونو او د هېواد د بهرنیو اسعارو د زیرمو په خلاصولو کې له پاتې راتلو سره – سره توانیدلي، چې د بهرنیو اسعارو پر وړاندې د افغانۍ ارزښت وساتي، د کانونو په سکټور کې لویه پانګونه وکړي او له نورو هېوادونو سره سوداګریزې اړیکې پراخې کړي.

د چارواکو د څرګندونو له مخې؛ د افغانیو د ارزښت ساتل، د ټاپي پروژې پیل، د پانګونې راجلبول او له هېوادونو سره د سوداګرۍ زیاتوالی او تعامل هغه لاسته راوړنې دي، چې افغانستان ترې سږ کال برخمن شو؛ خو په دې کال کې له افغانستان څخه بانکي بندیزونه لرې نهشول او د هېواد د بهرنیو اسعارو زیرمې کنګل پاتې شوې.
اسلامي امارت ويلي؛ د بندیزونو او د هېواد د بهرنیو اسعارو د زیرمو په خلاصولو کې له پاتې راتلو سره – سره توانیدلي، چې د بهرنیو اسعارو پر وړاندې د افغانۍ ارزښت وساتي، د کانونو په سکټور کې لویه پانګونه وکړي او له نورو هېوادونو سره سوداګریزې اړیکې پراخې کړي.
د اسلامي امارت ویاند ذبیح الله مجاهد وايي، چې په هېواد کې لویې پروژې پیل شوي او هڅې روانې دي، چې افغانستان د اوسپنې پټلۍ له لارې له نورو هېوادونو سره ونښلوي.
د صنعت او سوداګرۍ وزارت وايي، چې د سوداګرۍ په برخه کې ډېر کار شوی او سږ کال په هېواد کې د اوو میلیارډ ډالرو پر ارزښت پانګونه شوې ده.
د سوداګرۍ او پانګونې خونه دا هم وايي، چې ۱۴۰۳ کال د سوداګرو لپاره ښه کال و؛ بیې یې ثابتې پاتې شوې او د هېواد صادرات دوه میلیارډ ډالرو ته ورسېدل.
له بلې خوا په ځینو لویو پراختیایي پروژو کار یا بشپړ شوی یا هم پیل شوی دی. لکه:
د کمال خان بند بشپړېدل
په کابل کې د شاه او عروس بند بشپړېدا
په زابل کې د تورې بند کار بشپړول
په پکتیکا کې د پلتوني د اوبو بند د جوړولو د کار پیل
د اورګاډي پټلۍ پراخول
د ټاپي پروژې پیل
د سالنګ لویې لارې او د کابل- کندهار لویې لارې د بیارغونې کار بهیر
د اقتصادي کارپوهانو د څرګندونو له مخې؛ د بندیزونو او نړیوالو فشارونو سره – سره، اسلامي امارت توانیدلی، چې په اقتصادي برخه کې مهم ګامونه پورته کړي.
د نړیوال بانک وروستی راپور، چې په ۱۴۰۳ کال کې خپور شو څرګندوي؛ د افغانستان اقتصاد همداراز بې ثباته پاتې دی. که څه هم د افغانستان اقتصاد له دوه کلونو وروسته ورو وده کوي؛ خو بیا هم نازک او بې ثباته پاتې دی.
دا په داسې حال کې ده، چې اسلامي امارت ویلي؛ افغانستان له روښانه راتلونکې برخمن شوی دی.
سوداگري
په هېواد کې د برښنا صندقونو د ساتنې او څارنې لپاره ځانګړی فیس وضع شو
دوۍ زیاتوي، چې د ۱۴۰۱ او ۱۴۰۲ کلونو فیسونه يي د ۱۴۰۳ کال په وروستي برښنا بل کې غوښتي دي.

د برښنا شرکت مسوولینو ويلي، چې د استوګنځیو څخه د کال ۱۰۰ او له سوداګریزو پلورنځیو څخه د کال ۲۰۰ په نظر کې نیول شوي دي.
دوۍ زیاتوي، چې د ۱۴۰۱ او ۱۴۰۲ کلونو فیسونه يي د ۱۴۰۳ کال په وروستي برښنا بل کې غوښتي دي.
د تېر کال په وروستي بل کې د برښنا شرکت له لوري د ۲۰۰ او ۴۰۰ افغانیو زیاتوالي یو شمېرهېواد وال اندېښمن کړي.
د هېواد یو شمېر اوسیدونکو ويلي، چې د برښنا شرکت دا هڅه ښایي یو شمېر بېوزله هېوادوالو ته ستونزمن وي.
دوۍ زیاتوي، چې د افغانستان برښنا شرکت باید د خپلو برښنایي صندقونو لګښتو نه پخپله ورکړي او د خلکو پر برښنايي لګښتونو کې د دې فیسونو زیاتوالی د اندېښنې وړ بولي.
کابل ښاري جواد نجفی ویلي؛ په هېواد کې د بې کارۍ او فقر د زیاتوالي له کبله ښايي ډېری هېوادوال د دې پیسو د تادیه کولو وس ونلري.
د افغانستان برښنا شرکت وايي، چې په دې فیس د برښنا صندقونو د نوي کولو او په کې د برښنا د ضایعاتو د مخنیوي لپاره تدابیر نیول شوي دي.
د برښنا شرکت تجارتي رییس امیر عبدالله جهان وایي: د تېر او اوړم کال د بریښنا صندوقونو ساتنې او څارنې فیسونه د ۱۴۰۳ کال په وروستي بل کې دوه کلنې پیسې( له کورنیو څخه مو ۲۰۰ افغانۍ او له سوداګریزو سیمو څخه ۴۰۰ افغانۍ) راټولې کړې دي)).
د اقتصادي چارو یو شمېر شنونکي بیا پدې باور دي، چې د برښنا شرکت د صندقونو ساتنه او څارنه د برښنا شرکت خپل مکلفیت دی. ولس ښايي د داسې فیسونو له کبله له افغانستان برښنا شرکت سره خپله واټن زیات کړي.
ویل کیږي، چې د افغانستان برښنا شرکت به له دې وروسته هرکال له کورونو ۱۰۰ او له سوداګریزو سیمو څخه ۲۰۰ افغانۍ راټولوي.
تازه خبرونه
خصوصي سکټور د کابل په دهسبز ولسوالۍ کې د صنعتي پارک جوړولو غوښتنه وکړه
د دې وزارت د څرګندونو له مخې؛ په دې لیدنه کې د خصوصي سکټور غړو د کابل ولایت په دهسبز ولسوالۍ کې پر زر جریبه ځمکه د ۱۲ میلیون ډالرو پر پانګونه د خصوصي صنعتي پارک جوړولو ته خپله لېوالتیا څرګنده کړه.

د صنایعو او سوداګرۍ وزارت ویلي، چې د دې وزارت چارسمبالي(سرپرست) نورالدین عزیزي د خصوصي سکټور له یو شمېر غړو سره ولیدل.
د دې وزارت د څرګندونو له مخې؛ په دې لیدنه کې د خصوصي سکټور غړو د کابل ولایت په دهسبز ولسوالۍ کې پر زر جریبه ځمکه د ۱۲ میلیون ډالرو پر پانګونه د خصوصي صنعتي پارک جوړولو ته خپله لېوالتیا څرګنده کړه.
دغه راز ټینګار شوی، چې د دې صنعتي پارک جوړول او فعالول به سلګونو صنعتکارانو ته د فعالیت فرصتونه او زرګونو خلکو ته د کار زمینه برابره کړي.
نورالدین عزیزي د دغو پانګوالو له طرحې هرکلی وکړ او له هغوی یې وغوښتل، چې د صنعتي پارک طرحه د صنایعو او سوداګرۍ له وزارت سره شریکه کړي، چې د پلي کولو لپاره پرې یوه تخنیکي ډله کار وکړي.
سوداگري
ایران تېر کال افغانستان ته د ۲.۲ میلیارډ ډالرو پر ارزښت غیر نفتي توکي صادر کړي
د افغانستان لپاره د ایران د سوداګرۍ سلاکار حسین روستایي د ایران د سوداګرۍ، صنایعو، کانونو او کرنې خونې لخوا د افغان بازار د فرصتونو او ننګونو په اړه په یوه غونډه کې ویلي: ” افغانستان د خپلو اړتیاوو له ۸۰ سلنې څخه ډېر واردات له ایران څخه پوره کوي، چې ۲۵د ټولو وارداتو ۲۵ سلنه جوړوي.”

ایراني رسنیو د ایراني چارواکو د څرګندونو له مخې راپور ورکړی، چې ایران په تېرو یوولس میاشتو کې افغانستان ته د ۲.۲ میلیارډ ډالرو پر ارزښت غیر نفتي توکي صادر کړي دي.
د افغانستان لپاره د ایران د سوداګرۍ سلاکار حسین روستایي د ایران د سوداګرۍ، صنایعو، کانونو او کرنې خونې لخوا د افغان بازار د فرصتونو او ننګونو په اړه په یوه غونډه کې ویلي: ” افغانستان د خپلو اړتیاوو له ۸۰ سلنې څخه ډېر واردات له ایران څخه پوره کوي، چې ۲۵د ټولو وارداتو ۲۵ سلنه جوړوي.”
هغه د افغانستان د وارداتو لومړیتوبونو ته په نغوته( اشاره) کې ویلي، چې خوراکي توکي، کرنیزې محصولات، سونګ توکي؛ اساسي توکي لکه اوړه، غوړي، هګۍ، ورځنی چرګان، درمل، روغتیايي تجهیزات او ساختماني وسایل رانغاړي.
روستایي زیاته کړې؛ ایران د روان کال په لومړیو ۴ میاشتو کې افغانستان ته د ۷۲۴ میلیون ډالرو څخه ډېر توکي صادر کړي، چې د تېر کال د ورته مودې پر پرتله له ۲۰ څخه تر ۲۸ سلنې پورې زیاتوالی ښیي.
د افغانانو لپاره د ایران د سوداګرۍ سلاکار دا ټینګار هم کړی: “له همدې کبله له افغانستان سره د ایران دودیزې اقتصادي اړیکې باید د همکارۍ پر نویو ماډلونو بدلې شي.”
روستایي ویلي، چې د دواړو هېوادونو ترمنځ د ګډ اقتصادي زون جوړول باید ژر تر ژره رامنځته شي. هغه په دې اړه ویلي: “د افغانستان او پاکستان ترمنځ وروستیو شخړو ته پر پاملرنه افغانستان غواړي د چابهار بندر له فرصت څخه غوره ګټه پورته کړي. ایران کولی شي د افغانستان په وارداتو او صادراتو کې خپل ټرانزیټ رول له اوسني ۵۰ سلنې څخه زیات کړي.”
ویل کیږي، چې افغانستان په دې موده کې د ایران پېنځم صادراتي هېواد و.
-
تازه خبرونه5 days ago
اروپايي ټولنې د کډوالو د ایستلو لپاره د خوندي هېوادونو نوملړ اعلان کړ
-
تازه خبرونه5 days ago
اسلامآباد له بل څه ناراضه دی خو له افغان کډوالو غچ اخلي – مولانا فضل الرحمن
-
سیمه ییز خبرونه2 days ago
د ایران او امریکا له خبرو اترو وروسته د عمان سلطان مسکو ته سفر کوي
-
تازه خبرونه5 days ago
د افغانستان او پاکستان استازو په اسلام آباد کې پر سوداګرۍ خبرې وکړې
-
نړۍ2 days ago
په ټوله امریکا کې زرګونو لاریون کوونکو د ټرمپ پر ضد لاریون وکړ
-
تازه خبرونه2 days ago
پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي
-
مرکه3 days ago
د افغانستان لپاره د ملګرو ملتونو د ځانګړې استازې له مرستیال انډریکا راټواټ سره ځانګړې مرکه
-
تازه خبرونه5 days ago
کابل د راستنېدونکو ستونزو ته پاملرنه لري – په پېښور کې د افغانستان جنرال قونسل