تازه خبرونه
افغانستان او پاکستان په سویدن کې قرآنکریم ته د سپکاوی غندنه وکړه

د افغانستان اسلامي امارت د بهرنیو چارو وزارت په سویدن کې د قرآنکریم توهین پر کلکو ټکو غندلی او د دغه هېواد له حکومت څخه یې غوښتي، چې د دغه ناوړه عمل عاملین مجازات کړي.
اسلامي امارت د سویدن له حکومته غوښتي، چې د دا ډول پاروونکیو او اسلام ضد کړنو مخه ونیسي.
د پاکستان د بهرنیو چارو وزارت هم په یوه بیان کې د قرآنکریم دغه سپکاوي غندلی او څرګندوي، چې دې اسلام ضد او پاروونکی عمل د ټولې نړۍ د مسلمانانو احساسات زیانمن کړي دي.
دغه راز ټینګار کوي، چې دا ډول کړنې د بیان او نظر د آزادۍ د حق په چوکات کې نه راځي.
په دې اعلامیه کې راغلي: د بشري حقونو د نړیوالو قوانینو له مخې؛ د بیان په آزادۍ کې د کرکې ډک بیان او تاوتریخوالي ته د خلکو هڅول نشته.
د پاکستان د بهرنیو چارو وزارت همدا راز له نړیوالې ټولنې وغوښتل، چې د اسلاموفوبیا، زینوفوبیا، تعصب او د مذهب یا افرادو د عقیدې پر بنسټ د تاوتریخوالي د هڅولو پر وړاندې ګډ هوډ وښيي او د مذهبونو تر منځ د هماهنګۍ او سوله ییز ژوند د پراختیا لپاره له یو بل سره همکاري وکړي.
دا په داسې حال کې ده، چې د دنمارک د افراطي ګوند سترام کورس مشر راسموس پالودان د شنبې پر ورځ (د سلواغې لومړۍ نېټه) په سویدن کې د ترکیې د سفارت مخې ته قرآنکریم وسوځاوه او امنیتي ځواکونو یې امنیت نیولی و.
په همدې حال کې انقرې د دغه اقدام په غبرګون کې ترکیې ته د سویدن د دفاع وزیر پاول جانسن سفر لغو کړ.
تازه خبرونه
اسلامي امارت په تېر کال کې له نړۍ سره د اړیکو عادي کولو ته پراخې هڅې کړي

د افغانستان اسلامي امارت دیپلوماتیک نظام په تېرو دولس میاشتو کې له سیمې او نړۍ سره د سیاسي اړیکو د نوي فصل د پرانستلو لپاره پراخې هڅې کړې دي.
که څه هم دې هڅو تر اوسه کوم هېواد نه دی اړ کړی، چې اسلامي امارت پر رسمیت وبېزني؛ خو د سیمې او نړۍ په ځینو هېوادونو کې د اسلامي امارت بیرغ پورته شوی دا هېوادونه په کابل کې سفارتونه لري.
روسیه، چین، ترکیه، ایران، پاکستان، ازبکستان، ترکمنستان، قزاقستان، قطر او عربي متحده امارات هغه هېوادونه دي، چې په افغانستان کې یې سفارتونه پرانستي او د اسلامي امارت سفارتونه هم په دغو هېوادونو کې فعال دي.
له تاجکستان پرته د افغانستان د نږدې ټولو ګاونډیانو پیغامونه له ترهګرۍ سره د مبارزې، بشري حقونو او حاکمیت په برخه کې هراړخیز دي، چې تر ډېره د امریکا له ګټو سره سمون خوري.
په تېرو دولس میاشتو کې د اروپايي هېوادونو سیاسي نمایندګي یوازې د بشري مرستو د همغږۍ لپاره فعالې دي. هند هم په افغانستان کې د بشري مرستو د همغږۍ لپاره یوه تخنیکي ډله لري.
د بهرنيو چارو وزير اميرخان متقي ويلي، چې اسلامي امارت د نورو هېوادونو هيلو او ګټو ته درناوى لري او په بدل کې يې له اسلامي امارت سره د ورته تعامل غوښتنه کوي.
دا هیله څو ځله د رییس الوزرا اقتصادي مرستیال ملا عبدالغني برادر هم څرګنده کړې، چې اسلامي امارت متوازن او پر اقتصاد راڅرخېدونکی بهرنی سیاست لري او غواړي د نړۍ له ټولو هېوادونو سره دوستانه اړیکې ولري.
په تېرو کال کې د سیمې او نړۍ هېوادونو هم د افغانستان په اړه غونډې جوړې کړېي؛ خو په ډېرو دغو غونډو کې د اسلامي امارت هیڅ استازی نه و.
دغه راز څو اوونۍ مخکې په تاشکند کې د اروپا د امنیت او همکارۍ ټولنې په ګډه غونډه کې د ازبکستان د بهرنیو چارو وزیر له اسلامي امارت سره د خبرو لپاره د یوې بین الافغاني مذاکراتي ډلې د جوړولو وړاندیز وکړ.
د افغانستان لپاره د روسیې د ولسمشر ځانګړي استازي ضمیر کابلوف هم ورته څرګندونې وکړې او ټینګار یې وکړ، چې افغانستان باید د نړۍ پر کچه په سیاسي انزوا کې پاتې نهشي.
نړۍ په تېره بيا ناتو، امريکا او لویديځو هېوادونو له تېر یو کال راپدیخوا د افغانستان په اړه روښانه او مشخصه تګلاره نه درلوده او دې هېوادونو له افغانستان سره د څو اړخيزې ديپلوماسۍ له لارې معامله ونه کړه او په دې برخه کې کومه سياسي اجماع هم رامنځته نه شوه؟!
د نړیوالو اړیکو کارپوه عزیز بارز په دې اړه وايي: زمونږ یو شمېر ګاونډیان د خپلو ګټو پر بنسټ د تعامل غوښتونکي دي. د اروپایی هېوادونو یو سفیر ویلي، چې د نړۍ تعامل له طالبانو (اسلامی امارت) سره په منفی توګه روان دی.
اسلامي امارت هیله لري، چې په نوي لمریز لېږدیز کال کې به د سیمې او نړۍ له هېوادونو سره خپلې سیاسي اړیکې نورې هم پیاوړې او نړیوال مشروعیت تر لاسه کړي.
تازه خبرونه
د نشهيي توکو پلورونکي او تولیدوونکي باید مجازات شي ـ د اسلامي امارت مشرتابه

د اسلامي امارت مشرتابه شیخ هبة الله آخوندزاده د یکشنبې پر ورځ (د کب اته ویشتمه) د ضبط شویو نشهیي توکو د سوځولو او د هغو وسایلو او تجهیزاتو د له منځه وړلو سپارښتنه وکړه، چې د نشهیي توکو په کر او تولید کې کارول کیږي.
د دغه فرمان له مخې، د کورنیو چارو، عامې روغتیا وزارتونو او د استخباراتو د عمومي ریاست ګډه کمېته باید نیول شوي نشهیي توکي د محکمې د یوه استازي په حضور کې بر عامه بنه وسوځوي.
په دغه حکم کې راغلي دي: د شرابو، الکولي مشروباتو، امان (ایفیدرا)، پوډر، کوکاین، شیشې او نورو نشه یي توکو پلورونکي او تولیدوونکي باید مجازات شي او یاد شوي نشهیي توکي او هغه وسایل او تجهیزات، چې د نشهیي توکو په تولید کې کارول کیږي باید له منځه یوړل شي.
د يادونې ده، چې له دې مخکې هم د بېلابېلو فرمانونو له مخې په هېواد کې د نشهيي توکو پر کښت، توليد او قاچاق بنديز لګول شوى و.
تازه خبرونه
د جوزجان والي مرستیال خپل زوی له دندې ګوښه کړ

د جوزجان ولایت د والي مرستیال مولوي ګل محمد سلیم خپل زوی له دندې ګوښه کړی دی.
د باخترآژانس د څرګندونو له مخې: په دولتي اداروکې د چارواکو د زامنو او منسوبينو د ګوښه کولو په اړه د اسلامي امارت د مشرتابه د حکم له مخې؛ د جوزجان ولايت مرستيال خپل زوى له دندې ګوښه کړ او يو بل کس يې پر دنده ګومارلى دى.
د مولوي ګل محمد سلیم زوی د جوزجان ولایت په امنیه قومندانۍ کې ساتنمن و.
د اسلامي امارت د رهبرۍ له لوري تېره ورځ په صادر شوي فرمان کې د خپلواکو وزارتونو او ادارو ټولو مسوولینو ته سپارښتنه شوې وه، چې د کورنیو اړیکو او شخصي اړیکو پر بنسټ له ګومارنو ډډه وکړي.
-
تازه خبرونه5 days ago
مولوي عبدالکبیر له کابل والي سره پر امنیتي وضعیت خبرې وکړې
-
سوداگري4 days ago
د اسلامي امارت مشرتابه د ګمرکونو له مسوولینو سره وکتل
-
تحول5 days ago
تحول: کابل ته د عربي متحده اماراتو د دیني پلاوي سفر
-
سوداگري2 days ago
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی
-
روغتيا3 days ago
شونې ده، چې کرونا ویروس له کاونده سپيو رامنځته شوی وي
-
نړۍ2 days ago
په اکوادور کې زلزلې ۳۹۴ کسانو ته مرګ و ژوبله اړولې
-
تازه خبرونه3 days ago
له اسلامي امارت سره تعامل دې د دې ټولنې عمومي منشي وارزوي – د م.م امنیت شورا
-
څار5 days ago
څار: د افغانستان او ایران سوداګریزې اړیکې او همکاري