لوبی
افغانستان له ایرلینډ سره د پېنځه یوورځنیو لوبو لړۍ پیلولو ته چمتو کیږي
د افغانستان لوبډلې مشري به د یوورځنیو او ټسټ سیالیو نوی لوبډلمشر رحمت شاه کوي او رحمانالله ګربز به د مرستیال لوبډلمشر دنده ترسره کوي. په لوبډله کې د تجربهلرونکو او ځوانو لوبغاړو ګډ ترکیب د پام وړ دی.
د افغانستان کرکټ ملي لوبډله به راتلونکې اوونۍ نړیوالو یوورځنیو سیالیو ته بېرته ستنه شي او له ایرلینډ سره به د پېنځه یوورځنیو لوبو په لړۍ کې مخامخ شي. د دې لړۍ لومړۍ لوبه د زمري پر څوارلسمه / د اګست پر پېنځمه د شمالي ایرلینډ په بریډي کرکټ کلب کې ترسره کېږي او دا لړۍ به د اګست تر پېنځلسمې روانه وي.
د یادې لړۍ لومړۍ او دوهیمه لوبه به د اګست پر پېنځمه او اوومه په بریډي کې ترسره شي، وروسته به پاتې درې لوبې د بلفاسټ په سټورمونټ لوبغالي کې د اګست پر لسمه، دولسمه او پېنځلسمه ترسره شي.
د افغانستان لوبډلې مشري به د یوورځنیو او ټسټ سیالیو نوی لوبډلمشر رحمت شاه کوي او رحمانالله ګربز به د مرستیال لوبډلمشر دنده ترسره کوي. په لوبډله کې د تجربهلرونکو او ځوانو لوبغاړو ګډ ترکیب د پام وړ دی.
تجربهلرونکی الراونډر محمد نبي په دې لوبډله کې نیول شوی نهدی؛ خو چټک توپاچوونکی فضلالحق فاروقي بېرته لوبډلې ته راستون شوی دی. تمه ده، چې راشد خان او ځوان ورو توپاچوونکی اللهمحمد غضنفر د افغانستان لپاره مهم رول ولوبوي.
د افغانستان لوبډله:
رحمت شاه(لوبډلمشر)رحمانالله ګربز(مرستیال لوبډلمشر) ابراهیم ځدراڼ، صدیقالله اتل، حشمتالله شاهدي، دروېش رسولي، عظمتالله عمرزی، اکرام عليخېل(ویکټ ساتونکي) ننګیال خروټی، راشد خان، اللهمحمد غضنفر، یمین احمدزی، سلیم ساپي، فضلالحق فاروقي او ضیاءالرحمن شریفي.
احتیاطي لوبغاړي:
قیس احمد، فرید ملک، بلال سمیع او بشیر احمد.
دغه راز ایرلینډ د دې لړۍ د لومړیو درې لوبو لپاره داسې لوبډله اعلان کړې، چې ځینې مهم لوبغاړي یې د ټپونو له کبله نشته. تمه ده کوربه هېواد د وروستیو دوه لوبو لپاره خپله لوبډله د لوبغاړو د روغتیايي وضعیت له ارزونې وروسته اعلان کړي.
دا لړۍ د دواړو لوبډلو لپاره د راتلونکو نړیوالو سیالیو او د کرکټ نړیوالې شورا د غوراوي پړاوونو د چمتووالي مهمه برخه بلل کېږي.
د لوبو مهالوېش:
د اګست پېنځمه: لومړۍ یوورځنۍ لوبه – بریډي کرکټ کلب
د اګست اوومه: دوهیمه یوورځنۍ لوبه – بریډي کرکټ کلب
د اګست لسمه: درېیمه یوورځنۍ لوبه – سټورمونټ، بلفاسټ لوبغالي
د اګست دولسمه: څلورمه یوورځنۍ لوبه – سټورمونټ، بلفاسټ لوبغالي
د اګست پېنځلسمه: پېنځمه یوورځنۍ لوبه – سټورمونټ، بلفاسټ لوبغالي
د سیالیو د نندارې لپاره
د افغانستان مینهوال کولی شي دغه لړۍ پر ژوندۍ بڼه د آریانا راډیو او ټلویزیون څخه وګوري.
لوبی
افغانستان د آسیايي لوبو په ګروپي پړاو کې له جاپان او نیپال سره لوبې کوي
افغانستان له جاپان او نیپال سره په الف ګروپ کې دی. افغان لوبډله به په نیسین ښار کې د ګروپي پړاو خپله لومړۍ لوبه د سپټمبر پر څلیریشتمه له جاپان سره وکړي او دوهیمه لوبه به د سپټمبر پر پېنځهویشتمه له نیپال سره هم په همدې ښار کې ترسره کړي.
د افغانستان کرکټ لوبډله به په جاپان کې د ۲۰۲۶ آسیايي لوبو په ګروپي پړاو کې له جاپان او نیپال سره لوبې وکړي.
افغانستان له جاپان او نیپال سره په الف ګروپ کې دی. افغان لوبډله به په نیسین ښار کې د ګروپي پړاو خپله لومړۍ لوبه د سپټمبر پر څلیریشتمه له جاپان سره وکړي او دوهیمه لوبه به د سپټمبر پر پېنځهویشتمه له نیپال سره هم په همدې ښار کې ترسره کړي.
په ګروپي پړاو کې نورې درې لوبډلې هانګ کانګ، چین، مالیزیا او عمان دي، چې په بي ګروپ کې راغلي دي.
دغه راز هند، پاکستان، بنګلهدېش او سریلانکا د اتو غوره لوبډلو پړاو ته په مستقیم ډول لار پیدا کړې ده.
د آسیايي لوبو لپاره د افغانستان په ۱۵ کسیزه لوبډله کې دروېش رسولي لوبډلمشر او محمد اسحاق ویکټساتونکي ټاکل شوي دي.
د لوبډلې په نوملړ کې محمد اکرم، حسن عیسیخېل، خالد تڼیوال، عمران میر، فیصل خان شینوزاده، نجیب الله ځدراڼ، فرمان الله ساپی، عصمت عالم، کریم جنت، ننګیال خروټی، عرب ګل مومند، فریدون داوودزي او عبدالله احمدزي راغلي دي.
افغان لوبډله د یکشنبې پر ورځ له کابله د جاپان پلازمېنې ټوکیو ته روانه شوې ده.
د افغانستان ووشولوبغاړي محمد خالد هوتک د جاپان د ناګویا د شلم پړاو آسیایي لوبو د ووشو په لوبه کې خپل یمني سیال ته ماتې ورکړه او بل پړاو ته یې لار وموندله.
هوتک په ۷۰ کیلوګرامه وزن کې ولوبېد او خپله لومړۍ لوبه یې له یمني سیال څخه وګټله.
نوموړی به سبا په خپله دوهیمه لوبه کې د انډونیزیا له یوه لوبغاړي سره ولوبېږي.
افغانستان د ناګویا د شلم پړاو آسیایي لوبو د ووشو په سیالیو کې د اووه لوبغاړو په لوبډله کې ګډون لري.
لوبی
په جاپان کې آسیایي لوبې پیل شوې؛ ۳۴ افغان لوبغاړي لوبې کوي
د پرانیستلو په مراسمو کې بېلابېل پروګرامونه ترسره شوي او د جاپان امپراتور ناروهيټو د ۴۵ هېوادونو او سیمو د لوبغاړو له تېرېدا وروسته د دې لوبو د پیل اعلان وکړ.
د آسیایي لوبو شلم پړاو د شنبې پر ورځ د جاپان په ناګویا ښار کې د پرانیستلو مراسمو پر ترسره کېدا پیل شو او د اوکټوبر تر څلورم به روان وي.
د پرانیستلو په مراسمو کې بېلابېل پروګرامونه ترسره شوي او د جاپان امپراتور ناروهيټو د ۴۵ هېوادونو او سیمو د لوبغاړو له تېرېدا وروسته د دې لوبو د پیل اعلان وکړ.
د آسیا د المپیک شورا مشر د پرانیستلو په مراسمو کې ویلي؛ د آسیا په لوبو کې ورزشکاران په داسې حال کې سیالۍ کوي، چې نړۍ له شخړو سره مخ ده او ښيي، چې سپورټ اوس هم د ملتونو ترمنځ د سولې، متقابلې همغږۍ او ملګرتیا لپاره ځواک کېدی شي.
د آسیا دا لوبې د توکیو له المپیک پېنځه کاله وروسته ترسره کېږي؛ هغه لوبې، چې د کووېډ-۱۹ د محدودیتونو له کبله پرته له نندارچیانو ترسره شوې وې.
په دې پړاو کې له ۱۱ زره ډېر لوبغاړي د آسیا له ۴۵ هېوادونو څخه ګډون لري او په ۴۱ سپورټي څانګو کې به له یو بل سره لوبې وکړي.
په دغو لوبو کې د افغانستان اته سپورټي ډلې د ۳۴ لوبغاړو په ګډون حضور لري.
ټاکل کیږي، چې نن څلور افغان لوبغاړي؛ محمد جعفر سلطاني، شهزاده ساپی، محمد خالد هوتک او حامد اشرفي د ووشو په برخه کې له خپلو سیالانو سره مخامخ شي.
افغانستان د آسیايي لوبو په ګروپي پړاو کې له جاپان او نیپال سره لوبې کوي
په ټول افغانستان کې د ګوزڼ واکسین څلور ورځنی کمپاین پیل شو
تېر کال په ټوله نړۍ کې انسانتهورته ۷۰۰۰روبوټونه پلورل شوي
د آریانا یوه کارګو الوتکه کابل ته راورسېده
که ایراني مشران هوکړه ونهکړي، له منځه به ولاړ شي – ټرمپ
افغانستان د ۱۷ کلنو آسیایي ملتونو جام ته د لارموندنې د لوبو په الف ګروپ کې راغی
امریکا په ټوله نړۍ کې د ویزې مرکه وځنډوله
آریانا ټلویزیون د ۲۰۲۶/۲۷ د افغانستان کرکټ لوبو د خپرولو ځانګړی حق ترلاسه کړ
د امریکا د استخباراتو مشر د خبرو لپاره روسیې ته سفر کړی
د نیپال او چین په سېلابونو کې نږدې ۱۵۰۰ کسان نادرکه شول
تحول: پر افغانستان د منځني ختیځ د جګړې اغېزې
څار: پاکستان په خپل خونړي برید کې افغانستان پړ بولي
تحول: د پاکستان د هر راز ګواښ پر وړاندې د کابل خبرداری
تحول: له امریکا سره د اړیکو لپاره د افغانستان پر چمتووالي ټینګار
څار: د افغانستان په اړه د ملګرو ملتونو د امنیت شورا غونډه
-
تازه خبرونه4 days agoنړۍ باید« د افغانستان نوی واقعیت» ومني او خپله پالیسي بدله کړي – هند
-
تازه خبرونه4 days agoیوازې د بشري حقونو پر موضوع راڅرخېدا به په افغانستان کې بې پایلې وي – روسیه
-
لوبی2 days agoد افغانستان اتلانو لیګ؛ ابومسلم فراه او آریانا خوست مساوي شول
-
نړۍ4 days agoپر کابل هوایي ډګر برید کوونکی محمد شریفالله په امریکا کې پر ۲۰ کاله بند محکوم شو
-
تازه خبرونه2 days agoد اسلامي همکاریو ټولنه د افغانستان په اړه د تماس ډلې ناسته تر سره کوي
-
تازه خبرونه4 days agoد قطر یوه لوړپوړي چارواکي له کورنیو چارو وزیر سره ولیدل
-
سیمه ییز خبرونه5 days agoد امریکا او حوثیانو استازو په عمان کې پټه لیدنه کړې
-
نړۍ1 day agoد جګړو هممهاله د نړۍ مشران د ملګرو ملتونو په مرکزي دفتر کې راټولیږي