Connect with us

تازه خبرونه

افغان حکومت له سیاستوالو سره د استانبول ناستې ته مشورې کوي

خپور شوی

 په

(Last Updated On: وری ۸, ۱۴۰۰)

 د ملي امنیت شورا سلاکار ویلي، چې په دوحه کې د طالبانو مرکچي پلاوی د پرېکړو واک نلري  او افغان حکومت له هغې وروسته، چې طالبان خپل پلاوی په ډاګه کړي؛ دوی به هم خپل ګډون کوونکي اعلان کړي.

په داسې حال کې، چې د افغانستان د سولې په اړه د استانبول ناستې ته څو ورځې پاتې دي؛ افغان حکومت په دې مشورې پیل کړي، چې دې ناستې ته څوک ولیږي.

د ملي امنیت شورا سلاکار حمدالله محب وایي؛ دمګړۍ پرې وروستۍ پرېکړه نده شوې او د حکومت مرکچيان به تر هغې پورې، چې طالب پلاوی اعلان شوی نه وي، دوی هم خپل ګډون کوونکي کسان نه معرفي کوي.

حمد الله  محب ټینګار کوي، چې په دوحه کې د طالبانو مرکچیان د پرېکړې واک نلري او د استانبول په ناسته کې به یې ګډون بې پایلې وي.

د ملي امنیت شورا سلاکار دا هم ویلي، چې حکومت د سولې طرحه له خپلو متحدینو سره شریکه کړې او په افغانستان کې له وخت مخکې ټاکنو ته چمتووالی لري.

د محب د څرګندونو له مخې؛ که سیاستوال د استانبول ناستې لپاره هره طرحه لري، له حکومت سره یې باید شریکه کړي.

د افغانستان جمهوریت پلوي مرکچي پلاوی غړي غلام فاروق مجروح ویلي؛ دوی د شنبې پر ورځ دوحې ته روان شوي، چې له طالب پلاوي سره د استانبول ناستې په اړه خبرې پیل کړي.

په دوحه کې د طالبانو سیاسي دفتر ویاند محمدنعیم ویلي، چې دوی ته د خلیلزاد لخوا د امریکا طرحه سپارل شوي او تر دې دمه پرې غور روان دی.

نوموړي د دوحې د سولې رامنځټه کولو پر تړون ټینګار کړی دی او وایي، چې د دغې هوکړې له مخې باید بهرني سرتېري له افغانستان څخه ووځي.                          

ټاکل شوې، چې د استانبول ناسته د اپرېل میاشتې په لومړیو کې د ملګرو ملتونو پر مدیریت جوړه شي، چې هیله ده د ښکېلو خواوو تر منځ په کې یوه سیاسي جورجاړي ته د رسېدو هېلې پلې شي.

د امریکا استخباراتي ادارو و ولسمشر جو بایډن ته خبرداری ورکړی، چې که طالبان له وتلو مخکې هوکړې ته ونه رسیدل؛ نو طالبان به په دوه یا درې کلونو کې د افغانستان ډېری برخه بېرته ونیسي.

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

تازه خبرونه

امریکا ختیځې آسیا ته د جوبایډن د سفر په درشل کې شمالي کوریا وګواښله

خپور شوی

په

توسط

(Last Updated On: غویی ۲۹, ۱۴۰۱)

رویټرز خبري آژانس راپور ورکړی، چې سپینې ماڼۍ ويلي؛ جنوبي کوریا او جاپان ته د ولسمشر جوبایډن د سفر پر مهال امریکا چمتو ده، چې د شمالي کوریا د هر راز شونې هڅې ځواب ووایي.

د امریکا د ملي امنیت سلاکار جیک سلیوان پرون (چهارشنبه د غویی ۲۸) یوې خبري غونډې ته وویل، امریکا داسې معلومات تر لاسه کړي، چې شمالي کوریا غواړي د امریکا د ولسمشر جو بایډن د سفر په درشل کې د خپلو لرې واټن ویشتونکیو توغندیو او اټومي وسلو تجربه ترسره کړي.

جیک سلیوان زیاته کړې؛ امریکا ختیځې آسیا ته د ولسمشر د سفر په بهیر کې د ورته پارونو د شونتیا په ګډونه د هرې پېښې د شنډولو لپاره ځوابي چمتووالی نیولی دی.

دغه لوړپوړي امنیتي چارواکي ویلي، چې واشنګټن له سویلي کوریا او جاپان سره نږدې مشورې لري او د چین له لوړ پوړي ډیپلوماټ یانګ جیچیوف سره د ټیلیفوني اړیکې پرمهال یې ورسره د سهیلي کوریا د د شونې هڅې په اړه هم خبرې کړې دي.

ټاکل شوې، چې بایډن به په روانه اوونۍ کې خپل لومړنی آسیایي درې ورځنی سفر سیول ته پیل کړي او له یکشنبې څخه تر سې شنبې پورې به جاپان ته سفر وکوي.

Continue Reading

Trending

Copyright © 2022 Ariana News. All rights reserved!