تازه خبرونه
افغان ښځې باید د سولې له خبرو برخمنې شي- کیلنتون
د امریکا بهرنیو چارو پخوانۍ وزیرې د افغانستان او طالبانو د سولې د خبرو په اړه ویلي، چې د سولې په خبرو کې نه یوازې باید د ښځو ونډې ته پام راواړول شي، بلکې د افغان ښځو لاسته راوړنې هم د ټینګار وړ دي.
د افغانانو خپلمنځي خبرې، د افغان ښځو لپاره حیاتي وخت دی تر سرلیک لاندې د نړۍ نامتو سیاسیون د ملګرو ملتونو د سازمان په مقر کې را ټول او څرګندونې پرې تر سره شوې.
د امریکا د بهرنیو چارو پخوانۍ وزیرې هیلري کلنټن په نیویارک کې د ملګرو ملتونو یادې ناستې ته ویلي؛ افغان ښځې نن دا وېره لري، چې نه یوازې حقونه یې له طالبانو سره په خبرو کې له پامه غورزول کیږي، بلکې هغه لاسته راوړنې یې هم، چې په تېرو کلونو کې تر لاسه کړي، یو دم له منځه ولاړې نشي.
د نوموړې د څرګندونو له مخې؛ د سولې په خبرو کې ښځو ته نه پاملرنه نه یوازې له اخلاقي پلوه ناسمه ده، بلکې یو خطرناک کار هم دی. هغه هېوادونه، چې دلته یې استازي راغلي؛ باید اجازه ورنکړو، چې پر ښځو وحشت واک وچلوي. افغان ښځو اوس هومره پرمختګ کړی؛ د خبرو له میز څخه، چې په حقونو یې پرېکړه کیږي، باید لیرې ونه ساتل شي.
په ملګرو ملتونو سازمان کې د افغانستان دایمي استازې ویلي، د افغان ښځو حقونه او په ټولنه کې یې ځای ځایګی د سیاسي بې نظمیو قرباني شوی دی.
هغه د افغان ښځو پر ماتیدونکي وضعیت اندېښمنه ده او وایي؛ دوی تېرو ته په کتو نه غواړي، چې موقعیت یې خطر کې ولویږي.
په ملګرو ملتونو کې د افغانستان دایمي استازې عادله راز ویلي؛ د ښځو حقونه او موقعیت یې په ټولنه کې د سیاسي ګډوډیو قرباني شوي او په دې حساس وخت کې مونږ خپل هېواد، د افغانستان ښځو، متحدینو، شریکانو او نړیوالو ملاتړو ته اړتیا لرو.
دا ناسته د بریتانیا د استازولۍ د دفتر او په ملګرو ملتونو کې د افغانستان د دایمي استازي د دفتر لخوا تر سره شوې وه، چې په کې د افغان ښځو د حقونو د فعالانو تر څنګ د بېلابېلو هېوادونو استازیو ګډون کړی و.
په ملګرو ملتونو کې د بریتانیا سفیر کارن پیرس ویلي، چې د سولې په خبرو کې د ښځو معنا لرونکې ونډه د تلپاتې سولې لپاره نه یوازې یو ښه فرصت دی، بلکې د افغانستان ثبات او امنیت ته هم یوه اړتیا ده.
د هېواد لومړۍ میرمن، چې د ویډیو کنفرانس له لارې له کابله شریکه شوې وه؛ ویلي، چې افغانستان نن یوه پرانیستې ټولنه ده، چې افراد په کې له ټولو حقونو برخمن دي او په خپلو مسوولیتونو پوهیږي. له دې کبله هیڅ پرېکړه د سولې په بهیر کې د خلکو او افغان ښځو له بشپړ ملاتړ پرته نه نیول کیږي.
تازه خبرونه
ازبکستان او ناروې د افغانستان د ستونزو پر حل ټینګار وکړ
د ازبکستان بهرنیو چارو وزارت د څرګندونو له مخې؛ دواړو خواوو د افغانستان د ستونزو د حل په بهیر کې د منظمو خبرو اترو د دوام پر اړتیا ټینګار وکړ.
د افغانستان لپاره د ازبکستان د ولسمشر ځانګړي استازي عصمت الله ارګاشوف د ناروې له نوي ټاکل شوې سفیرې هلنه سنډ انډرسن سره وکتل او د افغانستان په اړه یې د دوه اړخیزو همکاریو د وضعیت په اړه خبرې وکړې.
د ازبکستان بهرنیو چارو وزارت د څرګندونو له مخې؛ دواړو خواوو د افغانستان د ستونزو د حل په بهیر کې د منظمو خبرو اترو د دوام پر اړتیا ټینګار وکړ.
د غونډې په لړ کې د ناروې سفیرې د افغانستان په اړه د ازبکستان د منسجم سیمهییز دریځ جوړونې له هڅو ستاینه وکړه.
دغه راز په دې ناسته کې د افغانستان د ملي اقتصاد د بیارغونې او د سیمهییزې نښلېدا په پروژو کې د دې هېواد د یوځای کېدا پر امکاناتو نظرونه تبادله شول.
دواړو خواوو په افغانستان کې د ثبات او پرمختګ د ملاتړ لپاره د همکاریو او سیمهییزو تعاملاتو پر پیاوړتیا ټینګار وکړ.
تازه خبرونه
متقي د سعودي عربستان له سفیر سره په چین کې د کابل-اسلامآباد پر مذاکراتو خبرې وکړې
د بهرنیو چارو وزارت د خپرې شوې خبرپاڼې له مخې؛ متقي په اورومچي کې له پاکستاني لوري سره د وروستیو خبرو اترو په اړهد څرګندونو پر مهال هیله من شو، چې د تفسیر توپیرونه او ځینې کوچني تخنیکي مسایل به د خبرو د پرمختګ مخه ونهنیسي.
د بهرنیو چارو وزیر امیر خان متقي او په کابل کې د سعودي عربستان سفیر فیصل بن طلق البقمي د ناستې پر مهال د چین په اورومچي ښار کې د سیمهییزو بدلونونواو د افغانستان او پاکستان ترمنځ پر وروستیو مذاکرانو خبرې وکړې.
د بهرنیو چارو وزارت د خپرې شوې خبرپاڼې له مخې؛ متقي په اورومچي کې له پاکستاني لوري سره د وروستیو خبرو اترو په اړهد څرګندونو پر مهال هیله من شو، چې د تفسیر توپیرونه او ځینې کوچني تخنیکي مسایل به د خبرو د پرمختګ مخه ونهنیسي.
متقي د افغانستان او سعودي عربستان ترمنځ اړیکې مثبتې وارزولې او وایي، چې د دواړو وروڼو هېوادونو ترمنځ اړیکې به په سیاسي، امنیتي او اقتصادي برخو کې نورې هم پراخې شي.
د سعودي سفیر زیاته کړې، چې سیاسي او امنیتي ثبات او همدارنګه په افغانستان کې اقتصادي پرمختګونه خورا مهم دي او ریاض په دې برخو کې له افغانستان ملاتړ کوي.
تازه خبرونه
له افغانستان سره عملي او رغنده تعامل؛ د یوناما بنسټیزې هڅې او سیمهییزه همکاري
د ډیپلومات ورځپاڼې د راپور له مخې؛ یوناما په دې بهیر کې مرکزي رول لوبوي او د واکمنو او نړیوالې ټولنې ترمنځ د ډیپلوماټیک منځګړيتوب هڅې تر سره کوي.
د ۲۰۲۱ ز.کال له بدلونونو نږدې پېنځه کاله وروسته، د افغانستان په اړه د نړیوالې ټولنې په چلند کې څرګند بدلون رامنځته شوی او د انزوا پر ځای عملي تعامل ورته د پام وړ ګرځېدلی دی.
د ډیپلومات ورځپاڼې د راپور له مخې؛ یوناما په دې بهیر کې مرکزي رول لوبوي او د واکمنو او نړیوالې ټولنې ترمنځ د ډیپلوماټیک منځګړيتوب هڅې تر سره کوي.
یوناما د ملګرو ملتونو د امنیت شورا تر څار لاندې پر درې بنسټیزو برخو راڅرخیږي؛ سیاسي تعامل، پر بشري حقونو څار او د بشري مرستو همغږي. په داسې حال کې، چې افغانستان له جدي اقتصادي او ټولنیزو ننګونو سره مخ دی.
د ملګرو ملتونو چارواکي ټینګار کوي؛ اوسنيو شته واقعیتونو ته پر پاملرنه، تعامل یوازنی عملي غوراوی دی. بندیزونه په ټوله کې ځانګړي اشخاص پر نښه کوي؛ خو د نړیوالې پېژندنې نشتوالی د پانګونې او اوږدمهاله پراختیا مخه نیسي.
سیمهییزه همکاري په ځانګړي توګه له منځنۍ آسیا سره اړینه شوې؛ د سیمې هېوادونو د بشري لوژستیک، سوداګرۍ او بنسټیزو اړیکو په برخو کې خپل رول پراخ کړی او د ازبکستان ترمذ ښار د مرستو رسولو لپاره یو اړین مرکز ګرځېدلی دی.
په دې توګه د یو ګډ نړیوال چوکاټ رامنځته کېدا اوس هم ننګونکې ده؛ ځکه، چې د نړیوالو، سیمهییزو او افغان چارواکو ترمنځ بېلابېل لیدلوري شتون لري.
یوناما ټینګار کوي، چې د باور له نشتوالي سره – سره د خبرو اترو لارې خلاصې پاتې دي.
دغه راز د سیمهییز پرمختګ لپاره یو پراخ جوړښت هم مخ پر ښکارهکېدا دی. د دوامداره پراختیایي اهدافو لپاره د ملګرو ملتونو سیمهییز مرکز پر ۲۰۲۵ ز. کال په الماتا کې د انټونیو ګوټرش او قاسم-جومارت توکایوف پر ملاتړ پرانیستل شو، چې موخه یې په منځنۍ آسیا کې پر اوږدمهاله لومړیتوبونو تمرکز دی.
په ټولیزه توګه دا بدلونونه له افغانستان سره د تدریجي او منظم تعامل پر لوري د چلند بدلون پر ګوته کوي او ښیي، چې نور دا هېواد د ګواښونو سرچینه نه، بلکې د فرصتونو د ځای په توګه لیدل کیږي.
-
نړۍ5 days agoد هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
-
تازه خبرونه4 days agoپه هرات کې پر ملکي وګړو د مرګوني برید په اړه نړیوال غبـــرګونونــه راڅــرګند شول
-
سیمه ییز خبرونه3 days agoامریکا د ایران سمندري بندرونو ته د بېړیو پر تګ راتګ بندیز ولګاوه
-
نړۍ3 days agoایران د هوکړې غوښتونکی دی؛ خو اټومي اختلافات یې خنډ شوي – ټرمپ
-
روغتيا4 days agoد روان کال د ګوزڼ واکسین لومړی ملي کمپاین پیل شو
-
سیمه ییز خبرونه5 days agoد ایران او امریکا خبرې له ۴۰ ورځنۍ تحمیلي جګړې وروسته هم هوکړې ته ونه رسېدې
-
نړۍ4 days agoد منځني ختیځ جګړه د نړۍ اقتصاد ته ګواښ دی
-
تازه خبرونه4 days agoامیرخان متقي او د ترکیې سفیر پر سیمهییزو بدلونونو خبرې وکړې

