Connect with us

تازه خبرونه

امریکا افغانستان ته ۶۹ کیلومټره واټن وهونکي توپچي توغندي رالیږدولي

خپور شوی

 په

(Last Updated On: غویی ۹, ۱۴۰۰)

د امریکا مرکزي قومندانۍ په ډاګه کړې؛ دوی له افغانستان څخه د بهرنیو ځواکونو د وتلو د ملاتړ لپاره دې هېواد ته د توغندیو توپچي سیسټم استولی دی.

د امریکا اردو په یوه ټویټ کې ويلي؛ دا توغندي د شپې او ورځې له لوړې وړتیا برخمن او ۶۹ کیلومټره واټن وهلی شي.

امریکا ويلي، چې دغه توغندي له کویټ څخه افغانستان ته لېږدول شوي دي.

څو ورځې مخکې په افغانستان کې د امریکا او ناټو ځواکونو قومندان جنرال سکاټ میلر خبریالانو ته ویلي وه، چې د دوی ځواکونه د وتلو لپاره چمتووالی نیسي او دا بهیر پیل شوی دی.

سي این این د امریکا د پوځي چارواکو د څرګندونو له مخې په ډاګه کړې، چې د دغه هېواد دفاع وزارت افغانستان ته د ۶۵۰ ځانګړیو سرتېرو د لیږلو پرېکړه کړې، چې د وتلو پر وخت له امریکایي ځواکونو ملاتړ وکړي.

له دې مخکې هم د امریکا دفاع وزارت ویلي وه، چې له افغانستان څخه د ډاډمنو وتلو لپاره تازه دمو سرتېرو ته اړتیا ده.

د سي این این د څرګندونو له مخې؛ د امریکا دفاع وزیر لوویډ آسټین له افغانستان څخه د خوندي وتلو لپاره د سرتېرو او نورو تجهیزاتو استول منل شوي دي.

راپور په ډاګه کړې، چې دا ځواکونه د امریکا د ځانګړې قطعې سرتېري دي، چې مخکې یې هم په سیمه کې دندې درلودې.

د راپور له مخې؛ دا ځواکونه پر پرمختلليو الوتکو او وسلو سمبال دي. کله، چې د امریکا پاتې سرتېري له افغانستان  وځي؛ نو دوی به یې مرسته او ملاتړ کوي.

تازه خبرونه

زیربنا: د دیورند کرښې په اوږدو کې د څو نورو دروازو جوړولو غوښتنه

خپور شوی

په

توسط

(Last Updated On: غبرګولى ۵, ۱۴۰۱)

Continue Reading

تازه خبرونه

زیربنا: له یوه اماراتي شرکت سره د افغانستان د درې هوایي ډګرونو د ځمکنيو چارو د ترسره کولو تړون

خپور شوی

په

توسط

(Last Updated On: غبرګولى ۴, ۱۴۰۱)

Continue Reading

تازه خبرونه

په کابل کې چاودنې ۲۷ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۴, ۱۴۰۱)

د کابل ایمرجنسي روغتون د راپور له مخې؛ نن ماښام د کابل ښار د څلورمې امنیتي حوزې په یوه جومات کې د چاودنې له کبله لږ تر لږه پېنځه کسان وژل شوي او ۲۲ نور ټپیان دي.

کورنیو چارو وزارت پېښه تائید کړې او څرګندوي، چې دغه چاودنه د کابل ښار د څلورمې امنیتي حوزې اړوند د ترافیکو څلور لاري ته نږدې په زکریا نومي جومات کې رامنځته شوې، چې ۱۸ کسان ترې تبیان دي او ۶ نور وژل شوي دي.

تر اوسه کومې ډلې د دې چاودنې مسوولیت ندی منلی.

Continue Reading

Trending

Copyright © 2022 Ariana News. All rights reserved!