Connect with us

کوید۱۹

امریکا د نړیوالو مسافرینو لپاره د کرونا کتنې اړتیاوې لغو کوي

Published

 on

(Last Updated On: غبرګولى ۲۱, ۱۴۰۱)

د امریکا د ناروغیو د څارنې او مخنیوي مرکز څرګنده کړې، چې د ساینسي او خبري معلوماتو پر بنسټ نړیوال مسافرین نور اړ ندي، چې امریکا ته د راتلو لپاره د کرونا کتنې منفي آزموینه ولري.

د یاد مرکز د څرګندونو له مخې ټاکل شوې، چې دا محدویت د یکشنبې پر ورځ (د غبرګولي ۲۲) لرې شي.

دغه راز ویل شوي، چې دوی به د ناروغۍ د وضعیت څارن روانه وساتي او که وضعیت بدل شي د آزموینې اړتیا به بیا وارزول شي.

د امریکا روغتیا وزارت ویلي: دا ګام د کرونا پروړاندې په مبارزه کې د پرمختګ له کبله شونی دی.

د امریکا د مسافرو ټولنې اجرائیوي مشر راجر ډو ویلي، د کتنې سپارښتنه لغو کول د راتلونکي هوایي سفرونو د ښه کولو او امریکا ته نړیوال سفر یو بل لوی ګام دی.

د چارواکو د څرګندونو له مخې؛ امریکا ته نړیوال سفرونه د ۲۰۱۹ کال پر پرتله ۲۴ سلنه کم شوي دي.

کوید۱۹

په هند کې د کرونا نږدې ۱۶۰۰۰ نوې او ۶۸ د مړېنې پېښې ثبت شوي

Published

on

(Last Updated On: زمری ۲۲, ۱۴۰۱)

هند د شنبې پر ورځ د روغتیا وزارت د څرګندونو له مخې په ډاګه کړې، چې په دې هېواد کې پر کرونا ویروس نږدې ۱۶۰۰۰ نوي کسان اخته شوي او ۶۸ نور مړه دي.

د سرچینې د څرګندونو له مخې، له نويو ۱۵۸۱۵اخته شویو مثبتو پېښو سره بر کرونا د اخته کسانو ټول شمېر ۴۴۲۳۹۳۷۲ ته او د مړېنې له ۶۸ نویو پېښو سره د مړینې ټول شمېر ۵۲۶۹۹۶ ته رسېدلی دی.

د روغتیا وزارت ویلي، چې په هند کې د رغیدو کچه ۹۸.۵۴ سلنه  ثبت شوې ده.

Continue Reading

کوید۱۹

شمالي کوریا له کرونا سره په مبارزه کې خپله بریا څرګنده کړه

Published

on

(Last Updated On: زمری ۲۰, ۱۴۰۱)
رویترز د شمالي کوریا د مشر د څرګندونو له مخې راپور ورکړی، چې شمالي کوریا د کرونا ویروس پر وړاندې په مبارزه کې خپله بریا اعلان کړې؛ خو خور یې وایي، چې ورور یې د کرونا پر تبه اخته شوی او لامل یې جنوبي کوریا بولي.

کیم یو جونګ دا هم ویلي، چې ورور یې د جنوبې کوریا پر وړاندې ان د مرګونې مبارزې اعلان کړی دی.

هغې ان څرګنده کړې، چې کیم جونګ اون ډېر ناروغه و؛ خو د خلکو د اندېښنو له امله یې د یوې شېبې لپاره هم پټولی نشوه.

د شمالي کوریا خبري آژانس سي ان ای هم راپور ورکړی، چې کیم د می په میاشت کې د ساري ناروغۍ ضد اقداماتو د پورته کولو امر وکړ او زیاته یې کړه، چې شمالي کوریا باید د وبا ضد قوي خنډ وساتي او د روغتیا بحران پای ته تر رسیدو پورې دې د وبا ضد کار ته دوام ورکړي.

Continue Reading

کوید۱۹

د چین کرونایي بندیزونو د سانیا ښارګوټي ۲۵ زره سیلانیان اغېزمن کړي

Published

on

(Last Updated On: زمری ۱۷, ۱۴۰۱)

د چین مشهور سیاحتي تاپو هاینان د دوشنبې پر ورځ ډېرې سیمې وتړلې؛ ځکه، چې په تېرو دوه کلونو کې د خورا لږ پېښو له ثبتولو وروسته اوس د تر ټولو بدې کرونایي ناروغۍ سره مبارزه کوي.

نشنل راپور ورکړی، چې د یکشنبې له ورځې د سیلانیانو د هاینان تاپو د سانیا په ښار  شاوخوا ۲۵۰۰۰ سیلانیان بند پاتې دي.

د سویلي چین د تاپو په دې ښار کې، چې تېر کال یې د کرونا ویروس یوازې دوه پېښې ثبت کړې وې؛ په روانه میاشت میاشت کې یې پر کرونا ویروس اخته له ۱۴۰۰ څخه ډېرې مثبتې پېښې راپور کړې دي.

که څه هم دا د نړیوالو معیارونو له مخې ډېرې ندي؛ خو دا شمېر په ۲۰۱۹ کې له ووهان ولایته د خپرې شوې کرونان له شمېره د هېواد پر کچه ترټولو سترشمېر دی.

د دولتي رسنیو د راپورونو له مخې، د هایکو ولایت مرکز له شاوخوا ۲.۹ میلیون اوسیدونکیو سره او دوه کوچنيو ښارګوټيو؛ لیدونګ او چینګمای د دوشنبې پر ورځ خپل اوسیدونکي په کورونو کې بند کړل.

د یکشنبې تر ورځې پورې د چین دې تاپو له نښو نښانو سره ۲۳۱۲۶۶  پېښې د ځایي ناروغانو او نړیوالو مسافرانو په ګډون ثبت کړې.

Continue Reading

Trending

Copyright © 2022 Ariana News. All rights reserved!