Connect with us

تازه خبرونه

ترکیه په افغانستان کې د پوځي شتون لپاره د امریکا پوره ملاتړ غواړي

Published

 on

(Last Updated On: غبرګولى ۲۵, ۱۴۰۰)

اسوشیټیډ پرس څرګنده کړې، چې د ترکیې ولسمشر رجب طیب اردوغان پرون دوشنبه د غبرګولي ۲۴ ویلي، چې ترکیه په کابل کې د هوایي ډګر د ساتنې او سمبالولو لپاره د امریکا مالي، سیاسي او لوژیستیکي مرستې ته اړتیا ولري.

اردوغان دغه راز یوې خبري غونډې ته ویلي، چې له افغانستان څخه د بهرنیو ځواکونو له وتلو وروسته پاکستان او هنګري دې د افغانستان په ثبات راوستلو کې خپلې هڅې نه سپموي.

د راپور له مخې، ترکیې وړاندیز کړی، چې د کابل هوایي ډګر د ساتنې مسوولیت ته اوږه ورکوي.

 اردوغان په دې اړه ویلي: که دوی (امریکا) نه غواړي، چې مونږ له افغانستان څخه ووځو، که دوی هلته د ترکیې ملاتړ غواړي؛ نو د امریکا ډیپلوماټیکي، لوژیستیکي او مالي ملاتړ مونږ ته ډېر اړین دی.

دغه راز د امریکا ولسمشر جوبایډن په بروکسل کې د ناټو د سرمشریزې په څنډه کې ویلي، چې د افغانستان په اړه د نړۍ مشران د اجماع لرونکي دي.

جو بایډن وایي: د افغانستان په اړه د نړۍ د مشرانو ترمنځ ځواکمنه اجماع شتون لري. زمونږ سرتېري به بېرته خپلو هېوادونو ته راستانه شي؛ خو مونږ هوکړه وکړه، چې د افغانستان له خلکو سره ډیپلوماټیک، اقتصادي او بشردوستانه مرستې او ژمنې روانې وساتو.

دا په داسې حال کې ده، چې د ترکیې ولسمشر تېره ورځ ویلي وه؛  ترکیه یوازنی باوري هېواد دی، چې له افغانستان څخه د بهرنیو ځواکونو له وتلو وروسته به د افغانستان په سوله او ثبات کې مهم رول ولوبولی شي.

تازه خبرونه

د افغانستان دفاع وزیر د هېواد له پخوانیو جنرالانو سره وکتل

Published

on

(Last Updated On: سلواغه ۱۳, ۱۴۰۱)

د دفاع وزارت له لوري نن په یوه خپره شوې خبرپاڼه کې ویل شوي، چې د ملي دفاع وزیر او د وسلوال پوځ ستر درستیز له پخوانیو جنرالانو او افسرانو سره په لیدنه کې د هغو د هراړخیزو ستونزو د حل ډاډ څرګند کړ.

په دې کتنه کې، چې پرون (چارشنبه، د سلواغې ۱۲ ) ترسره شوې؛ دفاع وزیر محمد یعقوب مجاهد ویلي؛ اوس ټول هدف سوله، امنیت او له ځمکني بشپړتیا دفاع ده او مونږ به په هر قیمت د دې اسلامي نظام د ساتنې هڅه کوو.

دفاع وزیر او د پوځ ستر درستیز قاري فصیح الدین فطرت څرګنده کړې؛ اوس ټول هدف سوله، امنيت او د ځمکنۍ بشپړتيا دفاع ده او مونږ بايد په هر قيمت دا اسلامي نظام وساتو.

د یاد وزارت په خبرپاڼه کې راغلي، چې په يادو پخوانيو پوځيانو کې بريد جنرال افضل امان، ډګرجنرال محمد زمان احمدزي، تورنجنرال شهرګل، تورن جنرال نبي الله، بريد جنرال فريد، ډګروال افندي او يو شمېر نور جنرالان او د قول اردو پخواني قومندانانو نومونه د یادونې وړ دي.

په دې کتنه کې مجاهد وویل، چې د دوی یوازنۍ موخه په هېواد کې د سولې ټینګښت او د تېرو زخمونو مرهم کول دي.

هغه وایي، چې د تعصب د ختمولو لپاره اخلاص او مينې ته اړتيا ده.

دفاع وزير د پخوانيو پوځي افسرانو ستونزې او وړانديزونه هم واورېدل او ژمنه يې وکړه، چې د هغوى ستونزې به حل شي. نوموړي دوی ته د امنیت ډاډ هم ورکړ.

Continue Reading

تازه خبرونه

د امریکا استازي او پاکستانيو چارواکو د اسلامي امارت د ښځینه‌وو پر بندیزونو خبرې وکړې

Published

on

(Last Updated On: سلواغه ۱۲, ۱۴۰۱)

د افغانستان لپاره د امریکا ځانګړي استازي توماس ویست پاکستان ته په دوه ورځني ( د سلواغې ۱۰ – ۱۱ ) سفر کې د جنرال سید عاصم منیر په ګډون له لوړ پوړیو چارواکو سره د ترهګرۍ او د اسلامي امارت د ښخینه‌وو پر تعلیمي بندیزونو خبرې کړي دي.

د امریکا سفیر د سې شنبې پر ورځ تویت کړی او د افغانستان په اړه یې د دوه ورځنیو ګټورو غونډو په لړ کې د پاکستان میلمه پالنه ستایلې ده.

ویست څرګندوي؛ هغه د پاکستان د پوځ له مشر جنرال عاصم منیر، سفیر محمد صادق او د بهرنیو چارو له سکرتر اسد مجید خان سره لیده کاته کړي دي.

د دې لیدنو په لړ کې توماس ویست ویلي، چې دوی د تروریزم او امنیتي وضعیت، نړیوال یووالي اړتیا او د میلیونونو افغانانو حیاتي مرستو او تعلیم ته د لاسرسي په اړه د طالبانو ( اسلامي امارت) خطرناکو اغېزو په اړه خبرې وکړې.

د امریکا یاد استازي د ملګرو ملتونو دا کار مهم ګڼلی او له پلي کوونکیو څخه یې د ملاتړ غوښتنه هم کړې، چې د ښځینه مرستندویه کارکوونکیو او ښځینه زده‌کړې په اړه د اسلامي امارت د بندیزونو د لغو کولو غوښتنه وکړه.

هغه ټینګار کړی، چې: له زړورو افغان ښځو سره مې وکتل؛ هغوی مهمې غوښتنې او نیوکې وړاندې کړې. په افغانستان کې چارسمبالې ښځې له کړاوونو سره مخ دي او نړیواله ټولنه باید د هغو اړتیاوو ته لومړیتوب ورکړي.

ویست ویلي؛ ښځې او نجونې، چې په کورونو کې محدودې دي، له سختو ذهني او رواني فشارونو سره مخ دي.

ویست پر زده‌ګړو ‌او کار بندیزونه بې رحمانه برید ګڼلی او ډاډ ورکوي، چې د پاکستان ترڅنګ ولاړ یوو.

هغه دغه راز په پېښور کې د تروريستي بريد له کبله د زياتو بې ګناه خلکو پر وژل کيدو هم ژوره خواشيني څرګنده کړې ده.

دا په داسې حال کې ده، چې د اسلامي امارت د رسنیو پر خپرونو د څار مشر عبدالحق حماد ويلي، د نجونو د زده‌کړې مطلق بندول افراط دی او بې چوکاته بریښودل یې تفریط دی. د اسلامي امارت تګلاره د اعتدال پر بنسټ ولاړه ده او افراطیت نه مني.

Continue Reading

تازه خبرونه

د ټیټ کیفیت څلور تانکره دیزل بېرته ایران ته وروګرزول شول

Published

on

(Last Updated On: سلواغه ۱۲, ۱۴۰۱)

د افغانستان د ستندرد ملي ادارې د سې شنبې پر ورځ وویل، چې دې ادارې د ټیټ کیفیت څلور تانکرونه بېرته ایران ته مسترد کړل.

یادې ادارې په ډاګه کړې؛ دوی د هرات ولایت په اسلام‌کلا بندر کې د تېلو د کیفیت له کتنې وروسته څلور تانکره بېرته ایران ته ستانه کړي دي.

د دغې ادارې د څرګندونو له مخې؛ دوی د بې کيفيته تېلو د واردولو د مخنيوي لپاره عملي ګامونه پورته کړي دي.

سربېره پردې دغې ادارې له سوداګرو وغوښتل؛ د وارد شويو توکو پر کیفیت دې خانونه ډاډمن کړي، چې د دې ادارې له معیارونو سره سمون ولري. که نه؛ نو دوی به له ورته پایلو سره مخ شي.

دا لومړی ځل ندی، چې دې ادارې ټیټ کیفیت تیل بېرته مستردوي . د بېلګې په توګه د جنورۍ پر لومړیو کې یې ایران ته د بې کیفیته تېلو ۲۶ ټانکرونه بېرته واستول.

Continue Reading

Trending

Copyright © 2022 Ariana News. All rights reserved!