تازه خبرونه
خلیلزاد له ټاکنو مخکې د سولې هوکړې ته هیله من شو
د افغانستان د سولې لپاره د امریکا ځانګړي استازي زلمي خلیلزاد ویلي؛ هیله من دی، چې د راتلونکي کال د ولسمشریزو ټاکنو تر پیلیدو پورې به له طالبانو سره د سولې هوکړې ته ورسیږي.
ښاغلي خلیلزاد تېره ورځ( د سلواغې ۱۹) په امریکا کې سولې انستیتوت ته د وینا پر مهال ویلي؛ هڅه کوي، چې د ولسمشریزو ټاکنو تر پیلیدو له طالبانو سره د سولې هوکړه وشي او هغوی هم له ټاکنیز بهیره ګټه پورته کړي.
د افغانستان د سولې لپاره د امریکا ځانګړی استازی زلمی خلیلزاد وایي، چې که څه هم د ټاکنو بهیر سوله لږ څه ستونزمنه کړې؛ خو دا به د افغانستان په ګټه وي، چې له ټاکنو مخکې له طالبانو سره یوې هوکړې ته ورسیږو، ځکه د سولې له هوکړې سره به ټاکنې سوله ییزې او ډاډمنې تر سره شي.
نوموړي له طالبانو سره د سولې په خبرو کې د پرمختګ په اړه وویل، چې اوس هم پایلې ته د رسیدو لپاره وخت لرو.
زلمی خلیلزاد زیاتوي؛ مونږ له طالبانو سره خبرې کړي، مونږ د خبرو پر چوکات هوکړه کړې او دا ډاډ مو تر لاسه کړې، چې نور به افغانستان نړیوالو ترهګرو ته د امن ځای نه وي.
هغه دا هم ویلي، چې له طالبانو سره له ټولو برخو پرته به د سولې هوکړې ته ونه رسیږي.
ده په مسکو کې د افغانستان د سیاسي استازیو او طالبانو تر منځ د پرېکړه لیک د هغې مادې په غبرګون کې، چې د بهرنیو ځواکونو د وتو په اړه ده؛ وویل: مونږ د افغانستان د پریښودو په اړه د هوکړې هڅه نکوو، بلکې د سولې لپاره هڅه کوو، چې په پایله کې به یې د بهرنیو ځواکونو وتل هم شوني شي.
دا په داسې حال کې ده، چې تېره اوونۍ په مسکو کې د افغانستان جهادي او سیاسي استازيو له طالبانو سره دوه ورځنۍ ناسته تر سره کړه، چې په پرېکړه لیک کې یې له اوربند وروسته د بهرنیو ځواکونو پر وتلو ټینګار څرګند شو.
دغه راز د امریکا ولسمشر هم کنګریس ته په خپله کلنې وینا کې وویل، چې ستر ملتونه له اوږدو جګړو مخ اړوي…؛ د امریکا او طالبانو تر منځ په خبرو کې له پرمختګ وروسته به مونږ وتوانیږو، چې د خپلو سرتېرو شمېر لږ او د ترهګرۍ په وړاندې خپله مبارزې چټکه کړو.
زلمی خلیل زاد په داسې وخت کې د سولې په وړاندې له ستونزو یادونه کوي، چې افغان حکومت د مسکو په غونډه کې د طالب استازیو د ګډون په تړاو ملګرو متلونو ته شکایت کړی.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه