Connect with us

تازه خبرونه

د افغانانو د خپلمنځي خبرو ناکامي به د امریکایانو د نه وتلو معنا ولري- خلیلزاد

Published

 on

(Last Updated On: تله ۱۲, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد روانه اوونۍ دوحې ته سفر کړی، چې افغانان د خپلمنځي خبرو په بهیر کې له په ټپه ولاړ حالته راوباسي؛ خو وایي، که د دوحې خبرې ناکامه شي؛ نوامریکا به له افغانستان څخه ونه وځي.

زلمي خلیلزاد این پي آر ته ویلي: واشنګتن به هغه تېروتنه تکرار نکړي، چې پخوانی شوروي اتحاد په ۱۹۸۹ کې په ناڅاپي توګه له افغانستان ووت؛ ځکه، چې هغې تېروتنې په افغانستان کې ویجاړونکې کورنۍ جګړه رامنځته کړه او په پای کې طالبان واک ته ورسیدل.

نوموړي زیاته کړې: مونږ به له افغانستان څخه په وتلو کې شوروي اتحاد ته ورته تېروتنه ونه کړو او دا هېواد به په ډاګ نه پرېږدو؛ ځکه، چې بیه یې د افغانستان د مشرانو د تېروتنو له کبله دې هېواد او خلکو ته ګرانه پریوته.

د امریک دې ځانګړي استازي زیاته کړې: هغه مهال د دې پرځای، چې یره یوځای شي او حکومت جوړ کړي؛ دوی له یو او بل سره جګړه وکړه. پداسې حال کې، چې نورې نړۍ په افغانستان کې د شوروي له ماتې او تجزیې ګټه پورته کړې؛ خو دې حالت تر یو حده له دوی سره د فتحې یا د افغانستان د فتح کولو په هڅو کې مرسته کړې ده.

هغه څرګندوي؛ اوس د دې وخت رارسیدلی، چې افغانان خپلمنځي خبرو ته ورودانګي له دغه رامنځته شوي فرصته ګټه پورته کړي او وښیي، چې په افغانستان کې د نظرونو یا ایدیالوژیو بېلابېلې ډلې ګډ ژوند کولی شي.

خلیلزاد ټینګار کړی، چې: او په دې حال کې امریکا ته هم یو درس شته، چې موږ نشو کولی افغانستان یوازې او په ډاګ خوشې کړو؛ مونږ دا هم نشو کولی، چې دې هېواد ته شا واړوو.

هغه زیاته کړې: که شرایط سم وي؛ نو هیڅ ګواښ به نه وي. مونږ کولی شو خپل سرتېري راوباسو او یا هم ورته شرایط برابر کړو.

خلیل زاد څرګنده کړې؛ د سولې اوسنی حالت د افغان مشرانو لپاره یوه داسې شېبه ده، چې تېرې تېروتنې تکرار نکړي، بلکې د اتفاق پر بنسټ داسې سیستم رامنځته کړي، چې په کې ټولې خواوې او ښکېل ګوندونه  راټول شي. دا کار به په افغانستان کې د سولې خوزښت رامنځته او ان سیمه له بدلون سره مخ کړي.

تازه خبرونه

په کابل ښار کې د ځمکې کرې نقشه یوازې سمبولیکه بڼه لري – کابل ښاروالۍ

Published

on

(Last Updated On: ليندۍ ۱۷, ۱۴۰۱)

له هغې وروسته، چې د کابل ښار د دهن باغ په اړوند سیمه کې د “ځمکې” په بڼه د یوه څلي پر جوړولو نیوکې ډېرې شوې؛ کابل ښاروالۍ په ډاګه کړه، چې له جوړېدو یې موخه یوازې د ښار ښکلا ده نه سیاسي موخې.

کابل ښاروالۍ ويلي؛ دا اداره یوازې یوه کاري اداره ده او په هیڅ بڼه نشي کولی، چې سیاسي او نظامي بڼه خپله کړي.

د کابل ښاروالۍ د څرګندونو له مخې: د ځمکې په کُره کې، چې کومه نقشه لیدل کیږي؛ یوازې سمبولیکه نقشه ده او حقیقي هم نده.

دغه بنسټ په یوه ویدیويي پیغام کې ویلي: زمونږ موخه دا ده، چې د افغانستان نقشه یو څه زوم (نږدې) او روښانه کړو. په دې برخه کې کوم سیاسي هدف نشته.

نوموړي په دغه پيغام کې زياته کړې: دا ډول نيوکې د کابل ښاروالۍ د ښار ښکلا او د پراختيايي پلانونو د پلي کولو اراده تر پوښتنې لاندې نشي راوستلى.

دا په داسې حال کې ده، چې کابل ښاروالۍ د دهن باغ په اړوند څلور لاري کې د ځمکې اته متریزه څلی جوړ کړی، چې د افغانستان نقشې او کچې پرې بېلابېل غبرګونونه راپارولي دي.

Continue Reading

تازه خبرونه

له افغانستان څخه د وسلو د قاچاق هڅه شنډه شوه

Published

on

(Last Updated On: ليندۍ ۱۷, ۱۴۰۱)

د ننګرهار ولایت سیمه ییزو چارواکو د چارشنبې پر ورځ څرګنده کړې، چې د تورخم پر پوله د ګمرک چارواکو پاکستان ته د وسلو او مهماتو د قاچاق هڅه شنډه کړې ده.

یوه چارواکي، چې وسلې یې نندارې ته وړاندې کړي وایي؛ دا هڅه له هغې وروسته شنډه شوه، چې دوی ته پر انارو د بار لارۍ د ثبت شوي نمبر E-3657 خبر ورکړ شو؛ لارۍ مو له پولې څخه د تېرېدو په حال کې ودروله.

د ګمرک مشر امجد الرحمان ويلي؛ پېښور ته پر لاره لارۍ مو ولټوله؛ په امریکا کې جوړې شوې ۱۶ تودې وسلې او یو شمېر مهمات مو ترې راوویستل، چې د لارۍ په پټو غارونو کې پټې شوې وې.

نوموړي ويلأ؛ نيول شوې وسلې په پاکستان کې منع دي او د ترهګرۍ په اړوند پېښو کې کاریږي.

ویل کیږي، چې د لارۍ موټر چلوونکي د پېښې له ځايه تښتېدلى؛ خو په اړه یې څېړنې روانې دي.

Continue Reading

تازه خبرونه

په افغانستان کې نږدې ۹۰۰ زره ماشومان له ډنګرېدنې ځوریږي – یونیسف

Published

on

(Last Updated On: ليندۍ ۱۶, ۱۴۰۱)

د ملګرو ملتونو د ماشومانو وجهي صندوق (یونیسف) څرګنده کړې، چې په افغانستان کې د ماشومانو د درملنې او له بشري ناورین سره د مبارزې لپاره بېړنۍ مرستې ته اړتیا لري.

یادې ټولنې نن (چارشنبه د لیندۍ ۱۶) په ډاګه کړې، چې په افغانستان کې شاوخوا ۸۷۵ زره ماشومان د وزن له کمېدو سره مخ دي.

د ماشومانو دغه خیریه موسسه وايي، په ۲۰۲۳ ز. کال کې د ماشومانو د درملنې او د بشپړې خوارځواکۍ د مخنیوي لپاره مرستې ته اړتیا لري.

دغه راز یونیسف پرون د یوې بشري غوښتنې له لارې څرګنده کړې، چې ماشومان په ټوله نړۍ کې له یوه تاریخي ناورین سره مخ دي.

دې ټولنې د ۲۰۲۳ ز. کال لپاره د ۱۰ اعشاریه ۳ میلیارد دالرو غوښتنه وکړه، چې په ټوله نړۍ کې پرې د ۱۱۰ میلیون ماشومانو روغتیایي ستونزې حل کړي.

Continue Reading

Trending

Copyright © 2022 Ariana News. All rights reserved!