Connect with us

نړۍ

د امریکایانو د خوندیتوب لپاره خپل ټول واک و ځواک کارولی شو ـ بایدن

خپور شوی

د

په سوریه کې پر امریکایي ځواکونو د ایران پلوه ملیشو له تازه برید وروسته پرون د امریکا ولسمشر جو بایدن ایران وګواښه او په ډاګه یې کړه، چې د امریکایانو خوندیتوب ته به خپل ټول واک او ځواک وکاروي.

رویترز په ډاګه کړې؛ په سوریه کې ایران پلوې ډلې ویلي، چې د امریکا وروستي برید ته په ځواب کې بشپړ چمتووالی لري او لاسونه یې لنډ ندي.

دغه راز بایدن د اړوند برید په اړه ویلي؛ پام کوئ! امریکا له ایران سره شخړه نه غواړي؛ خو مونږ د خپلو خلکو د خوندیتوب لپاره پرېکنده ځواب ویلو ته هره شېبه چمتو یوو.

په سوریه کې د ایراني پلوه ملیشو په تازه برید کې، چې د جمعې پر ورځ ترسره شوی؛ د امریکا یو سرتېری ټپي شوی.

له دې مخکې د بې پیلوته الوتکو پر بریدونو، چې امریکا یې ملامتي پر ایران اچولې؛ ۶ امریکایان ټپي شوي و او یو قراردادي په کې وژل شوی دی.

د بېبي سي د څرګندونو له مخې؛ په سوریه کې د ایران مشورتي کمیتې په اعلامیه کې راغلي، چې د امریکا په برید کې ګڼ شمېر جنګیالي وژل شوي او ټپي دي.

په هغه اعلامیه کې، چې یادې کمیټې لاسلیک کړې خبرداری ورکړ شوی؛ که په سوریه کې زمونږ مرکزونه او ځواکونه په نښه شي، مونږ یې د ځواب ویلو وړتیا لرو.

د سوریې د بشري حقونو د څار ډلې ویلي؛ په سوریه کې د امریکا په هوايي بریدونو کې، چې د پنجشنبې پر ورځ یې کړي ۱۴ ایران پلوه جنګیالي وژل شوي دي.

دا لومړی ځل ندی، چې په سوریه کې پر میشتو امریکایي ځواکونو د بې پیلوته الوتکو بریدونه کیږي. پوځي چارواکي وایي، چې د ۲۰۲۱ ز. کال راپدیخوا د سوریې په ختیځ کې د امریکایي ځواکونو پر مرکزونو ۷۸ ځلې بریدونه شوي؛ خو دا لومړی ځل دی، چې په دې بریدونو کې سرتېرو او قراردادیانو ته مرګ و ژوبله اوړي.

د سوریې په ختیځ کې د امریکایي سرتېرو دقیق شمېر معلوم ندی؛ خو ویل کیږي، چې شاوخوا ۹۰۰ امریکایي سرتېري له کردي ځواکونو سره په ګډه د اسلامي دولت یا داعش ډلې پر ضد جنګیږي.

ویل کیږي، چې په ۲۰۱۱ ز. کال کې د سوریې د کورنۍ جګړې له پیل راپدیخوا د اسلامی انقلاب ګارد قول اردو په سوریه کې خپل حضور پراخ او پیاوړی کړی او د بشار الاسد د پوځ او ملیشه ځواکونو د روزنې او مشورې لپاره یې سلګونه کسان دغه هېواد ته استولی دی.

نړۍ

امریکا او حماس په غزه کې د اوربند په اړه خبرې کوي

د دې چارواکي د څرګندونو له مخې؛ د امریکا له حکومت سره خبرې اترې له څو ورځو راپدېخوا روانې دي او هدف یې د مرستو ترلاسه کول او د غزې په تړانګه کې د څه کمې دوخ کلنې روانې جګړې بندول دي.

Published

on

د حماس یو مشر ويلي، چې په غزه کې د اوربند په اړه د دوی او د امریکا د حکومت ترمنځ مستقیمې خبرې اترې روانې دي.

د دې چارواکي د څرګندونو له مخې؛ د امریکا له حکومت سره خبرې اترې له څو ورځو راپدېخوا روانې دي او هدف یې د مرستو ترلاسه کول او د غزې په تړانګه کې د څه کمې دوخ کلنې روانې جګړې بندول دي.

له بلې خوا، یوه لوړ پوړي فلسطیني چارواکي د یکشنبې پر ورځ رویټرز ته وویل، چې حماس د امریکا له حکومت سره په غزه کې د اوربند او محاصره شوې سیمې ته د بشري مرستو د رسولو په اړه خبرې اترې کوي.

دغه راز آکسیوس د یوې باخبرې سرچینې د څرګندونو له مخې راپور ورکړی، چې د منځني ختیځ لپاره د امریکا ځانګړی استازی، واټکوف له اسرائیلو، قطر او مصر سره او د دوی له لارې له حماس سره د بندیانو د خوشې کولو او د سولې د پراخې پروسې په اړه خبرې اترې کوي.

همدارنګه د اسرائیلو خبري سرچینې راپور ورکړی، چې بنیامین نتانیاهو به نن ماښام د غزې په اړه د څو وزیرانو او لوړ پوړو امنیتي چارواکو سره یوه کوچنۍ غونډه وکړي، چې د بندیانو د تبادلې تړون یا په غزه کې د جګړې بېرته پیل په اړه بحث وکړي.

د اسرائیلو ورځپاڼې معاریو راپور ورکړی، چې امنیتي کابینه به نن ماښام ۶:۳۰ پر سیمه ییز وخت منځني ختیځ ته د امریکا د ولسمشر له سفر مخکې او د اوربند هوکړې ته د رسیدو لپاره د سختو هڅو په بهیر کې غونډه وکړي.

Continue Reading

نړۍ

مکرون د سوریې له ولسمشر سره د امنیت په اړه خبرې کوي

په دې خبرپاڼه کې راغلي؛ د ناستې په بهیر کې مکرون به د “آزادې، باثباته او خپلواکې سوریې د جوړولو لپاره د فرانسې ملاتړ بیا تائید کړي؛ ځکه د سوریې ټولنې ته درناوی لري.”

Published

on

د فرانسې ولسمشرۍ دفتر د سېشنبې پر ورځ ویلي، چې ولسمشر امانویل مکرون به د چارشنبې پر ورځ په پاریس کې د سوریې له ولسمشر احمد الشرع سره د یوې ناستې کوربه وي.

په دې خبرپاڼه کې راغلي؛ د ناستې په بهیر کې مکرون به د “آزادې، باثباته او خپلواکې سوریې د جوړولو لپاره د فرانسې ملاتړ بیا تائید کړي؛ ځکه د سوریې ټولنې ته درناوی لري.”

د سوریې د دولتي خبري سرچینې سانا د څرګندونو له مخې؛ د بشارالاسد له نسکوریدو راپدېخوا اروپایي هېوادونو ته دا د الشرع لومړی سفر دی، چې په کې به د څو امنیتي ننګونو په اړه په ځانګړي توګه د سوریې پر حاکمیت د اسرائیلو د پرله‌پسې بریدونو په اړه خبرې وکړي.

رویټرز راپور ورکړی، چې الشرع په فبرورۍ کې د مکرون لخوا فرانسې ته د سفر بلنه ترلاسه کړې ده.

په جنوري کې الشرع د سوریې د لنډمهاله ولسمشر په توګه وټاکل شو او ژمنه یې وکړه؛ یو پراخ انتقالي حکومت به جوړ او د دې هېواد ویجاړې شوې عامه ادارې ورغوي او تر ټاکنو پورې به هېواد اداره کړي، چې ترسره کول یې پېنځه کاله وخت نیسي.

په دې راپور کې راغلي؛ اسرائیل په دسمبر کې د اسد له واکه لرې کولو راپدېخوا پر سوریې پوځي عملیات زیات کړي؛ په ټول هېواد کې بمبارډوي او ځمکني ځواکونه یې سویل لویدیځ ته ننوتي. په داسې حال کې، چې په سوریه کې د غیر متمرکز او منزوي پاتې غږښتونکي دي.

ویل کیږي، چې الشرع یو وخت د القاعدې د یوې څانګې مشري کوله او په ۲۰۱۶ کال کې یې ورسره اړیکې پرې کړې او د اسلام د یوې مذهبي ډلې ډروز د ساتنې هیله یې خپله کړه، چې په سوریه، لبنان او اسرائیلو کې پیروان لري.

Continue Reading

نړۍ

کېدی شي اسرائیل په پراخو پوځی عملیاتو کې ټوله غزه ونیسي

د اسرائیلو لومړي وزیر په یو ویډیو پیغام کې ویلي، چې دا عملیات سخت دي او د غزې ډېر فلسطینیان به د خوندیتوب لپاره بې ځایه شي.

Published

on

رویټرز د اسرائیلي چارواکو د څرګندونو له مخې راپور ورکړی، چې هېواد یې ممکن د غزې ټولې برخې په پراخو پوځي عملیاتو کې ونیسي.

د اسرائیلو لومړي وزیر بنیامین نتنیاهو ویلي، چې د فلسطین د حماس ډلې پر وړاندې به پراخ عملیات له هغې وروسته پیل شي، چې امنیتي کابینه هغه طرحه تصویب کړي، چې په کې د غزې تړانګې نیول او د مرستو اداره کول بنسټیزه برخه ده.

د اسرائیلو یوه دفاعي چارواکي ویلي، چې دا عملیات به راتلونکې اوونۍ منځني ختیځ ته د امریکا د ولسمشر ډونالډ ټرمپ د سفر له پای ته رسېدو مخکې پیل نشي.

دا پرېکړه د اسرائیلو او حماس ترمنځ د اوربند تړون ته د رسېدو لپاره له اوونیو ناکامو هڅو وروسته پدې ګواښ ټینګار کوي؛ هغه جګړه، چې په کور دننه د خلکو له ملاتړ کمیدو سره پر اسرائیلو نړیوال فشار زیاتوي، ممکن د نامعلوم وخت لپاره دوام وکړي.

د اسرائیلو د عامه ټلویزیون یو راپور، چې له جزئیاتو سره د بلد چارواکو د څرګندونو له مخې څرګندوي، چې نوی پلان به تدریجي وي او میاشتې وخت به ونیسي؛ ځواکونه به په پیل کې پر محاصره شوې یوې خبل شوې سیمې تمرکز وکړي.

د اسرائیلو لومړي وزیر په یو ویډیو پیغام کې ویلي، چې دا عملیات سخت دي او د غزې ډېر فلسطینیان به د خوندیتوب لپاره بې ځایه شي.

هغه دا هم ویلي، چې اسرائیلي ځواکونه له غزې څخه بهر د میشتو ځواکونو لخوا د لنډو بریدونو پخوانۍ تکتیکونه نه غوره کوي.

هغه زیاته کړې؛ هغه د نورو اسرائیلي چارواکو د څرګندونو له تکرار سره، چې هېواد به یې پر هغه ځمکه ټینګ ودریږي، چې نیولې یې ده؛ ویلي: “نیت برعکس دی.”

د اکسیوس د راپور له مخې؛ د منځني ختیځ لپاره د امریکا ځانګړي استازي سټیوویټکوف ویلي؛ اسرائیل یو خپلواک هېواد دی، چې خپلې پرېکړې پخپله کوي او همدارنګه یې راپور ورکړ؛ هیله من دی، چې د یرغمل نیوونکو او اوربند د تړون په اړه د ټرمپ له سفر مخکې یا په لړ کې پرمختګ وشي.

Continue Reading
Advertisement

Trending

Copyright © 2025 Ariana News. All rights reserved!