تازه خبرونه
د امریکا سنا د ۷۷۰ میلیارډ ډالرو هېوادنۍ دفاعي لایحه تصویب کړه
د امریکا مشرانو جرګې د چارشنبه پر ورځ د لیندۍ ۲۴ / د نومبر ۱۵ د دفاعي لګښتونو لپاره ۷۷۰ میلیارډ ډالر تصویب کړل.
د رویټرز د څرګندونو له مخې؛ دغه تصویب شوې لایحه له غوښتل شویو پیسو ۲۵ میلیارډ ډېره ده او د ولسمشر جوبایډن د لاسلیک لپاره به سپینې ماڼۍ ته ولیږل شي.
د دفاع وزارت له دفاعي پالیسۍ ډیموکراټانو او جمهوري غوښتونکیو دواړو ملاتړ په ډاګه کړی او د هېواد دفاعي لایحه یې پر ۸۸ مثبتو او ۱۱ منفي رایو تصویب کړه. دغه لایحه د ولسي جرګي استازیو تېره اوونۍ پر ۳۶۳ مثبتو او ۷۰ منفي رایو تصویب کړې وه.
د راپور له مخې؛ د رایو شمېر ۸۹ مثبتې او ۱۰ منفې وې؛ خو ډیموکراټ سناتور کوري بوکر د چارشنبې پر ورځ بیا خپله رایه بدله کړه.
تمه ده، چې ولسمشر جو بایډن به بودجې دا لایحه لاسلیک کړي؛ خو سپینې ماڼۍ تر دې دمه په دې اړه څه ندي ویلي.
د رویټرز د راپور له مخې؛ د ۲۰۲۲ زېږدیږ مالي کال لپاره په دفاعي بودیجه کې د تېر کال پر پرتله پر پېنځه فیصده زیاتوالي جوړجاړی رامنځته شوی؛ ځکه د چین او روسیې د پالیسیو پر سر د مشرانو او ولسي جرګو د غړیو ترمنځ ناندرو مشکلات رامنځته کړي وه.
د امریکا د ملي دفاع لایحه له تېرو شپږ لسیزو راپدیخوا هر کال په قانوني بڼه بدلیږي.
په دې دفاعي بودجه کې د امریکایي ځواکونو په تنخاوو کې دوه اعشاریه اووه سلنه زیاتوالی، د نویو الوتکو او جنګي بېړیو اخیستل او د چین او روسیې ګواښونو ته د لاسرسي هڅې په پام کې نیول شوې دي.
په دې لایحه کې له اوکراین سره ۳۰۰ میلیون ډالرو امنیتي مرسته په پام کې نیول شوې، چې د هغه هېواد له امنیتي قواوو څخه ملاتړ وشي. سربېره پر دې څلور میلیارډ ډالر د اروپا د دفاع لپاره او ۱۵۰ میلیون ډالره د بالتیک د امنیتي همکارۍ لپاره ځانګړي شوي دي.
په دې لایحه کې د چین پر وړاندې له تایوان څخه د ملاتړ لپاره اووه اعشاریه یو میلیارډ ډالر هم ځانګړي شوي دي.
رویټرز راپور راپور ورکړی؛ په افغانستان کې د هغې جګړې د څېړلو لپاره یو ۱۶ کسیز کمیسیون جوړیږي، چې جو بایډن د اګست په میاشت کې د دغه هېواد د تاریخ ترټولو اوږده جګړه پای ته ورسوله.
د سږکال په دفاعي لایحه کې د نظامي قضایي سیسټم بیاکتنه هم شامله ده.
دا غوښتنه له هغې وروست راپورته شوه، چې د ډیموکرات سناتور کرسټن ګیلیبرنډ په مشرۍ مدافع وکیلانو د خدماتو غړیو ترمنځ د جنسي تېري زرګونه قضیو په ځواب کې د قضایي سیسټم د بدلولو لپاره اوږدې هڅې وکړې، چې ډېري یې هیڅکله محاکمه شوي ندي.
د راپور له مخې په دې قانون کې ځینې داسې احکام هم شته، چې په پخوانیو نسخو کې نشته. په ځانګړي توګه هغه څه، چې ښځو به یې د نظامي مسودې لپاره راجستر کولو ته اړتیا درلوده. دا وړاندیز د یو څو ټولنیزو محافظه کاره جمهوري غوښتونکیو له سخت مخالفت سره مخ شوی و، چې فکر یې کاوه دا به د جنډر دودیز رول له منځه یوسي او هېوادنی دفاعي سیسټم به وګواښي.
تازه خبرونه
په کابل کې د نجونو کافي خونه او کتابتون پرانستل شو
د نجونو یوې څلورکسیزې ډلې د چارشنبې پر ورځ د غبرګولي نهمه په کابل کې د نجونو او ښځو د مطالعې لپاره یوه کافي خونه او کتابتون جوړ کړی او له ښځو او نجونو غواړي، چې ګټه ترې پورته او خپله پوهنیزه کچه لوړه کړي.
د هغو ښځو لپاره، چې په دې مراسمو کې یې برخه اخیستې وه؛ دا یو ښه نوښت و، په ځانګړي توګه د هغو لپاره، چې د ښوونځي او پوهنتون زدهکړې یې ځنډېدلي دي.
له څه نا څه درې کلونو راپدیخوا په افغانستان کې له شپږم ټولګي څخه پورته د نجونو او ښځو د ښوونځيو او پوهنتونونو زدهکړې ځنډېدلي او له ورتګه بې برخې پاتې دي.
د نجونو دې څلورکسیزې ډلې؛ نجونو او میرمنو ته نه یوازې د زدهکړې لپاره کتابتون او قهوه خونه جوړ کړې، بلکې غواړي هغو میرمنو او نجونو ته، چې د علم او پوهې د ترلاسه کولو په لټه کې دي هم د لوست زمینه برابره کړي.
د کافي خونې مسووله زهرا وایي: هغه نجونې او میرمنې، چې دلته د لوست او مطالعې لپاره راځي؛ یو شمېر نورې نجونې ورته کافي له خواږو توکو سره برابروي، چې ذهنې ستړیا یې راکمه شي.
داسې انګیرل کیږي، چې د ښځو او نجونو د ښوونیزو محدودیتونو له کبله د داسې چاپېریال رامنځته کول یوه اړتیا ګڼل کیږي.
په ټولیزه توګه غوښتنه دا ده، چې د ښوونځیو او پوهنتونونو دروازې د نجونو او ښځو پر مخ پرانیستل شي.
تازه خبرونه
د اروپايي ټولنې او قطر استازو د افغانستان په اړه خبرې وکړې
د افغانستان لپاره د اروپايي ټولنې ځانګړي استازي توماس نیکولسون او د قطر بهرنیو چارو وزارت سفیر او ځانګړي استازي فیصل بن عبدالله الحنزاب د افغانستان پر روان وضعیت بحث او خبرې وکړې.
د هغې خبرپاڼې له مخې، چې تېره ورځ د غبرګولي نهمه ناوخته د قطر بهرنيو چارو وزارت په ایکس پاڼه کې خپره کړې؛ راغلي، چې دغه ليدنه د قطر په پلازمېنه دوحه کې ترسره شوې او دواړو چارواکو په کې د افغانستان پر روانو حالاتو او سولې او ثبات ته د رسېدو لپاره د ګډو نړیوالو هڅو په اړه خبرې وکړې.
دا غونډه په داسې حال کې ترسره شوې، چې قطر به په نږدې یوه میاشت کې د افغانستان په اړه د درېیمې غونډې کوربه وي.
په دې غونډه کې د افغانستان د چارسمبالي حکومت استازي هم بلل شوي دي.
د افغانستان د چارسمبالي حکومت استازو د دوحې په دوهیمه ناسته کې د افغانستان لپاره د ملګرو ملتونو د ځانګړي استازي له ټاکل کېدو سره د مخالفت له کبله ګډون ونکړ؛ خو په درېیمه ناسته کې د ګډون لپاره د اندونو پر وړاندې کولو غور روان دی.
تازه خبرونه
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
د خوړو نړيوال پروګرام (WFP) څرګنده کړې، چې اروپايي ټولنه به د افغان زدهکوونکیو د خوړو د خونديتوب پياوړتيا لپاره له دې پروګرام سره ۱۰ ميليون يورو ځانګړې کړي.
د خوړو نړيوال پروګرام د چارشنبې پر ورځ (د غبرګولي نهمه) په يوه خبرپاڼه کې څرګنده کړې، چې دغه مرسته د فراه، غور، جوزجان، ننګرهار، نورستان، پکتيکا، روزګان او زابل ولايتونو له ۱۰ زره څخه زيات د ښوونځيو زدهکوونکي تر پوښښ لاندې راولي.
دغې ادارې زیاته کړې، چې د اروپايي ټولنې د اضافي مالي مرستو په لړ کې به د لس زره ښوونځیو پر زدهکوونکیو غني خوراکي بسکیټ یا ځواکمن تولید شوي غذايي خوراکونه ووېشل شي.
د یادې خبرپاڼې له مخې؛ د څلورم او شپږم ټولګیو نجونو زدهکوونکیو ته به هم د نباتي غوړیو او نغدو پیسو مرسته ورکړ شي.
په افغانستان کې د خوراکي توکو د نړیوال پروګرام مشرې هسیائو ویلی وايي؛ دې بنسټ څه باندې دوه لسیزې وړاندې د ښوونځیو د تغذیې پروګرام پیل کړ، چې د خوړو خوندیتوب او ښه تغذیه له پوهنې سره ونښلول شي.
د نوموړې د څرګندونو پر بنسټ، د خوړو نړيوال پروګرام تېر کال په ښوونځيو کې له یو اعشاریه پېنځه ميليون ماشومانو سره مرسته کړې او اروپايي ټولنه د دې مرستې مهم ونډوال شمېرل شوى دى.
دا په داسې حال کې ده، چې اروپايي ټولنې له دې مخکې هم د افغانستان د ښوونځیو د ښوونیز چاپېریال په ښه کولو کې مرسته کړې ده.
-
تازه خبرونه4 days ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
لوبی5 days ago
د ۲۰۲۴ شل اوریز نړیوال جام سیالیو ټولې لوبډلې په ډاګه شوې
-
سیمه ییز خبرونه3 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ3 days ago
په رفح کې پر اسرائيلي بريدونو لسګونه فلسطينيانو ووژل شول
-
تازه خبرونه3 days ago
له نړۍ سره د اسلامي امارت تعامل وارزول شو
-
نړۍ2 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه5 days ago
افغانستان دې د تحریک طالبان پاکستان مشران راوسپاري – محسن نقوي
-
تازه خبرونه2 days ago
په کابل کې د نجونو کافي خونه او کتابتون پرانستل شو