Connect with us

د هوا حالاتو بدلونونه

د اندونیزیا په جاوا کې له اورشېندنې وروسته زرګونه کسان د چمتووالي په حال کې دي

Published

 on

(Last Updated On: ليندۍ ۱۴, ۱۴۰۱)

د اندونیزیا په ختیځ جاوا کې په زرګونه اوسیدونکي د دوشنبې پر ورځ له هغې وروسته، چې په دې جزیره کې د ترټولو لوړ اورشیندي د اورشېندنې له کبله د ۸ کیلو مترو په واټن کې د تګ راتګ ساحه تنګه کړه او ټول کلي یې له اړوند سیمې وویستل.

د بسارناس یوه ویاند تولیب واتلهان، رویترز ته ویلي، د اړوند ولایت د لټون او ژغورنې ډلې غره ته څېرمه د زیانونو د ارزونې لپاره تر ټولو زیانمنې سیمې ته رسېدلي دي.

پرون د باران کچه لوړه وه، چې له کبله یې د غره له سر څخه ټول مواد راکښته شول؛ خو نن تر اوسه باران ندی شوی؛ نو چاپېریال د لټون لپاره چمتو دی.

د تلفاتو راپور ورکړ شوی ندی او د هوایي سفر لپاره سمدستي خنډ نشته.

د ۳۶۷۶ مترو پر لوړوالي دغه اورشېندنه د یکشنبې پر ورځ په ځايي وخت پر ۲:۴۶ را منځته شوې ده.

د ځایی اوسیدونکیو لخوا اخیستل شوي انځورونه ښیي، چې ماونت سمرو د خړو ایرو او لوګیو یوه لویه ورېځ راکښته کوي، چې وروسته یې غر او شاوخوا د وریجو کروندې، سړکونه او پلونه وپوښل او آسمان یې له تورو لړو ډک شو. یوه ویدیو، چې د چاپېریال وزارت لخوا په تویتر کې شریکه شوې د لاوا، ډبرو او تودو ګازونو تودوخه ښیي، چې د غره له لمنې را خوټیږي.

چارواکو ویلي، خلک پر موټرسایکلونو له اورشېندنې وتښتېدل، چې نږدې ۲۵۰۰ کسان وتلو ته اړ شول.

سمرو تېر کال له ۵۰ ډېر کسان مړه کړل او زرګونه نور ترې بې ځایه شول.

دې اورشېندنې د پلازمېنې جاکارتا د ختیځ شاوخوا ۶۴۰ کیلومتره د جاوا  لویدیځ لوري ته د زلزلو لړۍ جوړه کړې وه، چې د تېرې میاشتې یوې زلزلې له ۳۰۰ ډېر کسان مړه کړي دي.

دغه ۲۷۰ میلیوني هېواد د آرام سمندر د اورنۍ کړۍ په اوږدو کې پروت دی؛ ځکه، نو اندونیزیا د نړۍ یو له ترټولو ناورین ځپلیو هېوادونو څخه دی.

رویترز راپور ورکړی، چې دا هېواد د اورشېندنې  ۱۴۲ ساحې لري، چې په ۱۰ کیلو مترۍ کې یې  ۸ اعشاریه ۶ میلیون وګړي د ژوند کوي.

د هوا حالاتو بدلونونه

د ګرینلند د کنګلونو ګړندۍ اوبه کېدا به د بحري اوبو سطح لوړه کړي- څېړنه

Published

on

(Last Updated On: سلواغه ۱, ۱۴۰۱)

د چارشنبې پر ورځ د طبعیت په علمي مجله کې خپره شوې نوې څېړنه ښيي، چې له ۲۰۰۱ څخه تر ۲۰۱۱ پورې د ګرینلند د کنګل لوړه سطحه په تېرو ۱۰۰۰ کلونو کې له دېرې تودوخې سره مخ شوې، چې ورسره به د بحري اوبو سطحه هم لوړه شي.

د دغې څېړنې لیکوالانو څرګنده کړې، چې د شمالي قطب کنګلونه د نړۍ له صنعتي کېدو سره سم له ۱۹ پېړۍ راپدیخوا د ویلې کېدا له بهیر سره مخ شوي او د ۲۰ پېړۍ له پیل راپدیخوا له صنعتي بدلونونو سره مخ دي.

اټکل کیږي، چې تر ۲۱۰۰ پورې به د ویلې کېدا دا بهیر تر ۵۰ سانتي مترو پورې د نړۍ د اوبو سطحه لوړه کړي.

څېړنه ښیي، چې د نړۍ نیمایي کنګلونه به تر ۲۱۰۰ کال پورې د نړیوالې تودوخې له کبله ورک شي.

د دغه بنست کنګل پېژندونکې ماریا هولد څرګنده کړې: د هغو معلوماتو له مخې، چې مونږ د یخ له هستو ترلاسه کړي؛ اوس‌مهال پرلپسې ۱۰۰۰ کاله د کنګلونو له یوځای کېدا تېر شوي او له ۱۰۰۰ څخه تر ۲۰۱۱ پورې د ۱۰۰۰ کلونو په بهیر کې د ویلې کېدا بهیر چټک شوی دی.

په دې څېړنه کې ویل شوي، چې د یخ د ویلې کیدا بهیر د بحري اوبو  کچه ( ۰.۶ ) انچو ته لوړه کړې. دا د هغه څه پرپرتله شپږ ځله ډېر دی، چې ساینس پوهانو مخکې اټکل کړی و.

Continue Reading

د هوا حالاتو بدلونونه

پاکستان د سېلابونو د زیانونو د بیارغونې لپاره د ۱۶ میلیارد دالرو مرستې په لټه کې دی

Published

on

(Last Updated On: مرغومی ۱۹, ۱۴۰۱)
ملګري ملتونه او پاکستان د دوشنبې پر ورځ ( د مرغومي ۱۹) په ژنیو کې د پاکستان د تېر کال د سیلابونو د زیانونو د بیارغونې لپاره د مرستو راټولولو په اړه غونډه کوي.

اسلام آباد د میلیونونه کورونو، د زرګونه کیلومتره سړکونو او ریل پټلیو د بیارغولو او د سیلابونو له کبله د رامنځته شوې بېوزلۍ د کمولو لپاره شاوخوا ۱۶ اعشاریه ۳ میلیارد دالره لګښت اټکل کړی دی.

د پاکستان لومړي وزیر شهباز شریف د یکشنبې پر ورځ تویت کړی، چې له دې شېبې څخه د ګټنې لپاره به نړۍ ته د پاکستان وضعیت روښانه کړي.

شهباز شریف دا هم په ډاګه کړې: د پاکستان خلک د بې ساري ویجاړیو اغېزمن شوي او د پاکستان د ښه راتلونکي د جوړولو لپاره د نړیوالې ټولنې د پیوستون او مهربانۍ په لټه کې دی.

د پاکستان لومړی وزیر به په دې غونډه کې د پاکستان د وضعیت د ښه کولو لپاره یوه حل لاره وړاندې کړي، چې په کې به د ملګرو ملتونو عمومي منشي او د فرانسې ولسمشر هم وینا وکړي.

په پاکستان کې د تېر کال د سپتمبر سختو بارانونو او سېلابونو لږ تر لږه ۱۷۰۰ کسان مړه او تر ۸ میلیون ډېر کسان یې بې کوره کړل.

انتونیو ګوترش، چې له سیلاب وروسته پاکستان ته ولاړ؛ د سېلاب له کبله رامنځ ته شوې ویجاړۍ د موسم وژنه نومولې وه.

Continue Reading

د هوا حالاتو بدلونونه

ناسا د ځمکې د اوبو د سروې لپاره ګډه سپوږمکۍ وتوغوله

Published

on

(Last Updated On: ليندۍ ۲۶, ۱۴۰۱)

د جمعې پر ورځ ناسا او فرانسې فضایي ادارې ته جوړې شوې سپوږمکۍ، چې د ځمکې د څه نا څه ټولو اوبو د سروې ماموریت ورپر غاړه دی؛ له ځمکې وتوغول شوه.

د دې سپوږمکې ماموریت د ناسا، فرانسې، کانادا او د انګلستان د فضايي ادارې په مرسته په ګده ترسره کیږي او غواړي، چې د ځمکې په سطحه د نږدې ټولو( جهیلونو، سیندونو، زیرمو او بحرونو) د اوبو کچه معلومه کړي.

دا سپوږمکۍ به د ځمکې له ۹۰ سلنې څخه د ډېرو اوبو لوړوالی معلوم کړي. دغه راز به د سمندرونو، جهیلونو، سیندونو او نورو زیرمو اغېز پر اقلیمی بدلونونو هم وڅېړل شي او دا به په ډاګه کړي، چې څنګه ټولنې کولی شي د طبیعي ناورینونو لکه سیلابونو لپاره ښه چمتووالی ونیسي.

د ناسا مدیر بل نیلسون ویلي: د سیندونو او بحرونو د اوبو ګرمېدل، سخته هوا، د ځنګلونو سوځېدل د اقلیمي بدلون یو څو پایلې دي، چې انسانان او ژوندي موجودات ورسره مخ دي.

د دغه ماموریت بنسټیزه موخه د ځمکې د خواږو اوبو د کچې معلومول دي. دوی به د نړۍ له ۹۵ سلنې څخه د زیاتو جهيلونو، بحرونو او د اوبو د زیرمو په اړه معلومات چمتو کړي.

د یادونې ده، چې د وخت له تېریدو سره به دا څرګندونې او معلومات وکولی شي له څېړونکیو سره مرسته وکړي، چې نه یوازې د سمندر د سطحې د اوبو لوړوالی په ښه توګه وڅاري، بلکې پر ټولنو د اقلیمي بدلون اغېزې هم په ډاګه کړي.

Continue Reading

Trending

Copyright © 2022 Ariana News. All rights reserved!