Connect with us

تازه خبرونه

د اړتیا په صورت کې به تاپي پروژې ته امنیتي قطعه رامنځته کړو-اسلامي امارت

خپور شوی

د

(Last Updated On: سلواغه ۱, ۱۴۰۱)

د ریاست الوزرا اقتصادي مرستیال ويلي، اسلامي امارت د تاپي پروژې عملي کار پیلولو ته بشپړ چمتووالی لري او د اړتیا په صورت کې به د دغې پروژې د امنیت خوندي کولو لپاره ځانګړې قطعه جوړه کړي.

یاد بنسټ د شنبې پر ورځ ( د سلواغې لومړۍ) په ډاګه کړې؛ تاپي پروژه، چې د سیمې پر کچه یوه اړینه اقتصادي پروژه ده او د اسلامي امارت د لومړۍ واکمنۍ پر مهال یې کار پیل شو، خو بشپړېدا یې پر افغانستان د امریکايي اشغال له کبله تر اوسه ځنډېدلی دی.

د افغانستان اسلامي امارت له بیا ځل واکمنېدو سره په هېواد کې بشپړ امنیت خوندي شوی او د دې پروژې د پليکېدو لپاره له بل هر وخت اوس ښه فرصت برابر شوی، چې په دې اړه یې کوټلي ګامونه اخیستي دي.

د ریاست اوزرا اقتصادي مرستیال ملا عبدالغني برادر ویلي: اسلامي امارت په هېواد کې  د ملي پروژو امنیت ته پوره پاملرنه کوي او په هېواد کې د تاپي پروژې د عملي چارو پیلکېدو لپاره بشپړ چمتووالی لري.

دغه راز زیاتوي؛ اسلامي امارت یادې پروژې ته د هېواد د اقتصادي بېخبنا د یوه اړین عنصر په توګه ګوري، چې د عملي چارو پیل یې د افغانانو لپاره یو ښه زیری دی.

د یاد بنسټ د څرګندونو له مخې؛ که اړتیا ولیدل شي اسلامي امارت چمتو دی، چې د یادې پروژې د امنیتي چارو ساتلو لپاره یو ځانګړی ځواک جوړ کړي. د افغانستان اسلامي امارت د هېواد بیارغونه او د اقتصادي بېخبناوو احیاء کول د ځان مسوولیت ګڼي او باور لري، چې د سیمې سیاسي، امنیتي او اقتصادي ښېرازي د سیمې ټولو هېوادونو شریک مسوولیت دی او باید په ګډه اقدامات وکړي.

د یادونې ده، څو ورځي مخکې هم کورنیو چارو او ملي دفاع وزارتونو او د استخباراتو لوی ریاست مسوولینو د ترکمنستان له استازیو سره د تاپي پروژې د امنیت په موخه ناسته درلوده او دوی ته یې د تاپي پروژې د بشپړ امنيت ټينګولو ډاډ ورکړی دی.

تازه خبرونه

خواشینوونکې ده، چې اسلامي امارت ته د دوحې په غونډه کې د خبرو زمینه برابره نه‌شوه – چین

Published

on

(Last Updated On: کب ۵, ۱۴۰۲)

د افغانستان په چارو کې د چین استازي یو شیایویونګ د شنبې پر ورځ په ایکس پانه کې لیکلي، چې دا ناسته د اندونو د وړاندې کولو لپاره ګټوره وه او هېوادونو له افغانستان سره د عملي اړیکو او خبرو عوښتنه وکړه.

نوموړي زیاته کړې؛ افسوس، چې د افغانستان په اړه د دوحې د غونډې ګډونوال یو ځل بیا د چارسمبالي حکومت ( اسلامي امارت  ) له واکمنو چارواکو سره پر خبرو کولو بریالي نه‌شول. لکه څنګه، چې چین او د سیمې هېوادونه یې غوښتونکي وه.  

د چین دې ډیپلومات زیاته کړې؛ هېواد یې په دې ناسته کې د ډېرو بشري مرستو، معتدلې حکومتولۍ او د ښځو او نجونو لپاره د زده‌کړو غوښتونکی شو.

دغه راز چین له امریکا غوښتي، چې د افغانستان د بیا جوړونې او رغونې مسوولیت دې پر غاړه واخلي، د افغانستان بندې شتمنۍ دې ازادې او یو اړخیزه بندیزونه دې لرې کړي.

ملګرو ملتونو اسلامي امارت ته بلنه ورکړې وه، چې د افغانستان په اړه د دوحې په دوه‌یمه ناسته کې له نورو استازیو سره ګډون وکړي؛ خو اسلامي امارت د خپلو غوښتنو د نه منل کېدو له کبله هغه رد کړه.  

اسلامي امارت په دې غونډه کې د ګډون لپاره د افغانستان د خلکو استازيتوب، تعامل او له عمومي منشي سره د لیدنې غوښتنه کړې وه.

Continue Reading

تازه خبرونه

نړیوال بانک میلیونونو افغانانو ته د کاري زمینې په رامنځته کولو کې مرسته کوي

Published

on

(Last Updated On: کب ۵, ۱۴۰۲)

 د ژغورنې نړیوالې کمیټې په افغانستان کې د نړیوالې پراختیايي ادارې د مرستو لګولو په اړه د نړیوال بانک له وروستۍ پرېکړې هرکلی وکړ او څرګندوي، چې دا مسله به د خدمتونو په وړاندې کولو او د کاري فرصتونو رامنځته کولو کې لږ څه مرسته وکړي.

د دې بنسټ د خپرې شوې خبرپاڼې له مخې؛ د افغانستان په اړه د نړیوال بانک وروستی پلان د هوساینې لپاره د مرستو د برابرولو تابع دی، چې ورسره به افغانستان لږ تر لږه د اقتصادي ودې اوسنۍ لاره په ټیټه کچه وساتلی شي.

په خبرپاڼه کې راغلي؛ دا به د افغانستان د اقتصاد د ساتلو او ثبات لپاره مهم وي. په داسې حال کې، چې دا د سوداګرۍ بقا او د میلیونونو خلکو لپاره د عاید سرچینې تضمینوي. په هر حال، د افغانستان اقتصادي بحران په ټول هېواد کې د بشري اړتیاوو د لوړې کچې بنسټیز هڅوونکی دی.

د ژغورنې نړیوالې کمیټې ویلي، چې که څه هم د پلان اعلان په افغانستان کې د لومړنیو اړتیاوو د پوره کولو لپاره یو نوی پړاو دی؛ خو نور مرستندویان دې هم باید د بشري خدمتونو او مرستو په برابرولو کې خپله ونډه ښکاره کړي.

دې بنسټ زیاته کړې: ټولې مرستې د افغانانو د ملاتړ لپاره حیاتي دي او نړیواله ټولنه باید د اړینو خدماتو د ساتلو او د بشري ناورین د خرابېدا د مخنیوي لپاره مرستې روانې وساتي.

یوه اوونۍ مخکې نړیوال بانک څرګنده کړې وه، چې په افغانستان کې د ګټې اخیستنې لپاره به د نړیوالې پراختیايي ادارې له لارې شاوخوا ۳۰۰ میلیون ډالر مالي ټولګه برابره کړي.

Continue Reading

تازه خبرونه

یو چینایي شرکت په هرات ولایت کې د پولادو د تولید سروې وکړه

Published

on

(Last Updated On: کب ۵, ۱۴۰۲)

د هرات د اوسپنې پټلۍ رییس تېره ورځ د کب پر درېیمه د دې رياست د تخنيکي کارمندانو په شتون کې د معدنونو د استخراج او پروسس په برخه کې د يون لونګ زيرن چینایي شرکت له استازي سره وکتل.

چینایي پانګوال هرات ولايت ته د خپل سفر پر مهال د فولادو د توليد په برخه کې د ۳ ميليون امريکايي ډالرو پر ارزښت د يوې پروژې له سروې خبر ورکړ او وایي، چې وروسته به د پانګونې دا کچه تر ۱۰۰ ميليون امريکايي ډالرو لوړه شي.

د افغانستان اوسپنې‌پټلۍ ادارې په ایکس پاڼه کې لیکلي، چې د هرات د اوسپنې پټلۍ رییس محمد نسيم محمدي د يون لونګ زيرن شرکت استازي ونکسشويه ته د ښه راغلاست ترڅنګ څرګند کړه؛ اوسمهال په افغانستان او په ځانګړي توګه په هرات ولایت کې د معدنونو د استخراج او پروسس ترڅنګ د اوسپنې‌پټلۍ په برخه کې چينايي پانګوالو ته د پانګونې لپاره ښه فرصتونه موجود دي؛ ځکه، نو چينايي پانګوال باید له دې فرصت څخه ګټه پورته او دلته پر اوسپنې‌پټلۍ هم پانګونه زیاته کړي.

د يون لونګ زيرن شرکت استازي د افغانستان د اوسپنې‌پټلۍ ادارې له وروستيو فعالیتونو او پرمختګونو خوښي وښودله او د اوسپنې‌پټلۍ پراختيا يې له سيمې او نړۍ سره د افغانستان د نښلولو لپاره یوازنۍ لار وګڼله.

د يادونې ده، چې نوموړي په افغانستان کې د اوسپنې‌پټلۍ په برخه کې پانګونه لومړيتوب وګاڼه او څرګندوي، چې دا موضوع به د دې شرکت له رهبرۍ سره هم شريکه کړي.

Continue Reading

Trending

Copyright © 2022 Ariana News. All rights reserved!