تازه خبرونه
د تاجکستان او پاکستان مشرانو د افغانستان پر ثبات ټینګار څرګند کړ
د تاجکستان ولسمشر امام علي رحمان اسلام آباد ته دوه ورځنی سفر کړی او له لومړي وزیر محمد شهباز شریف سره یې پر افغانستان، سوداګرۍ، سیمه ییز ثبات، امنیت او نورو اړوند موضوعاتو بحث او خبرې کړې دي.
د سیمه ییزو سرچینو د څرګندونو له مخې؛ پاکستان له لومړي وزیر شهباز شریف سره له لیدنې وروسته امام علی رحمان یوې ګډې خبرې غونډې ته څرګنده کړې، چې هېواد یې په افغانستان کې د ثبات غوښتونکی دی او په دې لړ کې له پاکستان سره ګډې هڅې ترسره کوي.
هغه دا هم ویلي: ‘مونږ تر ټولو ډېر په ځورېدلي افغانستان کې د سولې او ټیکاو له راتګ او هلته له ملي رضایت سره لیوالتیا لرو او په دې برخه کې یې د ټولګډونه حکومت پر رامنځته کېدو ټینګار څرګند کړ.
نوموړي په ډاګه کړې؛ مونږ د افغانستان لپاره د داسې ثبات غوښتونکي یوو، چې سیاسي او قومي لوري په کې پراخه ونډه ولري.
دغه راز د دواړو حکومتونو مشرانو په نړیواله او سیمه ییزه کچه له رغنده هلو ځلو او همکاریو هم ملاتړ په ډاګه کړی دی.
په اسلام آباد کې د سیمه ییزو سرچینو د څرګندونو له مخې؛ د امام علی رحمان او شهباز شریف له خبرې ناستې مخکې یو شمېر دوه اړخیزې هوکړې هم لاسلیک کړې دي.
شهباز شریف په دې خبري ناسته کې د افغانستان له موضوع یادونه و نکړه؛ خو له تاجکستان سره یې په هره برخه کې پر غوره اړیکو لرلو ټینګار څرګند کړ.
هغه ویلي؛ غواړي، چې تاجکستان د سوداګرۍ لپاره د پاکستان کراچۍ او ګوادر بندرونه وکاروي.
شهباز شریف وایي: تاجکستان د منځنۍ آسیا د دروازې په څېر دی، مونږ به له تاسې سره په ګډه کار وکړو، چې د کاسا ۱۰۰۰ پروژې عملي کار ژر تر ژره پیل شي. مونږ غواړو د منځنۍ آسیا له هېوادونو سره ریل او سړک ولرو؛ خو زمونږ اړیکې د افغانستان له سوکالۍ او امنیت پورې تړلي دي. مونږ پدې ټولو شیانو خبرې وکړې.
پاکستان ته د تاجکستان د ولسمشر له دې سفر مخکې د امام علي رحمانوف ویاند عبدالفتاح شریفزاده ویلي وه، چې پاکستان ته به په سفر کې د اقتصادي، ټولنیزو او انرژۍ برخه کې پر دوه اړخیزو اړیکو خبرې وشي.
اسلامي امارت د ټولشموله حکومت جوړول؛ د افغانستان په کورنیو چارو کې لاسوهنه ګڼي.
اسلامي امارت په داسې حال کې، چې د سرپرستې کابینې په جوړښت کې اصلاحاتو ته ځان ژمن ګڼي؛ په وار وار یې ګاونډ هېوادونو ته ډاډ ورکړی، چې د افغانستان له لوري ګواښ به دغو هېوادونو ته نه رسیږي، ځکه امنیتي او دفاعي ځواکونه د افغانستان ټولې پولې کنټرولوي.
د یادونې ده، چې امام علي رحمانوف په تېرو اته ویشت کلونو کې نهه ځلې پاکستان ته سفر کړی، چې وروستي هغه یې په کابل کې د اسلامي امارت له بیا واکمنېدو څه نا څه دوه میاشتې مخکې و.
تازه خبرونه
په کابل کې د نجونو کافي خونه او کتابتون پرانستل شو
د نجونو یوې څلورکسیزې ډلې د چارشنبې پر ورځ د غبرګولي نهمه په کابل کې د نجونو او ښځو د مطالعې لپاره یوه کافي خونه او کتابتون جوړ کړی او له ښځو او نجونو غواړي، چې ګټه ترې پورته او خپله پوهنیزه کچه لوړه کړي.
د هغو ښځو لپاره، چې په دې مراسمو کې یې برخه اخیستې وه؛ دا یو ښه نوښت و، په ځانګړي توګه د هغو لپاره، چې د ښوونځي او پوهنتون زدهکړې یې ځنډېدلي دي.
له څه نا څه درې کلونو راپدیخوا په افغانستان کې له شپږم ټولګي څخه پورته د نجونو او ښځو د ښوونځيو او پوهنتونونو زدهکړې ځنډېدلي او له ورتګه بې برخې پاتې دي.
د نجونو دې څلورکسیزې ډلې؛ نجونو او میرمنو ته نه یوازې د زدهکړې لپاره کتابتون او قهوه خونه جوړ کړې، بلکې غواړي هغو میرمنو او نجونو ته، چې د علم او پوهې د ترلاسه کولو په لټه کې دي هم د لوست زمینه برابره کړي.
د کافي خونې مسووله زهرا وایي: هغه نجونې او میرمنې، چې دلته د لوست او مطالعې لپاره راځي؛ یو شمېر نورې نجونې ورته کافي له خواږو توکو سره برابروي، چې ذهنې ستړیا یې راکمه شي.
داسې انګیرل کیږي، چې د ښځو او نجونو د ښوونیزو محدودیتونو له کبله د داسې چاپېریال رامنځته کول یوه اړتیا ګڼل کیږي.
په ټولیزه توګه غوښتنه دا ده، چې د ښوونځیو او پوهنتونونو دروازې د نجونو او ښځو پر مخ پرانیستل شي.
تازه خبرونه
د اروپايي ټولنې او قطر استازو د افغانستان په اړه خبرې وکړې
د افغانستان لپاره د اروپايي ټولنې ځانګړي استازي توماس نیکولسون او د قطر بهرنیو چارو وزارت سفیر او ځانګړي استازي فیصل بن عبدالله الحنزاب د افغانستان پر روان وضعیت بحث او خبرې وکړې.
د هغې خبرپاڼې له مخې، چې تېره ورځ د غبرګولي نهمه ناوخته د قطر بهرنيو چارو وزارت په ایکس پاڼه کې خپره کړې؛ راغلي، چې دغه ليدنه د قطر په پلازمېنه دوحه کې ترسره شوې او دواړو چارواکو په کې د افغانستان پر روانو حالاتو او سولې او ثبات ته د رسېدو لپاره د ګډو نړیوالو هڅو په اړه خبرې وکړې.
دا غونډه په داسې حال کې ترسره شوې، چې قطر به په نږدې یوه میاشت کې د افغانستان په اړه د درېیمې غونډې کوربه وي.
په دې غونډه کې د افغانستان د چارسمبالي حکومت استازي هم بلل شوي دي.
د افغانستان د چارسمبالي حکومت استازو د دوحې په دوهیمه ناسته کې د افغانستان لپاره د ملګرو ملتونو د ځانګړي استازي له ټاکل کېدو سره د مخالفت له کبله ګډون ونکړ؛ خو په درېیمه ناسته کې د ګډون لپاره د اندونو پر وړاندې کولو غور روان دی.
تازه خبرونه
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
د خوړو نړيوال پروګرام (WFP) څرګنده کړې، چې اروپايي ټولنه به د افغان زدهکوونکیو د خوړو د خونديتوب پياوړتيا لپاره له دې پروګرام سره ۱۰ ميليون يورو ځانګړې کړي.
د خوړو نړيوال پروګرام د چارشنبې پر ورځ (د غبرګولي نهمه) په يوه خبرپاڼه کې څرګنده کړې، چې دغه مرسته د فراه، غور، جوزجان، ننګرهار، نورستان، پکتيکا، روزګان او زابل ولايتونو له ۱۰ زره څخه زيات د ښوونځيو زدهکوونکي تر پوښښ لاندې راولي.
دغې ادارې زیاته کړې، چې د اروپايي ټولنې د اضافي مالي مرستو په لړ کې به د لس زره ښوونځیو پر زدهکوونکیو غني خوراکي بسکیټ یا ځواکمن تولید شوي غذايي خوراکونه ووېشل شي.
د یادې خبرپاڼې له مخې؛ د څلورم او شپږم ټولګیو نجونو زدهکوونکیو ته به هم د نباتي غوړیو او نغدو پیسو مرسته ورکړ شي.
په افغانستان کې د خوراکي توکو د نړیوال پروګرام مشرې هسیائو ویلی وايي؛ دې بنسټ څه باندې دوه لسیزې وړاندې د ښوونځیو د تغذیې پروګرام پیل کړ، چې د خوړو خوندیتوب او ښه تغذیه له پوهنې سره ونښلول شي.
د نوموړې د څرګندونو پر بنسټ، د خوړو نړيوال پروګرام تېر کال په ښوونځيو کې له یو اعشاریه پېنځه ميليون ماشومانو سره مرسته کړې او اروپايي ټولنه د دې مرستې مهم ونډوال شمېرل شوى دى.
دا په داسې حال کې ده، چې اروپايي ټولنې له دې مخکې هم د افغانستان د ښوونځیو د ښوونیز چاپېریال په ښه کولو کې مرسته کړې ده.
-
تازه خبرونه4 days ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
لوبی5 days ago
د ۲۰۲۴ شل اوریز نړیوال جام سیالیو ټولې لوبډلې په ډاګه شوې
-
سیمه ییز خبرونه3 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ3 days ago
په رفح کې پر اسرائيلي بريدونو لسګونه فلسطينيانو ووژل شول
-
لوبی5 days ago
افغانستان د ۲۰۲۴ فوټسال نړیوال جام په C ګروپ کې راغی
-
تازه خبرونه3 days ago
له نړۍ سره د اسلامي امارت تعامل وارزول شو
-
تازه خبرونه5 days ago
افغانستان دې د تحریک طالبان پاکستان مشران راوسپاري – محسن نقوي
-
نړۍ2 days ago
اسرائیلي ځواکونو د غزې او مصر د پولې کنټرول هم تر لاسه کړ