Connect with us

تازه خبرونه

د جګړې له کبله د اګست په ۹ ورځو کې د ۴۰۴۲ ټپیانو درملنه شوې – د سره صلب کمېټه

Published

 on

(Last Updated On: زمری ۱۹, ۱۴۰۰)

د سره صلیب نړیواله کمېټه وايي، د روانې اګست میاشتې له لومړۍ نېټې څخه بیا تر دا مهاله یې په افغانستان کې د جګړې د څه باندې ۴۰۰۰ ټپيانو درملنه کړې ده.

د سره صلیب نړیوالې کمیټې (آی سي آر سي) نن (سې شنبه د زمري ۱۹) په ډاګه کړې، چې په تېرو ۹ ورځو کې یې د روانې جګړې له ۴۰۰۰ ډېر کسان تر درملنې لاندې نیولي دي.

د سره صلیب کمېټې څرګنده کړې؛ د اګست له لومړۍ نېټې څخه په ۱۵ روغتیایي مرکزونو کې د ۴۰۴۲ ټپیانو درملنه شوې، چې پر وسلو لګېدلي او دا په افغانستان کې د تاوتریخوالي زور ښيي.

د سره صلیب نړیوالې کمېټې همدارنګه په ډاګه کړې؛ په تېره جولای میاشت کې له ۱۳۰۰۰ ټپیانو سره مرسته شوې وه.

د آی سي آر سي د څرګندونو له مخې؛ په وروستیو څو ورځو کې د کندوز او لښکرګاه د ښارونو له جګړو  سلګونه ملکي وګړي ټپیان شوي، برښنا یې پرې شوې او د اوبو رسولو شبکې هم زیانمنې شوې دي.

سره صلیب زیاته کړې؛ له جنګ ځپلیو ښارونو ګڼې کورنۍ د کورونو پرېښودوته اړ دي؛ خو د وتلو امکانات نلري.

د سره صلیب نړیوالې کمیټې د جګړې له ښکېلو اړخونو غوښتي، چې ځانونه له زغم برخمن کړي؛ د ملکي وګړیو، استوګنځیو او روغتونونو خوندیتوب ته ډېر پام راواړوي.

دې کمېټې د جګړې پر ښکېلو اړخونو غږ کړې؛ آی سي آر سي او افغان سرې میاشتې ټولنې ته اجازه ورکړئ، چې ټپیان له سیمو ولېږدوي او اړمنو کسانو ته بېړنۍ مرستې ورسوي.

دغه راز تېره ورځ د ملګرو ملتونو د ماشومانو د ملاتړ صندوق یا یونیسف څرګنده کړې، چې په تېرو ۷۲ ساعتونو کې د افغانستان لږ تر لږه ۲۰ ماشومان وژل شوي او ۱۳۰ نور ټپیان دي.

د امریکایي او ناټو ځواکونو د وتلو له وروستي کېدو سره  طالبانو د ستراتیژیکو او ګټورو سرحدي بندرونو په ځانګړي توګه له پاکستان سره نږدې د سپین بولډک څارنه خپله کړې او د ځینو سرچینو د څرګندونو له مخې د ۶ ولایتونو مرکزونه هم وسلوالو طالبانو نیولي او پر نورو ښارونو جګړه روانه ده. 

تازه خبرونه

د داعش پر یوه پټنځي د برید پر مهال درې مهم داعشیان ووژل شول: مجاهد

Published

on

(Last Updated On: وری ۲, ۱۴۰۲)

د اسلامي امارت ویاند ذبیح الله مجاهد ویلي؛ د سې شنبې پر شپه په کابل کې د یو لړعملیاتو پر مهال د داعش درې مهم غړي وژل شوي دي.

د اسلامي امارت ویاند ذبیح الله مجاهد تویت کړې؛ تېره شپه د کابل ښار د ۱۲ حوزې د بتخاک څلورلاري په اړوند سیمه کې د داعش پر پټنځي عمليات وشول؛ د داعشيانو درې مهم غړي وژل شوي؛ وسلې، لاسي بمونه، چاودېدونکي توکي، ډېر شمېر ريموت او د ماين جوړونې وسايل ونیول شول.

د مجاهد په وینا؛ داعش له دغه پټنځي څخه په کابل ښار کې د بریدونو لپاره کار اخیستی او پلان یې درلود، چې د روژې په مبارکه میاشت کې مقدس ځایونه او ملکي وګړي ووژني.

مجاهد وايي، په دې عملیاتو کې ملکي وګړیو او مجاهدینو ته کوم ځاني زیان ندی اوښتی.

دا په داسې حال کې ده، چې د افغانستان اسلامي امارت د بهرنیو چارو وزیر مولوي امیرخان متقي په دې وروستیو کې له دولتي تلویزون RTA سره په مرکه کې ویلي وه، چې داعش په هېواد کې د پښې ایښودو نه لري او دا، چې په افغانستان کې د دغې ډلې لخوا کوم برید ترسره کیږي؛ له بهره واردیږي.

د نوموړي د څرګندونو له مخې؛ دا د ویاړ خبره ده، چې افغانان په خپلو کې کومه ستونزه نلري.

Continue Reading

تازه خبرونه

د تېرې شپې زلزلې لږ تر لږه ۱۳ کسان مړه کړي، چې څلور یې په افغانستان کې دي

Published

on

(Last Updated On: وری ۲, ۱۴۰۲)

د رویتر د څرګندونو له مخې؛ په افغانستان او پاکستان کې د سې شنبې پر شپه ۶.۵  درجې زلزلې له کبله لږ تر لږه ۱۳ کسان مړه شوي او له ۹۰ ډېر نور ټپیان دي.

رویترز fI nH’I  کړې؛ د پاکستان په شمال لویدیځ کې لږ تر لږه ۹ کسان مړه شوي او ۴۴ نور ټپیان دي.

د پاکستان یوه حکومتي چارواکي ویلي، د خیبر پښتونخوا ایالت په شمالي روغتونونو کې بېړنی حالت اعلان شوی دی.

د افغانستان د روغتیا وزارت چارواکي وايي، لږ تر لږه څلور کسان په افغانستان کې وژل شوي او ۷۰ نور ټپیان دي.

د اسلامي امارت د ویاند مرستیال بلال کریمي د عامې روغتیا وزارت د څرګندونو له مخې په ډاګه کړې، چې د تېرې شپې د زلزلې له کبله په ټول هېواد کې لږ تر لږه ۷۰ کسان ټپیان شوي او ۴ نور مړه دي.

چارواکو ویلي، په دواړو هېوادونو کې کورونو او ودانیو ته هم زیان اوښتی دی.

د اروپا د مدیترانې د زلزلې ثبتولو مرکز ویلي؛ دا زلزله د ۱۰۰۰ کیلومترو پر پراخوالي د پاکستان، هند، ازبکستان، تاجکستان، قزاقستان، قرغزستان، افغانستان او ترکمنستان شاوخوا ۲۸۵ میلیون وګړیو احساس کړې ده.

د امریکا د ځمکپوهنې ادارې د څرګندونو له مخې؛ د زلزلې مرکز د هندوکش د غرونو  شمال ختیځ بدخشان ولایت د جرم کلي جنوب ختیځ ته په ۴۰ کیلومترۍ کې ښودل شوی، چې ژوروالی یې ۱۸۷ کیلومتره اټکل شوی دی.

د پاکستان په خېبر پښتونخوا ایالت کې لوړپوړي چارواکي عبدالباسط ویلي، پر مړو او ټپیانو سربېره لږ تر لږه ۱۹ کورونه هم زیانمن شوي دي.

د افغانستان د طبیعي پېښو پر وړاندې د مبارزې وزارت ویاند شفیع الله رحیمي د سې شنبې پر ورځ ناوخته ویلي، چې په ختیځ ولایت لغمان کې د سېلابونو له کبله دوه کسان مړه شوي دي.

تېر کال د افغانستان په ختیځ کې د رښتر پر کچه ۶.۱ درجې زلزلې له ۱۰۰۰ ډېر کسان مړه کړل.

پر ۲۰۰۵ ز. کال د پاکستان په شمال کې  ۷.۶ درجې زلزلې لږ تر لږه ۷۳۰۰۰ کسان مړه کړي دي.

د لومړنیو معلوماتو له مخې؛ د پاکستان په سوات سمه کې زلزلې سخت مالي او ځاني زیانونه اړولي دي .

ویل کیږي، چې د آسیا د جنوبي برخې د زلزلو لړۍ د یوریشیا پر لوري د غزېدو په حال کې ده.   

Continue Reading

تازه خبرونه

قطر او افغانستان له ۳۰ زره افغان زده‌کوونکیو څخه د ملاتړ هوکړه لاسلیک کړه

Published

on

(Last Updated On: وری ۲, ۱۴۰۲)

د قطر پراختیایي وجهي صندوق (QFFD) د سې شنبې پر ورځ د اسلامي امارت د پوهنې وزارت له پلاوي سره په هېواد کې د ۳۰ زره زده‌کوونکیو د زده‌کړې د یوې پروژې د ملاتړ لپاره یو هوکړه لیک لاسلیک کړ.

دغه هوکړه لیک د قطر پراختیایي صندوق د عمومي رییس خلیفه بن جاسم الکواري او د پوهنې وزیر حبیب الله آغا حقاني ترمنځ د یوې غونډې پر مهال لاسلیک شو.

دراپورونو له مخې؛ د دې پروژې هدف د افغانستان په څو ولایتونو کې د ۳۰۰۰۰ زده‌کوونکیو، چې ۵۰ سلنه یې نجونې دي نوملیکنه ده، چې په څو ولایتونو کې خپلې لومړنۍ زده‌کړې بشپړې کړي.

دغه ګډه پروژه، چې درې کاله به روانه وي؛ د نجونو او معلولیت لرونکیو زده‌کوونکیو په ګډون به اکثره هغو ماشومان، چې په ښوونځیو کې ندي او اړمن پاتې دي برخمن شي.

دغه راز څرګنده شوې، چې کار او همغږي به د زده‌کړو د سیمه ییزو ټولګیو د جوړولو، رغونې او د روغتیا ساتنې اسانتیاو ته وده ورکولو لپاره ترسره شي.

دا به د ټولنې ښوونکیو لپاره روزنه هم چمتو کړي او نور ښوونکي به هم ورزیات کړي او د زده‌کوونکیو په نوملیکنه کې کلیدي شریکان ښکېلوي.

خلیفه بن جاسم الکواري ویلي: مونږ باور لرو، چې زده‌کړه د لږ پرمختللیو هېوادونو د سوکالۍ لپاره یو له مهمو ستنو څخه ده.

له بده مرغه نن په افغانستان کې ۳.۷ میلیون ماشومان له ښوونځیو بهر دي، چې ۶۰ سلنه یې نجونې دي.

هغه زیاته کړې: د دې هوکړې له مخې به مونږ ۳۰ زره نرینه او ښځینه زده‌کوونکي تر پوښښ لاندې راولو، چې ۵۰ سلنه به یې نجونې وي او دا زمونږ د لید یوه برخه ده، چې د ټولو لپاره ښوونې او روزنې ته له عادلانه لاسرسي ملاتړ وکړو.

Continue Reading

Trending

Copyright © 2022 Ariana News. All rights reserved!