Connect with us

نړۍ

د سریلانکا پارلمان د جولای پر شلمه ولسمشریزو ټاکنو ته چمتووالی نیسي

خپور شوی

د

(Last Updated On: چنګاښ ۲۱, ۱۴۰۱)

د سریلانکا پارلمان د سې شنبې پر ورځ په ډاګه کړه، چې د جولای پر شلمه د نوي حکومت مشران ټاکي؛ ځکه، چې مظاهره کوونکي به د ولسمشر او لومړي وزیر له کورونو تر هغې ونوځي، چې رسمي استعفا یې کړې نه وي.

اړوند سرچینې څرګنده کړې، چې پارلمان به د جمعې پر ورځ ولسمشرۍ ته له غوره شویو نوماندانو سره غونډه وکړي.

د سریلانکا ولسمشر ګوتابایا راجاپاکسا د شنبې پر ورځ اعلان وکړ، چې هغه او لومړي وزیر رانیل ویکرما سینګهـ غواړي، چې له اقتصادي بحران سره د مبارزې په اړه د لاریونوالو د غوښتنې له مخې استعفا وکړي، چې میلیونونه هېوادوال یې د خوراکي توکو، درملو او سون توکو په ګډون د اړتیا وړ نورو توکو د ارزانه تر لاسه کولو لپاره مبارزه وکړي.

تمه کیږي، چې راجاپاکسا به د چارشنبې پر ورځ استعفا وکړي او په رسمي بڼه یې ویکرما سینګهـ ته هم خبر ورکړ، چې هغه به د دوشنبې پر سهار استعفا کوي؛ خو ویکرما سنګهـ د خپلې استعفا نېټه اعلان کړې نده.

د اپوزیسیون مشران به د یکشنبې پر ورځ د راجاپاکسا او ویکرما سنګهـ له استعفا وروسته د ټول ګوندي حکومت پر جوړولو له ابیواردینا سره بحث او خبرې وکړي، چې د سریلانکا د اساسي قانون له مخې په لنډمهاله توګه د ولسمشرۍ دنده ترسره کوي.

د ویکرما سنګهـ دفتر د دوشنبې پر ورځ په ډاګه کړې؛ هغه له کابینې سره په غونډه کې هوکړه وکړه، چې د ټول ګوندي حکومت د جوړېدو لپاره به استعفا وکړي.

په لسګونه زره لاریون کوونکي د راجاپاکسا په دفتر او استوګنځي  کې دننه او بهر لیدل کیږي او داسې انځورونه هم خپاره شوي، چې لاریونکوونکي د ولسمشر په شخصي حوض کې لامبو وهي.

د سي ان ان د راپور له مخې؛ د سریلانکا وسلوالو ځواکونو راجاپاکسا په سمندري کښتۍ کې مخکې له دې، چې لاریونوال وردننه شي؛ ځای پر ځای کړ او دا مهال له کولمبو سره نږدې د هېواد په ځمکنیو اوبو کې تم دی.

د ویکرما سینګهـ دفتر هم د دوشنبې پر ورځ د نورو جزئیاتو له ورکولو پرته وویل، چې لومړی وزیر هم خوندي دی.

نړۍ

اروپايي ټولنې روسي رسنۍ هم د بندیزونو په نوملړ کې ورزیاتې کړې

Published

on

(Last Updated On: غویی ۲۷, ۱۴۰۳)

د اروپایي ټولنې هېوادونو د چارشنبې پر ورځ هوکړه وکړه، چې د روسیې څلور دولتي رسنۍ پر تبلیغاتي هڅو تورنې کړي او د دې ټولنې د بندیزونو لاندې ادارو په نوملړ کې یې شاملې کړي؛ ځکه، چې کرملین په مسکو کې لویدیځ خبریالان ګواښلي دي.

د اروپایي ټولنې د ارزښتونو او روڼتیا کمیشنر ورا جوروا په ایکس پاڼه کې څرګنده کړې: د کریملین اړوند څلور تبلیغاتي شبکې هره یوه د اروپا غږ، ریانووستی، ایزویستیجا او روسیسکایا ګزیته د بندیزونو په نوملړ کې اضافه شوې دي.

په نوملړ کې راغلې خپرونو او ورځپاڼې آنلاین رسنۍ دي.

روسیې له دې مخکې اروپايي ټولنې ته د دغې هڅې په اړه  خبرداری ورکړی و.

د روسیې بهرنیو چارو وزارت ویاندې ماریا زاخارووا ویلي، کرملین به په مسکو کې له لویدیځو خبریالانو خپل غچ واخلي.

زاخارووا ویلي: که دا اقدامات د روسیې د رسنیو او روسي ژورنالیستانو په وړاندې ترسره شي؛ نو سره له دې، چې لویدیځ خبریالان یې نه غواړي بیا به هم زمونږ د غچ اخیستونکيو هڅو احساس وکړي.

هغې زیاته کړې: مونږ به لویدیځ ته چټک او دردوونکی ځواب ورکړو.

د رویټرز د راپور له مخې؛ اروپايي ټولنې سمدستي پر هغو هڅو څه ندي ویلي، چې په رسنیو کې پلي کیږي؛ خو رسنیو په اروپایي ټولنه کې خپل رسنیزحقونه له لاسه ورکړي دي.

Continue Reading

نړۍ

انټوني بلینکن اوکراین ته رسېدلی

Published

on

(Last Updated On: غویی ۲۵, ۱۴۰۳)

د امریکا بهرنیو چارو وزیر انټوني بلینکن د سې شنبې پر ورځ (د غویی پر پېنځه‌ویشتمه) پر یوه ناڅاپي سفر د اوکراین کیف ته رسېدلی دی. دا په داسې حال کې ده، چې د دې هېواد  کانګرس تېره میاشت ورته د ۶۱ میلیارډ ډالرو پوځي مرستې ومنلې.

د رویټرز د راپور له مخې؛ ادعا شوې، چې د دې سفر موخه له اوکراین سره پیوستون او د دې هېواد په شمال ختیځه پوله کې د روسیې له درندو بمباریو سره په مبارزه کې د امریکا ملاتړ دی.

یو امریکايي چارواکي، چې  انټوني بلینکن له سفره خبر و؛ ویلي: هیله من دی، چې بهرنیو چارو وزیر اوکراینیانو ته په دې سفر کې، چې له سختو شرایطو سره مخ دي؛ ډاډمن زیری ولري.

د رویټرز خبري اژانس د راپور له مخې دې امریکايي چارواکي ویلي: اوکراین ته د بهرنیو چارو وزیر تګ په دې راڅرخیږي، چې څنګه خپلې اضافي مرستې داسې پلي کړي، چې د کیف دفاعي ځواکونه ډاډمن اوپیاوړي کړي او هغوی ته دا وړتیا ورکړي، چې د جګړې په ډګر کې خپل نوښت بېرته ترلاسه کړي.

له دې مخکې د امریکا ولسمشر جوبایډن کیف ته د ۴۰۰ میلیون ډالرو پوځي مرستې د استولو امر کړی و.

د پنټاګون د څرګندونو له مخې؛ د بایډن د ولسمشرۍ له پیل راپدیخوا امریکا اوکرایین ته د ۵۱ اعشاریه ۳ میلیار ډالرو څخه زیاتې امنیتي مرستې ځانګړې کړې، چې د روسیې د برید له پیله ۵۰ اعشاریه ۶ میلیارډ ډالر ورکړ شوي دي.

څو ساعته مخکې د سپینې ماڼۍ د ملي امنیت سلاکار جیک سالیوان په یوه خبري ناست کې کیف ته د واشنګټن د پوځي مرستو په بڼه د وسلو د یوې نوې ټولګې د استولو، چې سر له ننه به امریکا هره اوونۍ اوکراین ته د وسلو لېږل ترسره کوي.

دغه راز لکه څنګه، چې اوس په جګړه کې د تېر پر پرتله د روسیې پر پرمختګ اندېښنې زیاتې شوي او اوکراین هم منلې، چې روسي ځواکونو د دوشنبې پر ورځ د خارکوف په سیمه کې پرمختګ ته وکړ او تاکتیکي بریا یې ترلاسه کړه.

دا په داسې حال کې ده، چې د روسیې ولسمشر ولادیمیر پوتین د دغه هېواد دفاع وزارت ته نوی وزیر معرفي کړی دی.

Continue Reading

نړۍ

په برازیل کې د سیلابونو له کبله د مړو شویو شمېر ۱۴۳ کسانو ته پورته شو

Published

on

(Last Updated On: غویی ۲۴, ۱۴۰۳)

د رویټرز د راپور له مخې؛ د یکشنبې پر ورځ د برازیل چارواکو ویلي، چې په ریو ګرانډ دو سول ایالت کې د سختو بارانونو له کبله د مړو شمېر له ۱۳۶ څخه ۱۴۳ ته لوړه شوی، ۱۲۵ کسان ورک دي او هوا پېژندنې هم وضعیت د اندېښنې وړ یاد کړی دی.

د شنبې پر ماښام حکومت له روان ناورین سره د مبارزې لپاره شاوخوا ۱۲ اعشاریه یو میلیارډ ریال ( ۲ اعشاریه ۳۴ میلیارډ ډالر) بېړنی لګښت اعلان کړ. دغه راز ویل کیږي، چې د شاوخوا ۱۰ اعشاریه ۹ میلیون وګړو څخه په دې ایالت کې له ۵۳۸ زره ډېر خلک بې ځایه شوي دي.

فډرالي حکومت د شنبې پر ورځ ویلي وه، چې پر دې پیسو سربېره ۶۰ میلیارډ ریال له دې مخکې ورته چمتو شوې وې.

د برازیل ولسمشر لویز اناسیو لولا داسلوا په ایکس پاڼه کې څرګنده کړې؛ دولت به هغه څه بیا جوړ کړي، چې ویجاړ شوي دي.

لولا د مور د ورځې نمانځغونډې ته د خپلو خبرو پر مهال ویلي: مونږ پوهیږو، چې هرڅه بېرته نشي ترلاسه کیدی؛ میندو خپل ماشومان له لاسه ورکړي او ماشومانو خپلې میندې له لاسه ورکړي.

د شنبې پر ورځ د امریکا ولسمشر جو بایډن ویلي، چې اداره یې د مرستې چمتو کولو لپاره د برازیل له حکومت سره په اړیکه کې ده.

بایډن وایي: مونږ هغو خلکو ته دعا کوو، چې له دې ناورینه اغېزمن شوي. مونږ لومړني مرسته کوونکي یوو، چې د کورنیو او افرادو د ژغورنې لپاره طبي چمتووالی وړاندې کوو.

د یکشنبې پر ورځ نور باران وشو او د دوشنبې پر ورځ هم وړاندویېنه شوې ده.

رویټرز راپور ورکړی، چې د بارانونو له پیل څخه لږ څه دوه اوونۍ وروسته دا ایالت یوځل بیا د پلازمېنې پورټو الګر سره نږدې په ګیبا جهيل کې د اوبو د کچې د بیا لوړیدو له خطره خبرداری ورکړ شوی دی.

دا ایالت د استوایي او قطبي اتموسفیر ترمنځ د راتلو او سختو بارانونو ښکارندویي کوي.

سیمه‌ییز ساینس پوهان په دې باور دي، چې دا وضعیت د اقلیم د بدلون له کبله رامنځته شوی دی.

Continue Reading

Trending

Copyright © 2022 Ariana News. All rights reserved!