Connect with us

تازه خبرونه

د سولې مرکچي پلاوی د قطري مشرانو له تاوده هرکلي سره مخ شو

Published

 on

(Last Updated On: وږی ۲۱, ۱۳۹۹)

د ملي پخلاینې عالی شورا د مشر داکتر عبدالله عبدالله په مشرۍ د سولې مرکچي پلاوی د قطر پلازمېنې دوحې ته رسیدلی او د دغه هېواد په هوایي ډګر کې د ځایي چارواکو له تاوده هرکلي سره مخ شو.

دغه پلاوي په بهرنیو چارو کې د قطر د دولت له وزیر سلطان بن سعد المریخي سره ولیدل. 

د ملي پخلاینې عالي شورا مشر عبدالله په خپل یوه لنډ تویت کې څرګنده کړې، چې د افغانستان د سولې د خبرو اترو د پیل په مراسمو کې د ګډون لپاره د قطر دوحې ته راغلی یم. زه به  د افغانانو د خپلمنځي خبرو د پرانیستې په مراسمو کې ګډون او خبرې وکړم او د کوربه هېوادونو له مشرانو، استازیو او د افغانانو د ناستې له برخوالو هېوادونو له استازیو سره هم ووینم.

د راپورونو له مخې؛ د افغانانو د خبرو په دې پرانستونکې ناسته کې به د شنبې پر ورځ د هند او ګاونډ هېوادونو په ګډون لږ تر لږه د ۳۰ هېوادونو استازي ګډون وکړي.

تازه خبرونه

د اطلاعاتو او فرهنګ د وزیر د سفر بندیز لنډمهاله لرې شو

Published

on

(Last Updated On: ليندۍ ۱۴, ۱۴۰۱)

د ملګرو ملتونو امنیت شورا د اطلاعاتو او فرهنګ پر وزیر خیرالله خیرخواه د لس ورځو لپاره د سفر بندیز لرې کړ.

د دغه حکومتي چارواکي د سفر معافیت د پنجشنبې پر ورځ د لیندۍ له ۱۰ څخه تر ۱۹ نېټې پورې وضع شوی، چې نوموړی وکولی شي د روسیې د تاتارستان جمهوریت پلازمېنې کازان ښار ته سفر وکړي.

د ملګرو ملتونو د امنیت شورا د خبرپاڼې له مخې؛ د اطلاعاتو او فرهنګ وزیر خیرالله خیرخواه به د نړۍ د فرهنګي میراثونو د ساتنې د کنوانسیون د پنځوسمې کلیزې په مناسبت په یوه نړیوال فورم کې ګډون وکړي.

په همدې حال کې د اطلاعاتو او فرهنګ وزارت ويلي، چې د اوس لپاره تاتارستان جمهوریت ته د خیرالله خیرخواه سفر ځنډېدلی دی.

Continue Reading

تازه خبرونه

آلمان به سږ کال شاوخوا یو اعشاریه دوه میلیون مهاجر ومني

Published

on

(Last Updated On: ليندۍ ۱۴, ۱۴۰۱)

د یکشنبې پر ورځ آلمانۍ خپرونې ولت ام سونتاګ څرګنده کړه، چې دا هېواد به سږ کال ټولټال ۱.۲ میلیون مهاجر ومني؛ ځکه، چې د مهاجرت دا شمېر په ۲۰۱۵ ز. کال کې ۸۹۰ زره کسان ول.

د دې خپرونې له مخې؛ په ټاکلې موده کې له اوکراین څخه څه باندې یو میلیون کسان جرمني ته دننه شوي دي.

سربېره پر دې د اکتوبر میاشتې تر پایه پورې د سوریې، افغانستان، ترکیې، عراق او نورو هېوادونو له وګړیو څخه ۱۸۱۶۱۲ د پناه غوښتنلیکونه رارسیدلي دي.

دغې ورځپاڼې په ډاګه کړې؛ د جرمني چارواکي تمه لري، چې د روان کال تر پایه به دغه شمېر له ۲۰۰ زره هم واوړي.

دغې خپرونې د جرمني د چارواکو له خولې په ډاګه کړې، چې دغه سیمې د مهاجرو د منلو وروستۍ وړتیا ته رسیدلي دي.

دغو چارواکو ویلي، چې د مرستې غږ له ټول هېواده اورېدل شوی دی.

دغې خپرونې د چارواکو د څرګندونو له مخې دا خبره هم راخیستې، چې غیرقانوني کډوالۍ چټکه وده کړې ده.

Continue Reading

تازه خبرونه

انس حقاني او محمد یعقوب مجاهد په اماراتو کې له افغانانو سره وکتل

Published

on

(Last Updated On: ليندۍ ۱۴, ۱۴۰۱)

د یکشنبې پر ورځ په عربي متحده اماراتو کې د ملي دفاع وزیر او د اسلامي امارت لوړپوړي غړي انس حقاني د اماراتو له رییس شیخ محمد بن زاید آل نهیان سره وکتل.

د ملي دفاع وزارت په خبرپاڼه کې راغلي، چې په دې کتنه کې دواړو لوریو د امنیت، سیاست، اقتصاد، سوداګرۍ او بشري مسایلو په برخو کې د اړیکو پر پیاوړتیا او ګډې همکارۍ خبرې وکړې.

تېره ورځ ناوخته ملا محمد یعقوب مجاهد، انس حقاني او ورسره مل پلاوي یې په عربي متحده  اماراتو کې له یو شمېر مېشتو افغانانو سره وکتل او هغوی یې په افغانستان کې پانګونې ته وهڅول.

مجاهد له افغانانو سره په لیدنه کې ویلي، چې د عربي متحده اماراتو له لوړپوړیو چارواکو سره به د دواړو هېوادونو ترمنځ د اړیکو پر ښه کولو او د افغانانو پر وړاندې د شته ننګونو د اواري په اړه خبرې وکړي.

هغه وایي: که د ویزې ستونزه وي، د الوتنو ستونزې وي او یا د بندیانو ستونزه وي؛ مونږ به له اړوند چارواکو سره ووینو. حتا که په افغانستان کې دننه ستونزې وي. د بېلګې په توګه د پاسپورت ستونزې او یا نورې ستونزې. زه به هڅه وکړم، چې له ځنډ پرته دې ستونزو ته له خپل وس سره سم چلند وکړم.

هغه څرګنده کړې؛ مونږ باید له خپل ذهن څخه تبعیض لرې کړو؛ د نوي نسل په ذهنونو کې مونږ باید په یاد ولرو، چې ټول توکمونه د افغانستان اتباع دي او په افغانستان کې حقوق لري.

د مجاهد په وینا، افغانستان د ټولو افغانانو کور دی او دا، چې افغانان باید په خپل هېواد کې پانګونه وکړي او مونږ ټول باید د هېواد په آبادۍ او پرمختګ کې ونډه واخلو.

د افغانستان د اسلامي امارت جګپوړي غړي انس حقاني، چې په عربي متحده اماراتو کې دی؛ په دوبۍ کې مېشتو افغانانو ته ویلي، چې د اسلامي امارت د سفر موخه د دوی د ستونزو اوارول دي.

هغه وویل: اسلامي امارت پر اوږدمهاله پلانونو کار کوي؛ مونږ د الله په فضل او ملاتړ افغانستان جوړوو.

د هغه په ​​وينا، افغانستان اوس له جګړې راوتلى او په هېواد کې امنيت دى.

په همدې حال کې د اسلامي امارت ویاند ویلي چې دغه پلاوی به د اماراتو له مشرتابه سره په یو لړ مسایلو خبرې وکړي.

متحده عربي اماراتو ته د اسلامي امارت د پلاوي له سفر سره هممهاله پخوانی ولسمشر حامد کرزی هم اماراتو ته تللی او ابوظبي ته د افغانستان لپاره د امریکا د بهرنیو چارو وزارت د ځانګړي استازي توماس ویست د اته ورځني سفر راپورونه هم خپاره شوي دي.

Continue Reading

Trending

Copyright © 2022 Ariana News. All rights reserved!