Connect with us

تازه خبرونه

د میدان وردګ د پولیسو قومندان لویې څارنوالۍ ته وروپېژندل شو

Published

 on

(Last Updated On: سلواغه ۲۰, ۱۳۹۹)

د کورنیو چارو وزارت ویلي، چې د میدان وردګ د امنیه قومندان الله داد فدايي دنده د دې ولایت په بهسود ولسوالۍ کې د خونړۍ پېښې په تړاو ځنډول شوې او هغه یې لویې څارنوالۍ ته ورپېژندلی دی.

لس ورځې مخکې د بهسود ولسوالۍ یو شمېر اوسیدونکیو په ولسوالۍ کې د ځانګړیو ځواکونو د اوږده  شتون له کبله اعتراضي لاریون پیل کړ؛ خو لاریون پر تاوتریخوالي واوښت او ځانګړیو ځواکونو هم پرې ډزې وکړې.

له پېښې سمدستي وروسته  کورنیو چارو وزارت څرګنده کړه، چې نامسوولو وسلوالو پر دولتي ځواکونو ډزې کړي؛ خو اوس، چې د حقیقت موندنې ماموریت موندنې عامې شوې وزارت وایي، چې لاریون کوونکي بې وسلې ول.

کورنیو چارو وزارت تائید کړې، چې د بهسود ولسوالۍ په پېښه کې ۱۱ ملکي وګړي وژل شوي او ۳۱ نور ټپیان دي.

په پارلمان کې د د دې ولایت استازيو ويلي، چې د تلفاتو شمېر له دې ډېر و.

د میدان وردګ ولایت استازي حکومت تورنوي، چې د بهسود ولسوالۍ پېښه سیاسي کوي او غواړي، چې یوې ډدې ته یې کړي؛ خو کورنیو چارو وزارت ویلي، چې پېښه به په بشپړ ډول وڅېړل شي او عدالت به هم پلی شي.

په بهسود ولسوالۍ کې پر تاوتریخوالي د لاریون په اوښتو کې د سیمه ییز قومندان علی پور نوم هم اخیستل شوی و؛ خو اوس د کورنیو چارو وزارت په خبرپاڼه کې د حقیقت موندنې د ماموریت له موندنو وروسته ان د علي پور نوم هم اخیستل شوی ندی.

تازه خبرونه

افغانستان او پاکستان د تګ راتګ د اسانتیا لپاره پر کاري ډلې جوړولو هوکړه وکړه

Published

on

(Last Updated On: غبرګولى ۷, ۱۴۰۲)

د افغانستان اسلامي امارت د بهرنیو چارو وزارت څرګنده کړې، چې د دواړو هېوادونو ترمنځ د وګړیو د تګ راتګ د اسانتیا لپاره به د دغه وزارت قونسلي ریاست او په کابل کې د پاکستان سفارت تر منځ یوه ګډه کمیته جوړه شي.

د دغه وزارت د معلوماتو له مخې؛ د دې کمیتې د جوړېدو هوکړه د شنبې پر ورځ ( د غبرګولي ۶ ) د افغانستان د بهرنیو چارو د وزیر امیرخان متقي او په کابل کې د پاکستان سفارت د چارسمبالي عبیدالرحمن نظاماني ترمنځ په کتنه کې وشوه.

د بهرنيو چارو وزارت د ویاند مرستيال حافظ ضياء احمد تکل څرګنده کړی، چې د اسلامي امارت د بهرنيو چارو وزير پر غوښتنه او ټينګار د دغې کمیتې پر جوړېدو هوکړه شوې ده.

حافظ ضیا احمد تکل په ډاګه کړې: د پاکستان سفارت چارسمبالي د هغو پاکستانيو محصلینو لپاره، چې افغانستان ته د زده‌کړو لپاره راځي؛ د ویزې د وخت غزولو غوښتنه وکړه.

د بهرنیو چارو وزارت د ویاند مرستیال د څرګندونو له مخې؛ متقي په دې برخه کې د اسلامي امارت له همکارۍ ډاډ څرګند کړ.

ویل کیږي، چې د دواړو هېوادونو تر منځ پر ګنو نورو دوه اړخیزو مسایلو هم خبرې شوي او د متقابلو اغېزمنو همکاریو پر دوام ټینګار شوی دی.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: غبرګولى ۷, ۱۴۰۲)

د امریکا د ځمکپوهنې ادارې په ډاګه کړې؛ د یکشنبې پر ورځ  ۱۰:۱۹ د افغانستان په شمال ختیځ کې د رښتر پر کچه ۵ اعشاریه ۲ درجې زلزله رامنځته شوه، چې مرکز یې د جرم ولسوالۍ سهیل ختیځ لوري ته په ۳۶ کیلومترۍ کې دی.

د زلزلې ټکانونه د هند، پاکستان او جنوبي تاجکستان په ګډون په ټوله سیمه کې احساس شوي دي.

تر اوسه د زلزلې له کبله د ځاني او مالي زیان په اړه راپورونه  ورکړ شوي نه‌دي.

Continue Reading

تازه خبرونه

له تېرې یوې میاشتې راپدیخوا په افغانستان کې د طبیعي پېښو له کبله ۴۲ کسان مړه شوي

Published

on

(Last Updated On: غبرګولى ۷, ۱۴۰۲)

د طبیعي پېښو پر وړاندې د مبارزې وزارت وايي، له تېرې یوې میاشتې راپدیخوا د افغانستان په ۱۳ ولایتونو کې د طبیعي پېښو له کبله لږ تر لږه ۴۲ کسان مړه او ۴۵ نور ټپیان شوي دي.

د دغه وزارت ویاند شفیع الله رحیمي په په ډاګه کړې؛ دغه راز۳۴۱ کورونه بشپړه یا جزوي ویجاړ شوي، ۱۹۵۷۳ جریبه کرنیزه ځمکه او بڼونه ویجاړ شوي دي.

د رحيمي د څرګندونو له مخې، د دغو پېښو له کبله په يادو ولايتونو کې ١٣٥٤ څاروي له منځه تللي دي.

د يادونې ده، چې دغه پېښې په کاپيسا، ميدان وردګ، تخار، بدخشان، غور، کندهار، کونړ، نورستان، لغمان، پکتيا، خوست، دايکندي او ننګرهار ولايتونو کې رامنځته شوې دي.

Continue Reading

Trending

Copyright © 2022 Ariana News. All rights reserved!