Connect with us

تازه خبرونه

د ننګرهار خبریالې ملالې میوند وژنې کورني او بهرني غبرګونونه راوپارول

خپور شوی

د

د پنجشنبې پر سهار په ننګرهار کې د خبریالې ملالۍ میوند د وژنې خبر د رسنیو نړۍ غونی ځیږ کړ او د افغانستان خبریالانو خوندیتوب کمیټې خبرداری ورکړ؛ که د رسنیو د کارمندانو هدفي وژنې ونه دریږي، نو افغانستان به د تېرو ۱۹ کلونو خپله یوه لویه لاسته راوړنه( د رسنیو آزادي) له لاسه ورکړي.

ملاله میوند د پنجشنبې پر سهار د جلال آباد ښار د درېیمې ناحیې د غربانو په اړوند سیمه کې له خپل موټر چلوونکي سره په داسې حال کې، چې دندې ته روان ول ووژل شوه.

د افغانستان خبریالانو خوندیتوب کمیټې په یوه ټویټ کې څرګنده کړې؛ مونږ د خبریالانو د خوندیتوب لپاره له حکومت څخه پر خبریالانو د بریدونو د مخنیوي غوښتنه کوو.

دغه راز د نی بنسټ په افغانستان کې له آزادو رسنیو څخه ملاتړ کوونکې یوې نادولتي موسسې هم د ملالې میوند پر وژل کېدو خپل غبرګون په ډاګه کړی څرګندوي، چې ورته پېښې به هغه میرمنې هم وډاروي، چې غواړي په رسنیو کې کار وکړي.

نی هم له حکومته غوښتي، چې د پېښې عاملین وپېژني او عدالت ته یې وسپاري.

نی زیاته کړې؛ د ملالې میوند له وژنې سره سږکال په افغانستان کې د رسنیو د وژل شویو کارکوونکیو شمېر ۱۰ ته ورسېدو.

ولسمشر محمد اشرف غني هم پر ملالې میوند وسلوال ترهګریز برید غندلی او دا یې جنګي جنایت نومولی او وایي، چې ټولې امنیتي ادارې باید د پېښې کلکه پلټنه وکړي او عاملین یې محاکمه کړي.

په کابل کې د انګلستان سفیر الیسن بلاک هم د ملالې میوند وژنه په کلکه غندلې او څرګندوي: مونږ باید د رسنیو آزادۍ ته متحد شو؛ د دوی مرګونه باید وڅېړل شي او وژونکي یې باید پدې ناوړه عمل له عدالت سره مخ شي.

په افغانستان کې د ډنمارک سفیر میټ کونډسن هم د برید په اړه په خواشینوونکې توګه غبرګون وښود او ویې ویل: د ژورنالیستانو وژنه یو وحشي جنایت دی، چې غواړي انتقادي غږونه غلي کړي. دا عمل باید د ټولو لخوا وغندل شي. راځئ، چې د رسنیو د آزادۍ ملاتړ ته متحد شو.

په افغانستان کې اروپايي اتحادیې هم په ډاګه کړې او د ملالې میوند وژنه یې وغندله. اروپايي اتحادیې ویلي، چې د برید په اړه خواشیني او په غصه دي. د رسنیو پر استازیو بریدونه د بیان پر آزادۍ بریدونه دي او هیڅکله یې زغملی نشي.

په کابل کې د امریکا سفارت چارسمبالي راس ویلسن هم پر ښځینه خبریالې ملالې میوند برید غندلی او وایي، چې زه د ملالۍ میوند وژنه غندم … مونږ باید د رسنیو آزادي وساتو. دا بریدونه باید سمدلاسه ودریږي او وژونکي یې عدالت ته راکښل شي.

سیمه ییز چارواکي تائیدوي، چې ملاله میوند په ننګرهار کې د انعکاس راډیو او ټلویزیون خبریاله وه، چې نن سهار شاوخوا ۷ بجې له موټر چلونکي سره د ناڅرګندو وسلوالو پر ډزو ووژل شول.

تر اوسه کومې هیچا د برید مسوولیت پر غاړه ند دی اخیستی.

د کورنیو چارو وزارت ویاند طارق آرین د ملالې میوند پر وژنه غبرګون څرګند کړ او وایي، چې له بده مرغه په ​​تېره یوه نیمه لسیزه کې د خبریالانو لویه برخه د طالبانو لخوا وژل شوې ده.

تازه خبرونه

له افغانستان سره عملي او رغنده تعامل؛ د یوناما بنسټیزې هڅې او سیمه‌ییزه همکاري

د ډیپلومات ورځپاڼې د راپور له مخې؛ یوناما په دې بهیر کې مرکزي رول لوبوي او د واکمنو او نړیوالې ټولنې ترمنځ د ډیپلوماټیک منځګړيتوب هڅې تر سره کوي.

Published

on

د ۲۰۲۱ ز.کال له بدلونونو نږدې پېنځه کاله وروسته، د افغانستان په اړه د نړیوالې ټولنې په چلند کې څرګند بدلون رامنځته شوی او د انزوا پر ځای عملي تعامل ورته د پام وړ ګرځېدلی دی.

د ډیپلومات ورځپاڼې د راپور له مخې؛ یوناما په دې بهیر کې مرکزي رول لوبوي او د واکمنو او نړیوالې ټولنې ترمنځ د ډیپلوماټیک منځګړيتوب هڅې تر سره کوي.

یوناما د ملګرو ملتونو د امنیت شورا تر څار لاندې پر درې بنسټیزو برخو راڅرخیږي؛ سیاسي تعامل، پر بشري حقونو څار او د بشري مرستو همغږي. په داسې حال کې، چې افغانستان له جدي اقتصادي او ټولنیزو ننګونو سره مخ دی.

د ملګرو ملتونو چارواکي ټینګار کوي؛ اوسنيو شته واقعیتونو ته پر پاملرنه، تعامل یوازنی عملي غوراوی دی. بندیزونه په ټوله کې ځانګړي اشخاص پر نښه کوي؛ خو د نړیوالې پېژندنې نشتوالی د پانګونې او اوږدمهاله پراختیا مخه نیسي.

سیمه‌ییزه همکاري په ځانګړي توګه له منځنۍ آسیا سره اړینه شوې؛ د سیمې هېوادونو د بشري لوژستیک، سوداګرۍ او بنسټیزو اړیکو په برخو کې خپل رول پراخ کړی او د ازبکستان ترمذ ښار د مرستو رسولو لپاره یو اړین مرکز ګرځېدلی دی.

په دې توګه د یو ګډ نړیوال چوکاټ رامنځته کېدا اوس هم ننګونکې ده؛ ځکه، چې د نړیوالو، سیمه‌ییزو او افغان چارواکو ترمنځ بېلابېل لیدلوري شتون لري.

یوناما ټینګار کوي، چې د باور له نشتوالي سره – سره د خبرو اترو لارې خلاصې پاتې دي.

دغه راز د سیمه‌ییز پرمختګ لپاره یو پراخ جوړښت هم مخ پر ښکاره‌کېدا دی. د دوامداره پراختیایي اهدافو لپاره د ملګرو ملتونو سیمه‌ییز مرکز پر ۲۰۲۵ ز. کال په الماتا کې د انټونیو ګوټرش او قاسم-جومارت توکایوف پر ملاتړ پرانیستل شو، چې موخه یې په منځنۍ آسیا کې پر اوږدمهاله لومړیتوبونو تمرکز دی.

په ټولیزه توګه دا بدلونونه له افغانستان سره د تدریجي او منظم تعامل پر لوري د چلند بدلون پر ګوته کوي او ښیي، چې نور دا هېواد د ګواښونو سرچینه نه‌، بلکې د فرصتونو د ځای په توګه لیدل کیږي.

Continue Reading

تازه خبرونه

افغانستان د غزې له خلکو سره  ۵۳۰ ټنه مرسته وکړه

د افغانستان بهرنیو چارو وزارت د خپرې شوې خبرپاڼې له مخې؛ د اسلامي امارت د رياست الوزراء پر حکم دغه مرستې د یوه پلاوي له‌خوا له پېر وروسته چمتو او د مصر عربي جمهوریت ته ولېږل شوې، چې د رفح بندر له لارې د فلسطين – غزې ته ورسېدې.

Published

on

د افغانستان اسلامي امارت د فلسطین د غزې ولس ته خپلې ۵۳۰ ټنه اړینې مرستې د مصر د رفح بندر له لارې رسولي، چې پر ۲۲زره کورنیو به ووېشل شي.

د افغانستان بهرنیو چارو وزارت د خپرې شوې خبرپاڼې له مخې؛ د اسلامي امارت د رياست الوزراء پر حکم دغه مرستې د یوه پلاوي له‌خوا له پېر وروسته چمتو او د مصر عربي جمهوریت ته ولېږل شوې، چې د رفح بندر له لارې د فلسطين – غزې ته ورسېدې.

د بهرنیو چارو وزارت د څرګندونو له مخې؛ د نږدې پېنځه سوه زره امريکايي ډالرو پر ارزښت ۵۳۰ ټنه خوراکي توکي او البسه په ٤٢ لاریو کي لېږل شوي، چې شاوخوا دوه ويشت زره کورنيو ته به ووېشل شې.

ویل کیږي، چې د بهرنیو چارو وزارت له اغېزناکو لوريو غوښتي؛ په غزه کې دې د اوربند د بنسټيزه کولو لپاره معنالرونکې هڅې تر سره کړي.

Continue Reading

تازه خبرونه

د روزګان په د هراود کې ٣ کسان د دوه ماشومانو د قتل پر تور ونیول شول

د روزګان ولایت د امنیه قومندانۍ ویاند بلال روزګاني آریانا نیوز ته ویلي؛ نن(سې‌شنبه د وري پېنځه‌ویشتمه)  د دهراود ولسوالۍ د امنیه قومندانۍ پولیسو د یادې ولسوالۍ د بازار د کلاچي په سیمه کي ٣ کسان له هغې وروسته ونیول، چي د یادې سیمې په یوه کور کې پرې له ٢ ماشومانو څخه د ژوند اخیستلو تور لګېدلی و.

Published

on

د روزګان ولایت پولیسو د دې ولایت د دهراود  ولسوالۍ د کلاچې د اړوند سیمې په یوه کور کې له دوه ماشومانو څخه د ژوند اخیستلو پر تور د درې کسانو له نیولو خبر ورکړی دی. 

د روزګان ولایت د امنیه قومندانۍ ویاند بلال روزګاني آریانا نیوز ته ویلي؛ نن(سې‌شنبه د وري پېنځه‌ویشتمه)  د دهراود ولسوالۍ د امنیه قومندانۍ پولیسو د یادې ولسوالۍ د بازار د کلاچي په سیمه کي ٣ کسان له هغې وروسته ونیول، چي د یادې سیمې په یوه کور کې پرې له ٢ ماشومانو څخه د ژوند اخیستلو تور لګېدلی و.

ویل کیږي، چې یاد کسان به له لومړنیو څېړنو وروسته اړوند عدلي او قضایي ارګانونو ته وسپارل شي.

Continue Reading
Advertisement

Trending

Copyright © 2025 Ariana News. All rights reserved!