Connect with us

تازه خبرونه

د کاسا-۱۰۰۰ پروژې پر ژر بشپړېدا ټینګار وشو

د افغانستان برښنا شرکت د څرګندونو له مخې، عبدالحق همکار د ۲۰۲۶ز.کال د اوکټوبر له اوومې څخه تر نهمې پورې په دغو ناستو کې له خپل تخنیکي او مسلکي پلاوي سره ګډون کړی دی.

خپور شوی

د

د افغانستان برښنا شرکت اجرائیوي رییس عبدالحق همکار د قرغزستان په پلازمېنه بشکیک کې د کاسا-۱۰۰۰ پروژې د ګډې کاري ډلې او د حکومتي ګډې شورا په ناستو کې د دې پروژې پر ژر بشپړېدا، اضافي مالي سرچینو برابرولو او ساختماني چارو چټکتیا ټینګار کړی دی.

د افغانستان برښنا شرکت د څرګندونو له مخې، عبدالحق همکار د ۲۰۲۶ز.کال د اوکټوبر له اوومې څخه تر نهمې پورې په دغو ناستو کې له خپل تخنیکي او مسلکي پلاوي سره ګډون کړی دی.

نوموړي د سیمه‌ییزې انرژۍ سوداګرۍ د پراختیا په برخه کې د کاسا-۱۰۰۰ پروژې سټراټیژیک اهمیت ته په نغوته کې د شته خنډونو لرې کول او د ګډو پرېکړو عملي کول د پروژې له اساسي لومړیتوبونو څخه بللي دي.

په دغو ناستو کې د غړو هېوادونو، نړیوال بانک او نورو تمویل‌کوونکو بنسټونو استازو د پروژې د ساختماني چارو پر پرمختګ، د مخابراتي سیګنال پیاوړتیا، د تکرار دستګاوو نصب او بشپړېدا، د پروژې عملیاتي چمتووالي او د فعالیت او ګټې اخیستنې مسوولیتونو ټاکلو خبرې کړې دي.

د ناستو ګډونوالو همدارنګه د څارنې او مخابراتي سیسټمونو او سوداګریزو فعالیتونو د پیل لپاره د اړینو اقداماتو په اړه د نظرونو تبادله کړې ده.

د افغانستان پلاوي د پاتې چارو د بشپړولو لپاره د اضافي مالي سرچینو پر برابرولو ټینګار کړی او د نړیوال بانک مسوولانو د اړتیا وړ مالي سرچینو د برابرولو د امکاناتو له ارزونې خبر ورکړی دی.

د افغانستان برښنا شرکت اجرائیوي رییس د افغانستان برښنا څانګو اوسنیو او راتلونکو اړتیاوو ته په پام، د سیمه‌ییزې همکارۍ پر پیاوړتیا او کاسا-۱۰۰۰ پروژې ژر بشپړېدا ټینګار کړی دی.

کاسا-۱۰۰۰ پروژه له مرکزي آسیا څخه افغانستان او پاکستان ته د برښنا د لېږد لپاره طرحه شوې ده. د دې پروژې بشپړېدل به د انرژۍ سوداګرۍ پراختیا او د سیمه‌ییزې برښنا د لېږد لپاره د افغانستان د دریځ پیاوړتیا ته زمینه برابره کړي.

تازه خبرونه

د اسلامي امارت استخباراتو پر شرعي چوکاټ ټینګار وکړ

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

Published

on

Last Updated on: لړم ۲۶, ۱۴۰۵

 

د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.

عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر له‌خوا ورته ځانګړي قوانین وضع شول.

نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.

دغه راز تاجمیر جواد ویلي: کله، چې امت د شرعي نظام د امامت له نعمت څخه بې‌برخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.

هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.

Continue Reading

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading
Advertisement

Trending

Copyright © 2026 Ariana News. All rights reserved!