Connect with us

لوبی

د کرکت نړیوال جام په درشل کې د درجه بندۍ د لومړي مقام خپلولو لپاره تودې هڅې روانې دي

خپور شوی

د

(Last Updated On: )

اوس، چې د اسیا جام سیالۍ پای ته رسېدلی؛ د ICC د نرینهوو کرکت نړیوال جام په پیل کې د یو ورځنیو لوبو د درجه بندۍ لپاره د لومړي مقام د ترلاسه کولو سیالي به په راتلونکیو څو ورځو کې نوره هم ګړندۍ شي؛ ځکه، چې له درې غوره لوبډلو څخه به دوه هغه په دوه اړخیزه سیریزه کې سره مخ کیږي.

پاکستان د ۲۰۲۳ کال د اسیا جام په وروستیو کې سره له دې، چې له ډګره ژر ووت او هند په فاینل کې د سریلانکا پر وړاندې ستره بریا ترلاسه کړه؛ خو اوس هم په لومړي مقام کې پاتې دی. استرالیا هم د سویلي افریقا سره د سیریز له ماتې وروسته په درجه بندۍ کې لومړي مقام ته د رسیدو فرصت له لاسه ورکړ.

آسترالیا په سیریز کې ۲-۰ مخکې وه؛ مخکې له‌دې، چې کوربه راستون شي او درې پرله‌پسې لوبې وګټي د یکشنبې پر ورځ یې سیریز خپله کړه.

د بنګله دیش پر وړاندې د هند ماتې په درجه بندۍ کې سر ته د رسیدو چانسونه ورته زیانمن کړل او حتا ریکارد ماتونکې بریا، چې یوازې په شپږ اوورونو کې د سریلانکا پر وړاندې سر ته ورسېده هم ونه‌شو وکولی، چې هغه د جدول سر ته ورسوي.

هغو لوبو ته یوه لنډه کتنه، چې هره لوبډله به د اکتوبر پر پېنځمه د نړیوال جام له پیل مخکې ولوبیږي.

آسترالیا

اوسنۍ درجه: درېیمه

اوسنۍ امتیاز: ۱۱۳

راتلونکې لوبې: هند (د سپتمبر ۲۲، سپتمبر ۲۴، سپتمبر ۲۷)

آسترالیا د سویلي افریقا څخه د سیریز له لاسه ورکولو وروسته نور د نړیوال جام په پیل کې لومړی نمبر نه‌لري. دوی به په دې لړۍ کې هند ته وایت واش کولو ته اړتیا ولري، چې نړیوال جام ته د لومړي نمبر لوبډلې په توګه ولاړه شي.

که آسترالیا له دوه بریاوو سره سیریز پیل کړي، دوی به لږ تر لږه تر وروستۍ یو ورځنۍ لوبې پورې د درجه بندۍ په سر کې پاتې وي.

د آسترالیا د درې شل اوریزو لوبو لړۍ به په هند کې وښیي، چې د نړیوال جام د پیل لپاره هند که آسترالیا له لومړیتوبه برخمن دي.

هندوستان

اوسنۍ درجه: دوه‌یمه

اوسنۍ امتیاز: ۱۱۵ (۱۱۴.۶۵۹)

راتلونکې لوبې: آسترالیا (د سپتمبر ۲۲، سپتمبر ۲۴، سپتمبر ۲۷)

که هند وکولی شي په کور کې د سپتمبر پر ۲۲ پیل کېدونکي سیریز وګټي؛ نو د جدول په سر کې به راشي. یعنې د لومړۍ یو ورځنۍ لوبې له ګټلو سره به هند پاکستان پر شاه وتمبوي او د کرکت په ټولو دریو بڼو کې به لومړی نمبر لوبډله شي.

د هند لوبډله کولی شي د جمعې پر ورځ د موهالي په لومړۍ یو ورځنۍ نړیواله لوبه کې آسترالیا ته پر ماتې ورکولو سره لومړی مقام ترلاسه کړي.

که هند د سیریز په ټولو لوبو کې له ماتې ډډه وکړي؛ خو بیا هم آسترالیا ته سیریزه له لاسه ورکړي، پاکستان به په نړیوال جام کې د مخکښه لوبډله پاتې شي. له بلې خوا استرالیا ته د ۳-۰ ماتې ورکولو سره به هند درېیم ځای ته راکښته شي او آسترالیا به په سر کې راشي.

پاکیستان

اوسنۍ درجه : لومړۍ

اوسنی امتیاز: ۱۱۵ (۱۱۴.۸۸۹)

راتلونکې لوبې: له نړیوال جام څخه مخکې هیڅ لوبه نه‌نشته.

د نړیوال جام په پیل کې د پاکستان د لومړي نمبر کیدو چانس هغه مهال ډېر کم شو، چې په اسیا جام په دوه‌یم  پړاو کې یې لوبه سریلانکا ته وبایلله.

سره له دې، چې د نړیوال جام له پیل مخکې د پاکستان لپاره کومه رسمي یو ورځنۍ لوبه نه‌ده ټاکل شوې. د تورنمنت په درجه بندۍ کې لومړي نمبر ته د ننوتلو هیلې به د هند او آسترالیا د لوبو له څرنګوالي تړاو پیداکوي.

که استرالیا او هند ماتې هم ومني، بیا هم کولی شي د لومړي مقام تر لاسه کړي؛ خو حقیقت دا دی، چې دواړه لوبډلې د میاشتې په پای کې یو له بل سره لوبه کوي. په‌دې معنی، چې یو له دوی څخه به یو ځل بیا لومړی مقام ترلاسه کړي.

افغانستان

افغانستان به په همدې حال کې د نړیوال جام په درجه بندۍ کې نهم نمبر ته لار پیدا کړي.

دا لوبډله په اسیا جام کې د سریلانکا د دوه منډو له بریا وروسته له لوبو ووته او سریلانکا یې دوه‌یم پړاو ته ورسوله.

خو له دې ماتې سره سم د ۲۰۲۳ کال نړیوال شل اوریز جام لپاره لوبډله اعلان شوه او په لوبډله کې یو مهم بدلون د نوین الحق دی، چې له اوږدې وقفې وروسته بېرته راستون شوی دی.

د چټک ټوپ اچوونکی نوین خپله وروستۍ یوه ورځنۍ لوبه د ۲۰۲۱ کال په جنورۍ کې کړې وه.

اوس به هغه له فضل الحق فاروقي، عبدالرحمن او عظمت الله عمرزي سره د چټک برید برخه جوړوي.

عمرزی، چې د اګست په میاشت کې د پاکستان پر وړاندې د افغانستان د یو ورځنیو لوبو پر مهال ټپي شو، د اسیا جام له لاسه ورکولو وروسته بېرته لوبډلې ته راستون شو.

په ورته وخت کې راشد خان به د قوي سپېن برید مشري وکړي، چې محمد نبي، مجیب الرحمن او نور احمد یې ملګري دي.

رحمان الله ګربز، ابراهیم ځدراڼ او رحمت شاه لومړي درجه توپ اچوونکي دي، چې لوبډلمشر حشمت الله شهیدي په څلورم نمبر کې ځای لري او نجیب الله ځدراڼ به منځنۍ درجه پیاوړې کړي.

ګلبدین نایب او شرف الدین اشرف، چې د افغانستان د اسیا کپ په لوبډله کې لوبېدلي؛ له فرید احمد ترڅنګ، چې د پاکستان پر وړاندې په سیریز کې یې ونډه لرله؛ د احتیطي لوبغاړو په توګه وپېژندل شي.

کریم جنت او محمد سلیم د اسیا جام دوه هغه لوبغاړي دي، چې د افغانستان د نړیوال جام له لوبډلې څخه په بشپړه توګه ایستل شوي دي.

افغانستان به د نړیوال جام سیالۍ د اکټوبر پر اوومه د بنګله دېش پر وړاندې په دھرم شالا کې پیل کړي. دوی له دې مخکې دوه تمریناتي لوبې لري؛ یوه د سپتمبر پر ۲۹ په تېرووانانتاپورم کې د سویلي افریقا پروړاندې او بله د اکتوبر پر ۳ په ګوهاتي کې د سریلانکا پروړاندې.

د ۲۰۲۳ کرکت نړیوال جام لیدو لپاره آریانا تلویزیون وګورئ!

په داسې حال کې، چې اسیا جام پای ته رسیدلی؛ مینه وال کولی شي د راتلونکیو زړه‌راکښونکو سیالیو – د ۲۰۲۳ یو ورځني نړیوال جام لپاره چمتووالی ونیسي او کولی شي په ټول افغانستان کې دا زړه‌راکښونکی  سپورتي ننداره د آریانا تلویزیوني شبکې (ATN) له لارې پر ژوندۍ بڼه وګوري.

د نړیوال جام ټولې سیالۍ پر ژوندۍ بڼه خپریږي او مینه وال کولی شي ټوله ننداره وګوري.

د یادولو ده، چې دغه سیالۍ به د ۲۰۲۳ ز. کال د اکتوبر له ۵ څخه د ۲۰۲۳ کال د نومبر تر ۱۹ نېټې پورې په هندوستان کې او پای لوبه به یې د هند په نومیالي نریندرا مودي لوبغالي کې ترسره شي.

ATN به له سیالیو څخه مخکې ټول مهالوېشونه او د نشراتو وختونه خپروي او مینه‌وال به د نويو پرمختګونو په اړه خبر کړي. بس زمونږ اوبپاڼې او د ټولنیزو رسنیو څانګې د تازه معلوماتو لپاره وګورئ.

لوبی

حضرت الله ځاځي د مجیب الرحمن پر ځای په ۲۰  اوریز نړیوال جام کې لوبیږي

د کرکټ نړیوالې شورا ویلي، چې د لوبې تخنیکي کمیټې د مجیب الرحمن پر ځای حضرت الله ځاځي منلی دی.

Published

on

(Last Updated On: )

د کرکټ نړیوالې شورا د جمعې پر ورځ اعلان کړی، چې مجیب الرحمن به د ګوتې د ټپ له مبله د افغانستان د شل اوریزو نړیوال جام په راتلونکیو سیالیو کې ګډون ونکړي.

مجیب الرحمن د افغانستان د نړیوال جام په لومړۍ لوبه کې د یوګانډا پر وړاندې لوبېدلی و؛ خو د ټپ له کبله له لوبې بهر شوی دی.

د کرکټ نړیوالې شورا ویلي، چې د لوبې تخنیکي کمیټې د مجیب الرحمن پر ځای حضرت الله ځاځي منلی دی.

افغانستان پاپوا نیو ګیني لوبډلې ته پر ماتې ورکولو د ۲۰ اوریزه نړیوال جام د غوراوي سیالیو اتم پړاو ته لاره پیدا کړه. دا لوبډله به خپله وروستۍ لوبه د سې شنبې پر ورځ د افغانستان پر وخت د مازیګر پېنځه بجې له ویسټ انډیز سره تر سره کیږي.

 

دې ته ورت خبرونه:

 

د افغانستان کرکټ ملي لوبډلې پاپوا نیوګیني ته ماتې ورکړه

 

د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه

 

Continue Reading

لوبی

کابل زلمی د کابل کرکټ غوره لیګ د دوه‌یم پړاو اتلولي خپله کړه

کابل زلمي لوبډلې ورکړ شوی هدف په ۱۸.۵ اورونو کې د ۳ لوبغاړو پر سوځېدو پوره کړ او د کابل غوره لیګ د دوه‌یم پړاو اتلولي یې خپله کړه.

Published

on

(Last Updated On: )

د کابل غوره لیګ د دوه‌یم پړاو په پای لوبه کې کابل زلمي لوبډلې بند امیر سټارز لوبډلې ته د ۷ ویکټو پر توپیر ماتې ورکړه او د دې پړاو اتلولي یې خپله کړه.

په دې لوبه کې، چې د جمعې پر ورځ (د غبرګولي پېنځه‌ویشمه) د کابل په ايوبي لوبغالي کې ترسره شوه؛ بند امير لوبډلې پچه وګټله او لومړى يې د توپ‌وهنې پرېکړه وکړه او په ٢٠ اورونو کې يې د ۱۰ لوبغاړو پر سوځېدو ١٦٩ منډې جوړې کړې.

کابل زلمي لوبډلې ورکړ شوی هدف په ۱۸.۵ اورونو کې د ۳ لوبغاړو پر سوځېدو پوره کړ او د کابل غوره لیګ د دوه‌یم پړاو اتلولي یې خپله کړه.

 

: دې ته ورته خبرونه

د کابل کرکټ غوره لیګ لوبغاړو د داوطلبۍ مراسم ترسره شول

 

د ۲۰۲۴ کابل کرکټ غوره لیک دوه‌ یم پړاو سیالۍ پیل شوې

Continue Reading

لوبی

د افغانستان کرکټ ملي لوبډلې پاپوا نیوګیني ته ماتې ورکړه

د يادونې ده، چې افغانستان اوس د شپږ نمرو پر لرلو د اړوند کرکټ نړيوال جام د غوراوي د اته لوبډلو په کتار کې راغلى او په دې پړاو کې به له هند، اسټراليا او بنګله دېش سره په ګروپ کې لوبې کوي.

Published

on

(Last Updated On: )

د افغانستان کرکټ ملي لوبډلې نن (جمعه د غبرګولي پېنځه‌ویشتمه) د ۲۰ اوریز نړیوال جام په خپله درېیمه لوبه کې پاپوا نیوګیني ته ماتې ورکړه.

د پاپوا نیوګیني لوبډلې لوبغاړو د خپلو ټولو لوبغاړو پر سوځیدو د افغانستان کرکټ ملي لوبډلې ته د ۹۶ منډو هدف وټاکه.

په دوه‌یمه نیمايي کې د هېواد لوبغاړو ټاکل شوی هدف پوره او سیاله لوبدله یې د ۷ ویکټو پر توپیر وګټله.

دا په امریکا کې د کرکټ په ۲۰ اوریز نړیوال جام کې د افغانستان درېیمه پرله‌پسې بریا ده.

د هېواد کرکټ ملي لوبډلې له دې مخکې نیوزیلینډ او یوګانډا ته ماتې ورکړې وې.

د افغانستان کرکټ ملي لوبډله دا مهال د خپل ګروپ په سر کې ده او ټاکل شوې، چې د جون پر اووه‌لسمه د ګروپ وروستۍ لوبه له ویسټ انډیز سره ترسره کړي.

د يادونې ده، چې افغانستان اوس د شپږ نمرو پر لرلو د اړوند کرکټ نړيوال جام د غوراوي د اته لوبډلو په کتار کې راغلى او په دې پړاو کې به له هند، اسټراليا او بنګله دېش سره په ګروپ کې لوبې کوي.

لوبې پر ژوندۍ بڼه وګورئ!

آریانا تلویزیون د ۲۰ اوریز نړیوال جام سیالۍ پر ژوندۍ بڼه خپروي.

د دې سیالیو په اړه خبرونه او تازه معلومات په منظمه توګه له آریانانیوز او ټولنیزو شبکو خپریږي، نو له مونږ سره پاتې شئ.                                         

دې ته ورته خبرونه:

 

د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه

 

افغانستان یوګانډا ته پر ۱۲۵ منډو ماتې ورکړه

Continue Reading

Trending

Copyright © 2022 Ariana News. All rights reserved!