لوبی
د کرکت نړیوال شل آوریز لیګ لومړۍ لوبه دبۍ کپیتلز وګټله
د کرکټ د ۲۰ آوریزه نړیوال لیګ په لومړۍ لوبه کې، چې د جمعې پر شپه په عربي متحده اماراتو کې ترسره شوه؛ د دبۍ کپیتلز لوبډلې د ابوظبي نایت رایدرز لوبډلې ته په ۷۳ منډو ماتې ورکړه.
د دوبۍ لوبډلمشر روفمن پاول د دوبۍ په نړیوال لوبغالي کې د ۴۸ منډو پر جوړولو د مخالفې لوبډلې دوه لوبغاړي وسوځول.
دغه راز رابین اوتاپا ۴۳، جو روت او سکندر رضا هر یوه ۲۶ منډې وکړې او د دبۍ لوبډلې د شپږ لوبغاړیو پر سوځیدو ۱۸۷ منډې جوړې کړې.
بل خوا د ابوظبي لوبډلې په ۲۰ آورونو کې د خپلو ۹ لوبغاړي پر له لاسه ورکولو سره ۱۱۴ منډې جوړې کړې او ټاکل شوې موخې ته ونرسېده.
د افغانستان له لوري پاول، عاکف راجا او مجیب الرحمن دوه دوه لوبغاړي وسوځول.
سکندر رضا له دې لوبې وروسته ويلي: د دې لوبې له ګټلو وروسته زمونږ د لوبغاړیو حالت ډېر ښه دى. دا تل ښه ده، چې سیالۍ له بریا سره پیل کړئ. په دبۍ کې د کابو ۱۹۰ منډو هدف په حقیقت کې ښه هدف و. جو روت یو حیرانونکی ستوری او کرکت لوبغاړی دی. هغه نن خپلې وړتیاوې وښودلې.
د ابوظبي لوبډلې لوبډلمشر سنیل نارین ویلي: د دبۍ کیپیتل لوبډلې ښه توپ اچونه وکړه. مونږ نشو کولی هدف ته د رسیدو لپاره کافي ملګرتیا ولرو. هیله لرم، چې په راتلونکیو سیالیو کې به ښه لوبه وکړو.
د سیالیو بشپړې څرګندونوې:
په دې سیالیو کې د دبۍ، ابوظبي او شارجې په لوبغالیو کې ۳۴ لوبې شاملې دي او د فبرورۍ تر ۱۲ مې نېټې به دوام وکړي.
په دې ټورنمنټ کې د شپږو لوبډلو په ګډون تر سلو زيات بهرني او ځايي لوبغاړي برخه لري.
د ۲۰۲۳ نړیوال شل آوریز لیګ د لوبډلو جوړښت:
د ابوظبي نایت رایدرز لوبډله: سونیل ناراین (لوبډلمشر) آندرې رسیل، جاني بیرستو، پال سترلینګ، لیهرو کومارا، چریت سلانکا، برندون ګوور، کالین اینګرام، عقیل حسین، سیکوګي پراسانا، راوي رامپال، ریمون ریفر، کینار لیویس، مطیع الله خان، فرهاد نواز، صابر علي، علي خان، زوار فرید او زمان خان.
دیزرت وایپرز لوبډله: کالین مونرو (لوبډلمشر)، ونیندو هسرنگا، سام بیلینګز، الیکس هیلز، تام کوران، سندیپ لمیچاني، ثاقب محمود، شېرفاني روترفورد، بین دوکیت، بیني هاویل، شیلدون کاتریل، روبین ترمپیلمن، اعظم خان، روحان مصطفی، شېراز احمد، علي نصیر، روناک پانولي، آرین لکرا او روزونکی: جیمز فوستر.
د دوبۍ کپیتلز لوبډله: روفمن پاول (لوبډلمشر)، دشمنتا چمیرا، حضرت الله ځاځي، فبیان آلن، مجیب الرحمن، سکندر رضا، ایسورو ادانا، نیروشان دیکویلا، داسون شناکا، بنوکا راجاپاکسا، دان لارینس، بلیسنګ مضرباني، جورج مونسي، فرید کلاسن، جوروت، رابین اوتاپا، روي بوپارا، حضرت لقمان، چراغ سوري، جیش جیاناني، عاکف راجا، یوسف پتان، راهول باتیا او روزونکی: فیل سایمونز.
د ګلف لوبډله: جیمز وینس (لوبډلمشر) کریس جوردن، کریس لین، شیمرون هیتمیر، تام بینتون، دامینیک دریکز، دیوید ویس، لیام داسن، سی پی رضوان، جیمی آورتون، قیس احمد، ریچارډ ګلیسن، ایلی پاپ، ریحان احمد، وین مدسین، آیان افضل خان، انش تاندون، سانچیت شرما، اشونت ولتپا او روزونکی: اندي فلاور.
د ام آی اماراتو لوبډله: کایرون پولارد (لوبډلمشر)، دوین برافو، نیکولاس پوران، ترینت بولت، اندری فلیچر، عمران طاهر، سمیت پتیل، ویل سمید، باسل حمید، جوردن تامپسن، نجیب الله ځدران، ظاهر خان، فضل الحق فاروقي، براد ویل، بیس دی لید، محمد وسیم، ویریتیا اراویند، ظهور خان، لورکان تکر، جانتن فیګي او روزونکی: شین باند.
د شارجه واریرز لوبډله: معین علي (لوبډلمشر) دیوید مالان، ایوین لیویس، محمد نبي، کریس ووکس، نور احمد، رحمان الله ګاربز، نوین الحق، تام کوهلر کادمور، کریس بینیامین، دني بریګز، مارک دیال، بلال خان، جي جي سمیت, کارتیک میاپان, علي شان شرف, جنید صدیق , محمد جاویدالله او روزونکی: پاول فاربریس.
د یادونې ده، چې د دې لیګ دوه یمه لوبه به نن ماښم ۶ بجې د ام آی اماراتو او شارجه واریز ترمنځ وي.
لوبی
بنګلهدېش د افغانستان پر وړاندې د ټسټ لوبې پر درېیمه ورځ ۳۲۹ منډې مخکې شو
د بنګلهدېش توپاچوونکو حسن محمود او عبادت حسین د افغانستان د توپوهنې په دوهیمه پاڼۍ کې له پیل مخکې د افغان توپوهونکو لوبډله له ستونزو سره مخ کړه او په لومړۍ پاڼۍ کې یې د بنګلهدېش لپاره د ۱۰۶ منډو مخکښي برابره کړه.
د بنګلهدېش کرکټ ملي لوبډلې د یکشنبې پر ورځ په ابوظبۍ کې د افغانستان پر وړاندې د ټسټ لوبې په درېیمه ورځ د مشفقالرحیم او نجمالحسین شانټو د غوره توپوهنې پر مټ خپله مخکښي پیاوړی کړه او د ۳۲۹ منډو پر توپیر مخکې شو.
د بنګلهدېش توپاچوونکو حسن محمود او عبادت حسین د افغانستان د توپوهنې په دوهیمه پاڼۍ کې له پیل مخکې د افغان توپوهونکو لوبډله له ستونزو سره مخ کړه او په لومړۍ پاڼۍ کې یې د بنګلهدېش لپاره د ۱۰۶ منډو مخکښي برابره کړه.
حسن محمود پېنځه او عبادت حسین څلور لوبغاړي وسوځول او افغانستان په لومړۍ پاڼۍ کې د ۲۴۰ منډو پر جوړولو وسوځېد. رحمت شاه، چې په خپله لومړۍ ټسټ لوبه کې یې د لوبډلمشر په توګه لوبه کوله؛ د ۱۰۵ منډو پر جوړولو د افغانستان غوره توپوهونکی شو. عبدالمالک هم ۶۲ منډې جوړې کړې.
حسن محمود د درې پرلهپسې لوبغاړو پر سوځولو(هټټرېک) کولو د بنګلهدېش لومړنی چټک توپاچوونکی شو، چې په ټسټ لوبو کې دې لاستهراوړنې ته رسیږي. نوموړي په خپله اوولسمه ټسټ لوبه کې د ویکټو شمېر ۵۰ ته هم ورساوه.
بنګلهدېش دوهیمه پاڼۍ په ښه پیل سره پیل کړه؛ خو د درې لوبغاړو تر ژر سوځېدا وروسته افغانستان بېرته لوبې ته د راګرځېدا هیله پیدا کړه.
دغه راز مشفقالرحیم او نجمالحسین شانټو د څلورمې ویکټې لپاره د ۱۵۹ منډو ملګرتیا وکړه او د لوبې بهیر یې د بنګلهدېش پر ګټه بدل کړ.
مشفقالرحیم په ۱۴۸ توپونو ۸۱ او شانټو په ۱۹۱ توپونو ۸۲ منډې جوړې کړې.
افغانستان د درېیمې ورځې په وروستیو کې یو ځل بیا د لوبې ډګر ته ور وګرځېد.
ضیاءالرحمن؛ مشفقالرحیم او حسن محمود وسوځول او قیس احمد هم د لوبې له پای ته رسېدو لږ مخکې شانټو له ډګره بهر کړ.
بنګلهدېش به څلورمه ورځ د ۳۲۹ منډو پر مخکښۍ پیل کړي؛ خو افغانستان هڅه کوي، چې د منډو واټن راکم او لوبې ته بېرته راوګرځي.
لوبی
د افغانستان اتلانو لیګ شپږم پړاو دوهیمه برخه د اوکټوبر پر شپاړلسمه پیلیږي
د افغانستان فوټبال فډراسیون د سیالیو مهالوېش تائید کړی او تمه ده، چې د اتلولۍ د ګټلو لپاره به د ۱۰ ګډونوالو لوبډلو ترمنځ سیالۍ تودې شي.هغه لوبډله به د اتلانو لیګ جام وګټي، چې د لښتیلیک(جدول) په سر کې فصل پای ته ورسوي.
د افغانستان اتلانو لیګ د شپږم پړاو دوهیمه برخه به په کابل کې د لومړۍ برخې له پای ته رسېدا وروسته د اوکټوبر پر شپاړلسمه پیل شي او سیالۍ به د نومبر تر شپاړلسمې روانې وي؛ هغه ورځ به د روان فصل اتله لوبډله هم معلومه شي.
د افغانستان فوټبال فډراسیون د سیالیو مهالوېش تائید کړی او تمه ده، چې د اتلولۍ د ګټلو لپاره به د ۱۰ ګډونوالو لوبډلو ترمنځ سیالۍ تودې شي.هغه لوبډله به د اتلانو لیګ جام وګټي، چې د لښتیلیک(جدول) په سر کې فصل پای ته ورسوي.
د شپږم پړاو په لومړۍ برخه کې لوبډلو د لښتیلیک د غوره ځای خپلولو لپاره په زړهراکښونکې لوبې وکړې.
سرخپوشان خوافي له غوره لوبډلو څخه وه؛ خو د تېر فصل اتله ابومسلم فراه، عمر ځواک او نورې لوبډلې هم د اتلولۍ د ګټلو په هڅه کې دي.
د لیګ د لښتیلیک د وروستي حالت په ټاکلو کې به پاتې لوبډلې مهم رول ولوبوي او د لوبډلو دوامداره ښه لوبه او د امتیازونو ترلاسه کول به د اتلولۍ په ګټلو کې پرېکنده وي.
د نهه لوبو له ترسره کېدا وروسته سرخپوشان خوافي د نهه بریاوو او ۲۷ امتیازونو پر لرلو د لښتیلیک په سر کې ده. ابومسلم فراه او عمر ځواک بیا هره یوه ۱۹ امتیازونه لري.
د آریانا راډیو ټلویزیون شبکه(ATN) به د افغانستان اتلانو لیګ د لوبو خپرول روان وساتي او د ټلویزیون، راډیو او ډیجیټلي خپرونو له لارې به مېنهوالو ته د لوبو او سیالیو په اړه تازه معلومات وړاندې کړي.
له مینهوالو غوښتل شوي، چې د لوبو د مهالوېش، پایلو، لښتیلیک او نورو تازه معلوماتو لپاره د ATN خواله رسنۍ وڅاري.
لوبی
افغانستان د ټسټ لوبې په دوهیمه ورځ کې له بنګلهدېش څخه ۱۳۵ منډې شاته دی
دا لوبه د شنبې پر ورځ د متحده عربي اماراتو د ابوظبۍ د شیخ زاید په نړیوال لوبغالي کې ترسره شوه.
د افغانستان کرکټ ملي لوبډلې د بنګلهدېش پر وړاندې د ټسټ لوبې د دوهیمې ورځې په لومړۍ پاڼۍ کې د څلورو لوبغاړو پر سوځېدا ۲۱۱ منډې کړې دي.
دا لوبه د شنبې پر ورځ د متحده عربي اماراتو د ابوظبۍ د شیخ زاید په نړیوال لوبغالي کې ترسره شوه.
د بنګلهدېش لوبډلې په خپله لومړۍ پاڼۍ کې د ټولو لوبغاړو پر سوځېدا په ۹۲.۳آورونو کې ۳۴۶ منډې کړې دي. دې لوبډلې د لوبې دوهیمه ورځ د اته لوبغاړو پر سوځېدا د ۳۱۷ منډو پر لرلو پیل کړې وه.
افغانستان د دوهیمې ورځې په پای کې د څلورو لوبغاړو پر سوځېدا ۲۱۱ منډې وکړې او اوس یې هم شپږ لوبغاړي پاتې دي؛ په دې توګه له بنګلهدېش څخه ۱۳۵ منډې شاته دی.
د بنګلهدېش په لومړۍ پاڼۍ کې تنزید حسن ۸۳ او شادمان اسلام ۶۷ منډې وکړې او د خپلې لوبډلې د لوړې منډې جوړونې مهم لوبغاړي وه.
د افغانستان پر توپاچونه محمد سلیم د ۸۲ منډو په بدل کې څلور او یمین احمدزي پر ۷۹ منډو درې لوبغاړي وسوځول.
عبدالمالک او رحمتشاه هم د افغانستان په پاڼۍ کې مهم رول لوبولی او د څلور لوبغاړو تر سوځېدا وروسته یې د لوبډلې د منډو په زیاتولو کې مرسته کړې ده.
افغانستان هڅه کوي، چې د لوبې په درېیمه ورځ د بنګلهدېش د منډو واټن راکم کړي؛ خو بنګلهدېش هڅه کوي، چې ژر د افغان لوبډلې نور لوبغاړي وسوځوي او خپله برلاسي زیاته کړي.
د یادونې ده، چې آریانا راډیو ټلوېزیون دغه ټسټ لوبه په ټول افغانستان کې د کرکټ مینهوالو ته پر ژوندۍ او ځانګړې بڼه خپروي.
اسلامي همکاریو ټولنې پر زړه د سوريو ماشومانو عملیاتي لګښتونه ومنل- نورجلال جلالي
اسلامي امارت د سعودي عربستان پر ملکي سیمو بریدونه وغندل
سترې محکمې د انګور باغ د ځمکو د پرېکړې د تطبیق امر کړی – بشپړ وضاحت
اروپايي ټولنې راستنېدونکو افغانانو ته د مرستو په برابرولو کې د همکارۍ ډاډ څرګند کړ
د افغانستان-امریکا سوداګرۍ خونې د اقتصادي همکاریو او پانګونې پر پراختیا خبرې وکړې
په یمن کې د حوثیانو پرمختګ؛ امریکا له نوې ستونزې سره مخ ده
پر مکه برید مو سره کرښه ده – سعودي؛ حوثیانو د برید ادعا رد کړه
سېلابونو زرګونه کورنۍ زیانمنې کړي؛ له افغان ماشومانو سره د مرستې روانې هڅې
افغانستان او هند د طبي توکو او درملو د تولید او برابرولو پر پیاوړتیا خبرې پیل کړې
د ایران پولې ته نږدې ۱۷ افغان کډوال له تندې مړه شوي
اروپايي ټولنې راستنېدونکو افغانانو ته د مرستو په برابرولو کې د همکارۍ ډاډ څرګند کړ
تحول: د افغانستان لپاره د اروپایي ټولنې د نوي استازي ټاکنه
څار: د پاکستان سیاسي، امنیتي او اقتصادي کړکېچونه
څار: له ایران او پاکستان څخه د افغان کډوالو رایستلو دوام
تحول: په افغانستان کې د امریکا د جګړې پایلې
-
سیمه ییز خبرونه5 days agoسوریه د حوثیانو پر وړاندې په جګړه کې سعودي عربستان ته خپله پوځي مرسته ارزوي
-
تازه خبرونه5 days agoپه مسکو کې پر افغانستان او منځنۍ آسیا امنیتي غونډه جوړېږي
-
تازه خبرونه5 days agoد اسلامي امارت پلاوی په دوهیمه نړیواله ډیجیټلي غونډه کې د ګډون لپاره مسکو ته تلی
-
تازه خبرونه5 days agoشهباز شریف د ملګرو ملتونو له سرمنشي سره په لیدنه کې پر ترهګرۍ خبرې وکړې
-
نړۍ5 days agoروسیې د ډنمارک پر دفاعي شرکتونو ورانوونکي بریدونه پیل کړي
-
تازه خبرونه5 days agoفرانسې له اسلامي امارت سره د افغانانو پر بېرته ستنولو خبرې پیل کړې
-
تازه خبرونه5 days agoیو افغان وګړی د انلاین ځانمرګي برید د ګواښ پر تور مجرم وپېژندل شو
-
سوداگري5 days agoپه ۲۰۲۶ کال کې د افغانستان او روسیې ترمنځ سوداګري ۱۵۰ سلنه زیاته شوې