Connect with us

تازه خبرونه

د کندهار د بولدک ولسوالۍ سوداګرو له سېلاب ځپلیو سره ۱۰ میلیون افغانۍ نغدي مرسته وکړه

Published

 on

(Last Updated On: وږی ۲۲, ۱۴۰۱)

د کندهار په بولدک ولسوالۍ کې له هغو کورنيو سره، چې په وروستيو سېلابونو کې يې کورونه ويجاړ يا زيانمن شوي وه، د دې ولسوالۍ د سوداګرو لخوا لس ميليون افغانۍ نغدي مرسته وشوه.

 په کندهار کې د وروستيو سېلابونو د راتلو له کبله د بولدک ولسوالۍ اوسيدونکیو ته تر ټولو ډېر مالي زيانونه واوښتل، چې د چارواکو د څرګندونو له مخې له پېنځه زره ډېرې کورنۍ يي زيانمنې کړي او ۱۴۶۲ کورونه اوبو وبجاړ کړي دي.

زیامنو کورنیو له نړیوالو ټولنو، دولت او شتمنو هېوادوالو وغوښتل، چې د کورونو په بيارغونه او جوړونه کې ورسره مرسته وکړي.

د دې ولایت د بولدک ولسوالۍ سوداګرو له سېلاب ځپلیو سره د کورونو د بيارغونې او جوړولو په برخه کې د مرستې لپاره د لس ميليون افغانيو نغدو پيسو مرسته وکړه.

په کور دننه سوداګرو له بهرمیشتو شتمنو هېوادوالو او سوداګرو وغوښتل، چې په اوسنيو سختو حالاتو کې د خپلو هېوادوالو لاسنيوی وکړي.

د نغدي مرستې په لړ کې هرې ويجاړې شوې خونې لپاره  ۳ زره افغانۍ ورکړ شوشوي او اړمنې کورنۍ د سوداګرو له دې مرستې خوښې دي. دوی پر نورو شتمنو هېوادوالو هم د ورته مرستو او لاسنيوي غږ کوي.

د بولدک ولسوالۍ د سوداګرو استازی حاجي فيض الله خان نورزی وایي؛ سل لکه افغانې راټولې شوي. ان شاالله دومره امداد دا دی مونږ راوړی، چې د وروستي سېلاب پر ستړو او زیانمنو خلکو به يې ووېشو.

د سپين بولدک ولسوالۍ هغه اوسيدونکي، چې په وروستيو سېلابونو کې يي خپل کورونه له لاسه ورکړي او اوس يي د سوداګرو له لوري نغدي مرستې تر لاسه کړي د سوداګرو دا مرسته ستايي او پر نورو شتمنو هېوادوالو هم د ورته مرستو ږغ کوي او وايي؛ کومې مرستې، چې تر دې مهاله له دوی سره شوي په سمه توګه تر دوی رسول شوې دي.

زيانمن شاه محمد ویلي؛ مونږ له تجارانو او شتمنو هېوادوالو څخه غواړو، چې له دې موسسې والا سره خپله همکاري وکړي. دوي يي ترمونږ پورې پوره رارسوي.

دغه راز اړمن عبدالواسع هم وایي: بس دغه مو غوښتنه ده، چې مونږ ته دې دغه مرستې راجاري وساتي؛ ټول همدا عوام خلک دي، ټول در په دره دي.

د يادونې ده، چې د وروستيو سېلابونو له کبله د کندهار په بولدک او نورو ولسواليو کې ټولي چارې ټکنې شوي، چې له کبله يي هېوادوال اوزګارۍ او له سختو اقتصادي ستونزو سره مخ دي. که خيريه ټولنې او دولت له دوی سره پر وخت مرستې ترسره نکړي؛ نو د وضيعت د خرابېدو امکان ډېر ليدل کيږي .

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!