Connect with us

تازه خبرونه

د یو شمېرافغان سیاسي ډلو مشران له طالبانو سره د خبرو لپاره نوې جبهه جوړوي

خپور شوی

د

(Last Updated On: )

د رویټرز د څرګندونو له مخې؛ د مارشال عبدالرشید دوستم په ګډون د افغانستان د لوبېدلیو سیاسي مشرانو یوه ډله له طالبانو سره د خبرو لپاره یوه نوې متحده جبهه جوړوي.

په راپور کې راغلي، چې دا ډله غواړي له طالبانو سره د افغانستان د راتلونکي حکومت په اړه د خبرو لپاره یوه نوې جبهه جوړه کړي.

د عطا محمد نور زوی خالد نور سرچینې ته ویلي؛  د عبدالرشید دوستم په ګډون دغه مشران په افغانستان کې د طالبانو د واکمنۍ مخالفت کوي.

خالد نور زیاته کړې: مونږ غوره بولو، چې په ډله ییزه توګه هراړخیزې خبرې وکړو؛ ځکه، چې د افغانستان دا ستونزه به د یوه کس لخوا حل نشي. له همدې کبله د هېواد ټولو سیاسي ډلو ته اړینه ده، چې له یو بل سره خبرې وکړي. په ځانګړي توګه هغه دودیز مشران، چې ولسي ځواک او ملاتړ لري.

خالد نور څرګنده کړې، طالبان نشي کولی د خلکو مقاومت ودروي.

هغه زیاته کړې، چې په افغانستان کې هیڅ ډله نشي کولی د زور له لارې حکومت وکړي.

نوموړي په ډاګه کړې: تاریخ ښودلې، چې په افغانستان کې هیڅوک نشي کولی د زور له لارې حکومت وکړي او دا ناشونې ده. دا اړینه نده، چې نړیواله ټولنه د دې بهیر څومره ملاتړ کوي، خو دا ډول حکومت به ناکام شي.

له بلې خوا د احمدشاه مسعود زوی احمد مسعود ویلي؛  چمتو دی، چې له طالبانو سره د هر اړخیز او ټولګډونه حکومت پر جوړېدو خبرې وکړي؛ خو که دا خبرې ناکامې شي، جګړې ته هم چمتو دی.

د بلخ پخوانی والي او د جمعیت اسلامي د ګوند د یوې څانګې مشر عطا محمد نور،  مارشال دوستم او د یو شمېر نورو ډلو مشران، چې له لسیزو راپدیخوا په افغان شخړه کې ښکېل او پیاوړي پاتې دي؛ د طالبانو لخوا د مزار شریف ښار له نیولو وروسته له هېواده تښتیدلي او یا هم په پنجشېر کې راټول دي.

تازه خبرونه

ضمیر کابلوف له امیر خان متقي سره د ډیپلوماټیکو اړیکو د کچې پر لوړولو خبرې وکړې

د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.

Published

on

(Last Updated On: )

د روسیې ځانګړي استازي په کابل کې د افغانستان بهرنیو چارو وزارت له چارسمبالي( سرپرست) امیر خان متقي سره د دوه اړخیزو ډیپلوماټیکو اړیکو د کچې پر لوړولو، د اقتصادي او سوداګریزو اړیکو پراختیا او ځینو سیمه‌ییزو مسایلو خبرې وکړې.

د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.

د افغانستان لپاره د روسیې ولسمشر ځانګړي استازي ضمیر کابلوف هم پخپل وار وویل، چې هېواد ته یې له افغانستان سره د اړیکو پراختیا اړینه ده او د همدې لپاره یې دا اقدام وکړ، چې د اړیکو د پراختیا په لار کې خنډونه لرې شي.

د هېواد د بهرنیو چارو وزارت چارسمبالي د روسیې فډراسیون له وروستي اقدام ، چې د افغانستان اسلامي امارت یې د ممنوعه ډلو له نوملړه لرې کړ؛ مننه وکړه.

کابلوف ویلي؛ په راتلونکې می میاشت کې به د کازان فورم په څنډه کې د روسیې او افغانستان د دوه اړخیز دایمي کمیسیون د کار د پیل لپاره هم ځانګړې غونډه ترسره شي.

ویل کیږي، چې دواړو لوریو د افغانستان اسلامي امارت او روسیې فډراسیون ترمنځ دوه اړخیزو اړیکو د کچې لوړوالی مهم وباله او دا یې د دواړو هېوادونو ترمنځ د اړیکو نوی پړاو یاد کړ.

Continue Reading

تازه خبرونه

چین غواړي د افغانستان په کرنیز سکټور کې پانګونه وکړي-  کرنې وزارت

د کرنې وزارت د سې‌شنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.

Published

on

(Last Updated On: )

د کرنې، اوبو لګولو او مالدارۍ وزارت چارسمبالی(سرپرست) عطاءالله عمري په کابل کې د چین د خصوصي سکټور له پلاوي او استازو سره وکتل، چې ورسره یې د همکارۍ پراخولو، کرنې، مالدارۍ، اوبو لګولو، پانګونې او له افغانستان سره د چین د تجربو شریکولو په اړه خبرې اترې وکړي.

د کرنې وزارت د سې‌شنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.

د چین پلاوي د صنایعو او سوداګرۍ وزارت له چارسمبالي نورالدین عزیزي سره هم خبرې اترې وکړې. د دې غونډې پر مهال عزیزي ویلي، چې دوی بهرنیو پانګوالو ته ټولې آسانتیاوې برابروي.

د یادونې ده، چې په تېرو درې کلونو کې ډېری چینایي شرکتونو د هېواد په کانونو کې پانګونې ته لېوالتیا ښودلې؛ خو دا لومړی ځل دی، چې چینایي پانګوال غواړي په افغانستان کې د کرنې په سکټور کې پانګونه وکړي.

Continue Reading

تازه خبرونه

په روسیه کې د افغانستان محصولات نندارې ته وړاندې کېږي

د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.

Published

on

(Last Updated On: )

د روسیې د اقتصادي پراختیا وزارت چارواکو ویلي، چې افغان محصولات به د روسیې- د کازان اسلامي نړۍ په شپاړلسم نړیوال اقتصادي فورم کې نندارې ته وړاندې شي.

د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.

هغه زیاته کړې؛ د تاتارستان حکومت منلې، چې د افغان توکو او تولیداتو د نندارتون جوړولو لپاره به اړینې آسانتیاوې برابرې کړي.

د روسي دې چارواکي ویلي، چې دا نندارتون به د افغانستان د اقتصادي وړتیاوو د پېزندلو لپاره یو ځانګړی فرصت وي.

پاول کلمیچوک وایي: “دا نندارتون به خامخا ډېر پام ځانته راواړوي؛ ځکه، چې په روسیه کې پر طالبانو (اسلامي امارت) د بندیزونو د لرې کولو پرېکړه شوې ده.”

مخکې له دې د روسیې سترې محکمې د هېواد د لوی څارنوال غوښتنه منلې وه، چې د اسلامي امارت د فعالیتونو بندیز وځنډوي.

د افغانستان لپاره د روسیې ځانګړي استازي ضمیر کابلوف هم اعلان کړی و، چې د روسیې او افغانستان ترمنځ به د دې فورم په څنډه کې یوه لویه سوداګریزه غونډه هم ترسره شي.

د کازان شپاړسم نړیوال اقتصادي فورم ‘روسیه – اسلامي نړۍ: کازان فورم’ به د می له ۱۳ څخه تر ۱۸ پورې په کازان کې ترسره شي.

Continue Reading
Advertisement

Trending

Copyright © 2025 Ariana News. All rights reserved!