Connect with us

لوبی

د ۲۰۲۳ کرکت نړیوال جام نغدي جایزې ځانګړې شوې

خپور شوی

د

په هند کې د ۲۰۲۳ کال د نړیوال جام نغدي جایزې د ۱۰ میلیون دالرو پر ارزښت اعلان شوې.

د کرکت نړیوالې شورا څرګنده کړې، چې د ۲۰۲۳ کال کرکت نړیوال جام ګټونکې لوبډله به د ۱۰ میلیون دالرو څخه څلور میلیون دالر ترلاسه کړي او دوه‌یمه درجه لوبډله به د نومبر پر ۱۹ د احمد‌آباد په نریندرا مودي لوبغالي کې ۲ میلیون دالر کور ته ولېږدوي.

ټولې لس لوبدلې به په ګروپي پړاو کې یو له بل سره لوبه وکړي او د نمرو په جدول کې څلور غوره لوبډلې به نیمه پای لوبې ته لار مومي.

د ګروپي پړاو لوبې ګټلو لپاره هم جایزې شته او لوبدلې د هرې بریا لپاره ۴۰ زره ترلاسه کوي. د ګروپي پړاو په پای کې هغه لوبډلې، چې د وتلو پړاو ته په رسېدو کې پاتې راشي؛ هره یوه به ۱۰۰ زره ترلاسه کړي.

د نړیوال جام په دیارلسم پړاو سیالیو کې به ټولې ۱۰ لوبډلې د اتلولۍ لپاره سیالي وکړي. هندوستان د کوربه‌توب له کبله دغو سیالیو ته لار پیدا کړې او نیوزیلند، انګلستان، بنګله دیش، پاکستان، آسترالیا، افغانستان او سویلي افریقا سوپر لیګ ته لار پیدا کړې ده.

سریلانکا او هالند د سیالیو له لارې د نړیوال جام په لوبډلو کې راغلي دي.

د کرکت تر ټولو سترې دا سیالۍ په ۱۰ لوبغالو کې ۴۸ لوبې کوي او د اکتوبر پر ۵ به انګلستان او نیوزیلند سیالي پیل شي.

د نړیوال جام له پیل مخکې به هره لوبډله په ۴۶ ورځنیو سیالیو کې د ښې لوبې کولو لپاره دوه روزنیزې لوبې کوي..

لوبی

افغانستان د آسیا په اووه کسیز راګبي سیالیو کې د برونزو مډال وګاټه

دغه سیالۍ د شنبې او یکشنبې پر ورځو د چین تایپه( تایوان) کې ترسره شوې.

Published

on

 

د افغانستان راګبي ملي لوبډلې په ۲۰۲۶ز.کال آسیا اووه کسیز راګبي سیالیو کې بنګله‌دېش ته د ۱۹ پر ۱۰ پر ماتې ورکولو د برونزو مډال وګاټه.

دغه سیالۍ د شنبې او یکشنبې پر ورځو د چین تایپه( تایوان) کې ترسره شوې.

د فیلیپین ملي لوبډلې په پایلوبه کې کوربه چین تایپه ته د ۱۹ پر ۱۴ له ماتې ورکولو سره له پنځه لوبو څخه د پنځه بریاوو پر ترلاسه کولو اتلولي خپله کړه.

چین تایپه دوه‌یم او افغانستان درېیم ځای خپل کړ او د برونزو مډال یې وګاټه؛ بنګله‌دېش په څلورم ځای کې راغی.

په دغو سیالیو کې د افغانستان، بنګله‌دېش، فیلیپین او چین تایپه څلور لوبډلو ګډون کړی و.

 

 

 

 

 

 

 

Continue Reading

لوبی

لبنان په آسیا ملتونو ساحلي فوټبال جام کې افغانستان ته ۵ پر صفر ماتې ورکړه

لبنان له دې بریا سره شپږ امتیازونه ترلاسه کړل او د سیالیو د یوې‌څلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.

Published

on

Last Updated on: ليندۍ ۱, ۱۴۰۵

 

د لبنان د ساحلي فوټبال ملي لوبډلې د ۲۰۲۶ز.کال د آسیا ملتونو ساحلي فوټبال جام په لړ کې د شنبې پر ورځ افغانستان ته ۵ پر صفر ماتې ورکړه.

لبنان له دې بریا سره شپږ امتیازونه ترلاسه کړل او د سیالیو د یوې‌څلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.

افغانستان په دغو سیالیو کې خپله لومړۍ لوبه ایران ته بایللې وه.

د افغانستان د ساحلي فوټبال ملي لوبډله به د ګروپي پړاو په وروستۍ لوبه کې د دوشنبې پر ورځ له ویتنام سره مخ شي او لبنان به له ایران سره سیالي وکړي.

Continue Reading

لوبی

د آسیا ملتونو ساحلي فوټبال جام؛ افغانستان له ایران څخه ۹ پر ۲ ماتې وخوړه

ایران، چې د دغو سیالیو څلور ځله اتل شوی؛ په« بان نام خِم» ساحلي لوبغالي کې پر لوبه بشپړ برلاسی شو او رضا دیري د درې ګولونو پر وهلو د خپلې لوبډلې په دې ستره بریا کې مهم رول ولوباوه.

Published

on

 

نن پنجشنبه( د لړم اته‌ویشتمه) د افغانستان د ساحلي فوټبال ملي لوبډلې د ۲۰۲۶ز.کال د تایلینډ د آسیاملتونو ساحلي فوټبال جام په خپله لومړۍ لوبه کې د سیالیو له اتل ایران څخه ۹ پر ۲ ماتې وخوړه.

ایران، چې د دغو سیالیو څلور ځله اتل شوی؛ په« بان نام خِم» ساحلي لوبغالي کې پر لوبه بشپړ برلاسی شو او رضا دیري د درې ګولونو پر وهلو د خپلې لوبډلې په دې ستره بریا کې مهم رول ولوباوه.

محمد بهادري د افغانستان دواړه ګولونه ووهل.

افغانستان به خپله دوه‌یمه لوبه د شنبې پر ورځ له لبنان سره ترسره کړي.

Continue Reading
Advertisement

Trending

Copyright © 2026 Ariana News. All rights reserved!