تازه خبرونه
طالبانو افغان استخبارات د خپلو بندیانو پر ځورونې تورن کړل

طالبانو افغان استخبارات تورن کړي، چې زندانیان یې د امریکایي ځواکونو د وژلو په بدل کې له روسیې څخه د پیسو اخیستو او په دې اړه د اعتراف لپاره ربړولي او ځورولي دي.
په امریکايي رسنیو کې طالبانو ته د امریکايي سرتېرو د وژلو په بدل کې د روسیې لخوا د ډالیو د ورکړې د راپورونو له خپریدو وروسته طالبانو د افغانستان استخباراتي اداره تورنه کړې، چې طالب زندانیان یې د همدغه اعتراف لپاره ربړولي دي.
په قطر کې د طالبانو د سیاسي دفتر یوه غړي خیرالله خیرخوا د دغې ادعا تر څنګ ویلي، چې هیڅوک دا نشي ثابتولی، چې طالبانو دې له روسیې څخه د امریکايي سرتېرو د وژل په بدل کې پیسې اخیستې وي.
د افغانستان د ملي امنیت اداره د طالب زندانیانو د ربړونې او په زور د اعتراف اخیستو تورونه بېځایه ګني او وايي، چې له طالب زندانیانو سره یې د بشري حقونو په رڼا کې چلند کړی دی.
د روسیې د بهرنیو چارو وزیر سرګې لاوروف دا خبره رد کړې، چې ګواکې دوی طالبانو ته د امریکايي سرتېرو د وژلو په بدل کې پيسې ورکړي دي.
هغه وایي: زه یوازې دا ویلی شم، چې دا ټولې ادعاوې یوازې په ګومان ولاړې دي. هیڅ داسې څه ندي وړاندې شوي، چې واقعیت یې ثابت کړي.
له بلې خوا امریکايي پوځي چارواکو ګانګرس ته په خبرو کې ویلي، چې روسیه له کلونو راپدیخوا له طالبانو سره اړیکې پالي.
که څه هم پدې اړه ناندرې روانې دي؛ خو طالبان اوس هم د هغو زندانیانو پر خوشې کیدو ټینګار کوي، چې نوملړ یې پخوا امریکا ته سپارلی دی.
طالبانو ته نږدې سرچینې وايي؛ طالبان ندي حاضر، چې له هغو شپږ سوه بندیانو تېر شي، چې حکومت یې پر نه خوشې کولو ټینګار کوي او له همدې کبله خپلمنځي خبرې له خنډ او ځنډ سره مخ شوي دی.
د بهرنیو چارو وزارت ویاند ګران هېواد ويلي؛ د افغان سولې په اړه په وروستۍ نړیواله غونډه کې هم د سیمې او نړۍ د هېوادونو استازیو ټینګار وکړ، چې د طالب زندانیانو د خوشې کولو پر وخت باید د قانون واکمني تر پوښتنې لاندې را نشي.
دا په داسې حال کې ده، چې طالبانو په غور ولایت کې اوولس افغان سرتېري خوشې کړي او ټینګار کوي، چې د پېنځه زره طالب زندانیانو پر خوشې کولو یې له امریکا سره هوکړه کړې او نوملړ یې هغوی ته سپارلی؛ نو، ځکه د نوي نوملړ سره موافقه نکوي.
تازه خبرونه
اسلامي امارت د ثور اتمه د مجاهدینو د بریا او د کمونستانو د ماتې کلیزه ونمانځله
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.

مجاهدينو ۳۳ کاله مخکې د پخواني شوروي تر ملاتړ لاندې حکومت راوپرځاوه؛ خو د اسلامي امارت د چارواکو د څرګندونو له مخې، په هېواد کې واک ته د ځينو مشرانو لېولتیا د کورنيو جګړو لامل شوه او اسلامي نظام رامنځته نشو.
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.
د وسلوال پوځ لوی درستیز فصیح الدین فطرت وايي؛ د یو شمېر جهادي مشرانو واک او تسلط د دې لامل شو، چې هېواد په کورنۍ جګړه کې ښکېل او د اسلامي نظام د جوړېدو مخه ونیول شي.
لوې درتسیز وايي، که څوک د افغانستان د بیا اشغال فکر وکړي؛ نو افغان ولس به زر کاله نور هم جګړه وکړي، چې د چا مستعمره نشي.
فصیح الدین فطرت همدا راز زیاته کړې؛ که څوک له هېواده د تښتېدلو کسانو پر کارولو د افغانستان د اشغال په فکر کې وي؛ نو افغان ولس د نورو زر کلونو لپاره د استعمار پر وړاندې مبارزې ته چمتو دی.
د سرحدونو، قومونو او قبایلو وزارت چارسمبالي(سرپرست) نورالله نوری ويلي؛ افغانستان به ډېر ژر په سیاسي، اقتصادي او امنیتي برخو کې له نورو هېوادونو سره برابر شي.
دغه راز د اطلاعاتو او فرهنګ وزارت چارسمبالي خیرالله خیرخواه د اسلامي امارت له مسوولینو غوښتي، چې له واکغوښتنې تېر شي؛ ځکه د زیات نفوذ هڅه د خلکو ترمنځ د نفاق لامل کیږي.
ویل کیږي، چې د تېرو څلور لسيزو ناورین، چې له کبله يې ميليونونه خلک کډوال شوي او نن په هېوادونو او په ځانګړي توګه ایران او پاکستان کې له سختو شرايطو سره مخ دي. د وسلوال ځواک لوى درستيز د دغو کډوالو پر باعزته راستنېدو ټينګار کوي او وایي، چې د کډوالو سپکاوى ورته د زغم وړ ندى.
تازه خبرونه
د قطر لومړي وزیر له امیر خان متقي سره وکتل
د خلیج ټایمز ورځپاڼې د راپور له مخې، د غونډې په جریان کې دواړو خواوو د افغانستان وروستي سیاسي او بشري بدلونونه وڅېړل او د افغانانو د ملاتړ لپاره د دوه اړخیزو همکاریو د زیاتوالي پر اړتیا یې ټینګار څرګند کړ.

د قطر لومړي وزیر او د بهرنیو چارو وزیر شیخ محمد بن عبدالرحمن بن جاسم آل ثاني د افغانستان د بهرنیو چارو وزارت له چارسمبالي(سرپرست) امیر خان متقي سره، چې پرون (یکشنبه د غویی اوومه) د قطر پر بلنه یې دغه هېواد ته سفر کړی؛ وکتل او پر دوه اړخیزو همکاریو ټینګار وشو.
د خلیج ټایمز ورځپاڼې د راپور له مخې، د غونډې په جریان کې دواړو خواوو د افغانستان وروستي سیاسي او بشري بدلونونه وڅېړل او د افغانانو د ملاتړ لپاره د دوه اړخیزو همکاریو د زیاتوالي پر اړتیا یې ټینګار څرګند کړ.
په دې غونډه کې شیخ محمد بن عبدالرحمن آل ثاني د قطر حکومت د افغانانو د ټولو برخو لپاره پر دوامداره او هر اړخیز ملاتړ ټینګار وکړ، چې د افغانانو لپاره امنیت، ثبات، سوکالي او باعزته ژوند ډاډمن کړي.
د افغانستان بهرنیو چارو وزارت ویلي، چې امیر خان متقي د افغانستان او نړیوالې ټولنې ترمنځ د اړیکو په پراختیا کې د قطر رول د ستاینې وړ وباله او څرګندوي، چې د دواړو هېوادونو ترمنځ د دیپلوماټیکو اړیکو د کچې له لوړېدو سره به دوه اړخیزې اړیکې نورې هم پیاوړې شي.
ویل کیږي، چې د هېواد بهرنیو چارو وزارت چارسمبالي وړاندیز کړی، چې قطر په افغانستان کې په پراختیايي او سوداګریزو فرصتونو کې پانګونه وکړي او د دوه اړخیزې سوداګرۍ د کچې د لوړولو پر لارو چارو کار وکړي.
تازه خبرونه
د افغانستان لرې پرتو سیمو ته د ډبلیوافپي هوايي مرستې د خنډېدو په حال کې دي
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.

د خوړو نړیوال پروګرام (WFP) د افغانستان لرې پرتو سیمو ته د الوتنو پر مټ د مرستو رسولو د ځنډېدو له احتمال خبر ورکړی دی.
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.
د دې بنسټ د څرګندونو له مخې؛ په ۲۰۲۵ کال کې د مرستو رسولو د الوتنو لپاره نږدې ۱۰ میلیون ډالرو بېړنۍ بدجې ته اړتیا ده.
تېره اوونۍ د خوړو نړیوال پروګرام اعلان کړی و، چې د روان کال تر پایه پورې هېواد ته د راستنېدونکو افغان کډوالو د ملاتړ لپاره ۲۵ میلیون ډالرو بېړنۍ مرستې ته اړتیا لري.
ډبلیوافپي افغانستان ته د امریکا د بشري مرستو له ځنډولو وروسته د بدجې له کمښت څخه شکایت کوي.
-
سوداگري5 days ago
د پاکستان او ازبکستان استازو پر افغان – ټرانس پروژې خبرې وکړې
-
سوداگري3 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
تازه خبرونه5 days ago
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
-
تازه خبرونه5 days ago
طارق علي بخیت د افغانستان په اړه له جاپاني چارواکو سره وکتل
-
سوداگري1 day ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
-
تازه خبرونه19 hours ago
ایران او افغانستان په ملک پوله کې بندیان تبادله کړل
-
سیمه ییز خبرونه22 hours ago
د بندر عباس چاودنې د مړو شمېر ۴۰ کسانو ته پورته شو
-
ساینس او ټیکنالوژي5 days ago
چین او روسیه ممکن په سپوږمۍ کې د اټومي انرژۍ بټۍ جوړه کړي