د لکنو سوپر جایانتز د شنبې پر ورځ په لکنو کې د هند رتنا شري اتل بهاري واجپای ایکانا کرکټ لوبغالي کې د اړوند لیګ په درېیمه لوبه کې دیلي کیپیتلز ته پر ۵۰ منډو ماتې ورکړه.

کایل مایرز د دې لیګ په لومړۍ لوبه کې پر ۳۸ توپونو ۷۳ ناسوځېدلې منډې وکړې او مارک وود په توپ اچونه کې د ۵/۱۴ منډو پر جوړولو د ایل ایس جی لوبډلې ته پر ۵۰ منډو ماتې ورکړه.

د ۱۹۴ منډو د څارلو لپاره دیوید وارنر او پریتوی شاو په لومړي څلور آورونو کې ۴۰ منډې جوړې کړې.

د لوبې پچه د دیلي کپیتلز لوبډلمشر دیوید وارنر وګټله او د توپ وهنې پرېکړه یې وکړه.

دوه‌یمه لوبه: PBKS د  KKRپر وړاندې:

پنجاب کینګز د شنبې پر ورځ په موهالي کې د پنجاب کرکت ایسوسی ایشن IS بندرا لوغالي کې د تاتا IPL په دوه‌یمه لوبه کې کلکته نایت رایدرز ته پر ۷ منډو (د DLS میتود له لارې) ماتې ورکړه.

PBKS لوبه که څه هم له بارانه اغېزمنه شوې وه؛ د DLS میتود له لارې پر۷ منډو وګټله.

د یادونې ده، چې د آریانا او آریانا نیوز تلویزیونوني شبکې په خپلو اوبپاڼو کې ټولې سیالۍ پر ژوندۍ بڼه خپروي او د لیدلو لپاره یې دا تړاو کېکاږئ:

Ariana Television Network is streaming all matches live on its digital platforms. For fans, CLICK HERE to stream today’s matches live.

ګجرات تایتانز د جمعې پر ورځ په احمد آباد ښار کې چینای سوپر کینګز ته پر پېنځه ویکتو ماتې ورکولو سره د هند غوره لیګ ګټل پیل کړل.

چینای سوپر کینګز لوبډلې ګجرات لوبډلې د ۱۷۹ منډو هدف وټاکه، چې دې هدف ته رسېدل ورته پوره ستونزمن ول؛ خو راشد خان پر درې توپونو لس منډې وکړې او د ګچرات تایتانز بریا ته یې لاره اواره کړه.

د ګجرات تایتانز لپاره شوبمن ګیل ۶۳، وجې شنکر ۲۷ او ریدیمن ساها ۲۵ منډې جوړې کړې.

په دې لوبه کې د چینای سوپر کینګز کپتان ایم ایس دوني پر زړه راکښونکې بڼه له معین علي پرته یوازې پېنځه توپ اچونکي وکارول او غوره یې وګڼله، چې راویندرا جدیجا او مچل سانتنر د مسوولیتونو د کارولو ولوبوي.

راجواردان هنګرګیکار په ۴ اورونو کې له ۳۶ منډو ورکولو سره درې ویکتې واخیستې. په داسې حال کې، چې جدیجا او دیشپانده یوه یوه ویکته واخیسته.

د چینای لوبډلې د توپ وهنې په برخه کې روتوراج ګایکواد په یوازې ځان ۹۲ منډې وکړې. معین علي هم ۲۳ منډې ورزیاتې کړې.

راشد خان د لوبې غوره لوبغاړی اعلان شو؛ ځکه، چې هغه معین علي او بین ستوکس وسوځول او یوازې ۲۶ منډې یې ورکړې.

د هند غوره لیګ سږنۍ سیالۍ د جمعې پر ورځ (د وري یوولسمه / د مارچ یو‌دېرشمه) پیل شوې او میلیونونه افغان مینه‌والو ته به هره ورځ د آریانا او آریانا نیوز اوبپاڼو له لارې د لاسرسي او لیدو وړ وي.

په دې لیګ کې ټولټال لس لوبډلې ونډه لري او د اتلولۍ تر پړاو  پورې به ۷۰ سیالۍ وکړي.

پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.

د سږ کال لیګ لوبډلې:

• د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
• د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور

هغه افغان لوبغاړي، چې په سږني لیګ کې لوبیږي:

سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:

• د کلکتې په نایت رایدرز لوبډلې کې رحمان الله ګربز
• په ګجرات تایانز لوبډله کې راشد خان او نور احمد
• په سانرایزرز حیدرآباد لوبډله کې فضل حق فاروقي
• په لکنو سوپر جاینتز لوبډله کې نوین الحق

آریانا تلویزیوني شبکې په خپل دیجیتل پلیت فارمونو کې د کرکت تر ټولو لویې او تر ټولو ډېرې کتل شوې لوبې د هند کرکت غوره لیګ د خپرولو حق ترلاسه کړی دی.

د هند غوره لیګ یا (IPL) سږنۍ سیالۍ، چې د جمعې پر ورځ (د وري یوولسمه / د مارچ یو‌دېرشمه) پیلېږي؛ میلیونونه افغان مینه‌والو ته به د آریانا او آریانا نیوز اوبپاڼو له لارې د لاسرسي او لیدو وړ وي.

دغه سیالۍ هره ورځ د آریانا نیوز او آریانا تلویزیون د اوبپاڼو له لارې په ژوندۍ بڼه خپریږي، چې هېوادوال کولی شي؛ دا په زړه پورې سیالۍ له واټن پرته په خپلو کورونو او هر ځای کې ننداره کړي.

په دغه لیګ او سیالیو کې به د لوبغاړیو په ګډون د کرکت د نړۍ یو شمېر مشهور ستوري یو ځل بیا د کرکت په یوه ستره سیالۍ کې خپل استعدادونه نندارې ته وړاندې کړي.

هغه څه، چې باید پرې پوه شئ:

دا لیګ او سیالۍ به د جمعې پر ورځ ( د وري پر ۱۱ / د مارچ پر ۳۱ ) پیل شي. د تېر کال د اتلولۍ لرونکې لوبډله ګجرات تایتانز به په لومړۍ لوبه کې له چینای سوپر کینګز سره مخ شي.

ټولټال لس لوبډلې به په دې سیالیو کې ونډه ولري او د اتلولۍ تر پړاو  پورې به ۷۰ سیالۍ وکړي.

پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.

آریانا تلویزیون څنګه په دیجیتل پلیت فارمونو کې وګورو؟

• د آریانانیوز اوبپاڼه کېکاږئ
• د آریانا تلویزیون اوبپاڼه کېکاږئ

د هند غوره لیګ کرکت سیالیو بشپړ مهالوېش:

• د سیالۍ مهالوېش

په سږني IPL کې رامنځته شوي بدلونونه:

سږ کال د هند کرکت بورد (BCCI) د IPL په قوانینو او بڼه کې بدلون رامنځته کړی دی.

• د هندوستان د کرکت بورد د غوره لیګ د شپاړسمې دورې د کورنۍ او بهرنۍ سیالۍ تنظیم کړي او لس لوبډلې یې پر دوه ګروپونو وېشلي، چې هر یو یې پېنځه لوبډلې لري. هره لوبډله به د لیګ په پړاو کې ۱۴ لوبې کوي، چې په کې ۷ کورنۍ او ۷ بهرنې لوبې په پام کې نیول شوي دي.
• سږنی لیګ به ۵۲ ورځې په ۱۲ بېلابېلو ځایونو کې ترسره شي
• او په سږني لیګ کې نور ټولیز بدلونونه راغلي دي

د سږ کال لیګ لوبډلې:

• د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
• د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور

هغه افغان لوبغاړي، چې په سږني لیګ کې لوبیږي:

سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:

• د کلکتې په نایت رایدرز لوبډلې کې رحمان الله ګربز
• په ګجرات تایانز لوبډله کې راشد خان او نور احمد
• په سانرایزرز حیدرآباد لوبډله کې فضل حق فاروقي
• په لکنو سوپر جاینتز لوبډله کې نوین الحق

د راپورونو له مخې، ټول افغان لوبغاړي هند ته رسېدلي دي.