Connect with us

لوبی

قطر د فیفا نړیوال جام له رسمي پوسټره مخکتنه وکړه

خپور شوی

د

(Last Updated On: )

د قطر ۲۰۲۲ نړیوال جام ترسره کوونکې کمېټې د چارشنبې پر ورځ د غبرګولي پېنځه ویشتمه د خپلو اړوند سیالیو له رسمي پوسټره مخکتنه وکړه.

د ۲۰۲۲ نړیوال جام سیالۍ د روان کال په مني کې د قطر پر کوربتوب ترسره کیږي.

دا پوسټر قطریانو څلورڅنډیز ډیزاین کړی؛ توپ او هیا ۲۰۲۲ پرې انځوریز شوی، چې نړیوال جام ته د بلنې پوره معنا وړاندې کوي.

د نړیوال جام دغه پوسټر د لومړي ځل لپاره یوې ښځینه هنرمندې ډیزاین کړی دی.

د قطر ښځینه هنرمندې بوثینه المفتاح د ۲۰۲۲ نړیوال جام د پوستر مخکتنه وکړه، چې په قطر او عربي نړۍ کې د فوټبال له نندارې د ملاتړ سمبول دی.

المفتاح څرګندوي: زما الهام د ټولنیزې حافظې ساتنه ده. زما ټول کار پر تېرو تجربو او یادونو راڅرخي، چې له اوسنيو غوښتنو او پوښتنو سره یې نښلوي او په نوې بڼه یې خوندي کوي. ومې غوښتل، چې پوستر جوړوونکي همدا ارزښت خوندي کړي او د قطري فوټبال هڅوب او فرهنګ وړاندې کړي. هو! ما غوښتل، چې دا پوستر په قطر کې د فوټبال ننداره او مینه والو دواړه وښیي. یعنې دا پوستر د ګوترا او ایګل (سنتي سرپوښ) انځوریز کوي، چې په هوا کې څپه ییزه ننداره جوړوي. دا هغه څه دي، چې مینه وال یې د ګول کولو په وخت کې ترسره کوي.

لوبی

پاکستان کاناډا ته پر ماتې ورکولو د لوبډلې هیلې ژوندۍ کړې

د امریکا د نیویارک ښار په دې لوبه کې پاکستان پچه وګټله او کاناډا توپ‌وهنه پیل کړه. دې لوبډلې په ټاکل شویو ۲۰ اورونو کې د اووه لوبغاړو پر سوځېدو پاکستان ته د ۱۰۷ منډو ټیټ هدف وټاکه.

Published

on

(Last Updated On: )

رویټرز راپور ورکړی، چې د سې‌شنبې پر ورځ پاکستان د محمد رضوان او لوبډلمشر بابر اعظم پر چټکو هڅو وکولی شول، چې کاناډا ته د اووه ویکټو پر توپیر ماتې ورکړي او د کرکټ ۲۰ اوریز نړیوال جام سوپر اتم پړاو ته د رسیدو هیلې ژوندۍ وساتي.

پاکستان په الف ګروپ کې درې لوبې کړي، چې د یوې هغې پر ګټلو يې درېیم ځای له دوه نمرو سره خپل کړ. که د ګروپ دوه نور مخکښ هېوادونه؛ هند او امریکا خپلې دواړه پاتې لوبې له لاسه ورکړي او پاکستان د یکشنبې پر ورځ له ایرلینډ څخه لوبه وګټي، نو بل پړاو ته به لار ومومي.

کاناډا هم په دوه نمرو کې د امریکا یا هند ماتې ته اړتیا لري او د شنبې پر ورځ هم هند ته ماتې ورکړي، چې په دوه غوره لوبډلو کې پاتې شي.

د امریکا د نیویارک ښار په دې لوبه کې پاکستان پچه وګټله او کاناډا توپ‌وهنه پیل کړه. دې لوبډلې په ټاکل شویو ۲۰ اورونو کې د اووه لوبغاړو پر سوځېدو پاکستان ته د ۱۰۷ منډو ټیټ هدف وټاکه.

پاکستان وکولی شول، چې په اتلسم اوور کې د درې لوبغاړو پر سوځېدو دغه هدف پوره او لوبه وګټي.

د کاناډا لپاره ارون جانسن تر ټولو زیاتې ۵۲ منډې کړي او د پاکستان لپاره محمد رضوان له نورو زیاتې ۵۳ منډې وکړې او تر پایه په ډګر کې پاتې شو.

د پاکستان په توپ‌اچوونکیو کې محمد عامر او حارث روف دوه – دوه ویکټې واخیستې او شاهین افریدي او نسیم شاه یو – یو لوبغاړي وسوځول.

پاکستان له دې مخکې هند او امریکا ته لوبه بایللې ده.

د ۲۰ اوریز نړیوال جام د لومړي پړاو وروستۍ لوبه یې د یکشنبې پر ورځ ( د غبرګولي اووه‌ویشتمه) له ایرلینډ سره ده.

د پاکستان لوبډلې غوره لوبغاړي عامر ويلي: دا ډېره مهمه بريا ده.

آریانا ټلویزیون د شل اوریز نړیوال جام سیالۍ پر ژوندۍ بڼه خپروي.

 

ورته نور خبرونه: 

هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه

د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه

Continue Reading

لوبی

هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه

Published

on

(Last Updated On: )

د هند کرکټ لوبډلې د یکشنبې پر ورځ ( د غبرګولي شلمه ) په یوه زړه‌راکښونکې لوبه کې خپل پخواني سیال پاکستان ته د ۶ ویکتو پر توپیر ماتې ورکړه.

که څه هم د هند لوبډلې په ۲۰ اورونو کې یوازې ۱۱۹ منډې جوړې کړې، چې په ۲۰ اوریز کرکټ نړیوال جام کې ډېر کمزوری هدف دی؛ خو د پاکستان لوبډله بریالۍ نشوه، چې ځان ورورسوي او په ۲۰ اورونو کې یې ۱۱۳ منډې جوړې او لوبه وبایلله.

د تېرې شپې په لوبه کې د هند لوبډلې پیل ښه و؛ خو د خپل لوبډلمشر روهیت شرما او د دې لوبډلې د نومیالي لوبغاړي ویرات کوهلي له ډګره وتلو د دوی د منډو چټکتیا اغېزمنه کړه.

د ۱۲۰ منډو هدف ترلاسه کول د پاکستان په شان د یوې داسې لوبډلې لپاره، چې د کرکټ لوبې په ډګر کې کلونه – کلونه تجربه لري؛ ستونزمن کار نه و، خو د دې لوبډلې لوبغاړي پر له‌پسې له میدانه ووېستل شول او ونه توانېدل د هند ټاکل شوی هدف پوره کړي.

له دې ماتې سره پاکستان غوره اته سیالیو ته د لار موندلو چانس ستونزمن کړ. دا لوبډله باید خپلې راتلونکې دواړه لوبې د ایرلینډ پر وړاندې داسې وګټي، چې د نمرو په لښتیلیک کې له امریکا لوړ شي. پرته له دې به له سیالیو ووېستل شي.

د کرکټ نړیوال جام په ټولو سیالیو کې، چې هند له پاکستان سره لوبېدلی؛ یوازې یوه لوبه پاکستان لوبډلې ګټلې ده.

د پاکستان راتلونکې لوبه د غبرګولي پر دوه‌ویشتمه / د جون پر یوولسمه له کاناډا سره او وروستۍ لوبه یې د غبرګولي پر اووه‌ویشتمه / د جون پر شپاړلسمه له ایرلینډ سره ده.

د هند له توپ‌وهنې وروسته وړاندوینې د پاکستان پر ګټه وې او ویل کېدل، چې ښايي د هند دا هدف اسانه ترلاسه کړي؛ خو د هند نومیالي توپ‌اچوونکي جسپریټ بومرا د پاکستان لوبډلمشر بابر اعظم او محمد رضوان له مخې لرې کړل او د پاکستان لوبډلې ته یې کلک ګوزار ورکړ.

بومرا په څلور اورونو کې یوازې ۱۴ منډې ورکړې او درې پاکستاني لوبغاړي یې وسوځول.

له لوبې وروسته د پاکستان پخواني لوبډلمشر وسیم اکرم لوبډلې ته په نغوته کې وویل: د پاکستان لوبډله پرته له ځانه هیڅ دښمن ته اړتیا نلري.

پاکستان په الف ګروپ کې له هند، ایرلینډ، کاناډا او امریکا سره دی. په دې ګروپ کې ټولو لوبډلو دوه – دوه لوبې کړې دي.

په دغو سیالیو کې هند لومړی، امریکا دوه‌یم، کاناډا درېیم، پاکستان څلورم او ایرلینډ په پېنځم ځای کې دي.

د یکشنبې له لوبې سره هند دوه بریاوې لري او پاکستان دوه‌یمه لوبه هم وبایلله. پاکستان، چې په لومړۍ لوبه کې له امریکا ماتې خوړلې؛ اوس به یې د ۲۰ اوریز کرکټ نړیوال جام په راتلونکي پړاو کې د ګډون چانس لږ وي.

لوبې پر ژوندۍ بڼه ګورئ!

آریانا نړیوال راډیو او ټلویزیون د ۲۰ اوریز نړیوال جام لوبې پر ژوندۍ بڼه خپروي.

د دې سیالیو په اړه خبرونه او تازه معلومات به په منظمه توګه د آریانانیوز په اوبپاڼه او ټولنیزو شبکو کې خپریږي؛ نو، ځکه له مونږ سره پاتې شئ.

Continue Reading

لوبی

د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه

Published

on

(Last Updated On: )

د افغانستان کرکټ ملي لوبډلې د ۲۰ اوریز نړیوال جام سیالیو په خپله دوه‌یمه لوبه کې نیوزیلینډ ته د ۸۴ منډو پر توپیرلومړنۍ تاریخي ماتې ورکړه.

د دې لوبې پچه د نیوزیلینډ لوبډلې وګټله او افغانستان ته یې د توپ‌وهنې بلنه ورکړه. افغانستان په ټاکلو ۲۰ اورونو کې د ۶ لوبغاړو پر سوځېدو ۱۵۹ منډې جوړې کړې.

رحمان الله ګربز پر ۵۶ توپونو ۸۰ او ابراهیم ځدراڼ پر ۴۱ توپونو ۴۴ منډې جوې کړې. ګربز د لوبې غوره لوبغاړی وپېژندل شو.

د نیوزیلینډ لوبډله، چې د ۲۰۲۱ کال په نړیوال جام کې د دوه‌یمې درجې مقام ته رسېدلې وه؛ د افغانستان د ۱۶۰ منډو هدف په پوره کولو کې پاتې راغله او د ۱۵.۲ اورونو پرمهال د ۷۵ منډو پر جوړولو له ډګره ووتله.

راشد خان په ۴ اورونو کې ۴ ویکټې واخیستې او ۱۷ منډې یې ورکړې او فضل الحق فاروقي په ۳.۲ اورونو کې همدومره ویکټې واخیستې او ۱۷ منډې یې ورکړې او محمد نبي دوه ویکټې واخیستې.

د نیوزیلینډ لوبډلمشر کین ویلیامسن له لوبې وروسته ویلي: افغانستان ته دې مبارک وي؛ دوی په هره څانګه کې له مونږ څخه ښه لوبه وکړه. دوی پخپلو مهارتونه زمونږ لپاره وضعیت ستونزمن کړی و.

دا د افغانستان د کرکټ ملي لوبډلې دوه‌یمه بریا وه، چې د شل اوریز نړیوال جام په سیالیو کې یې خپله کړه.

په لومړۍ لوبه کې افغانستان یوګانډا ته د ۱۲۵ منډو پر توپیر ماتې ورکړه.

افغانستان به خپله بله لوبه د جمعې پر ورځ د افغانستان په وخت مازدیګر پېنځه بجې له پاپوا نیو ګیني سره ترسره کوي.

د یادونې ده، چې آریا نا راډیو ټلویزیون دا سیالۍ پر ژوندۍ بڼه خپروي.

Continue Reading

Trending

Copyright © 2022 Ariana News. All rights reserved!