Connect with us

تازه خبرونه

له ماسک سره د آیفون چټکه پرانسته شونې شوه

خپور شوی

 په

(Last Updated On: غبرګولى ۲, ۱۳۹۹)
 
په نړۍ کې له کرونا ویروسه د رامنځته شوي بشپړ بحران له کبله اپل شرکت خپلو پیرودونکیو ته له ماسک سره د آی فونونو د چټکې پرانستې لار چمتو کړې ده.

د اپل ډېري کاروونکيو ته د کرونا له خوریدو سره سم پر څېره پېژندنه د ګرځند خلاصولو ستونزې راپورته کړې؛ خو اپل شرګت د چهارشنبې پر ورځ د iOS وروستي تازه معلومات خپاره کړل، چې ورسره یاده ستونزه له منځه ولاړه.

د CNN د څرګندونو له مخې؛ د iOS تازه معلوماتو د ګرځند کاروونکیو ته اجازه ورکړې، چې پرته له ماسک لیرې کولو د ګرځند پاسورډ وپېژني او ګټې اخیستنې ته یې چمتو کړي.

اپل شرکت د ګوګل په همکارۍ داسې یوې ټکنالوژۍ ته لاسرسی موندلی، چې د ګرځند کاروونکي پرې پر کرونا ویروس له اخته کسانو سره له اړیکې خبروي.

دا ټکنالوژي به له دواړه شرکتونو سره په اوږدمهاله توګه مرسته وکړي، چې روغتیایي صنعت ته وردننه شي.

اپل د چهارشنبې پر ورځ په ډاګه کړې، چې د دغې ټکنالوژۍ لپاره د امریکا په ګډون ۲۲ نورو هېوادونو غوښتنې کړي او په راروانو اوونیو کې به یې کچه له دې هم لوړه شي.

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

تازه خبرونه

امریکا ختیځې آسیا ته د جوبایډن د سفر په درشل کې شمالي کوریا وګواښله

خپور شوی

په

توسط

(Last Updated On: غویی ۲۹, ۱۴۰۱)

رویټرز خبري آژانس راپور ورکړی، چې سپینې ماڼۍ ويلي؛ جنوبي کوریا او جاپان ته د ولسمشر جوبایډن د سفر پر مهال امریکا چمتو ده، چې د شمالي کوریا د هر راز شونې هڅې ځواب ووایي.

د امریکا د ملي امنیت سلاکار جیک سلیوان پرون (چهارشنبه د غویی ۲۸) یوې خبري غونډې ته وویل، امریکا داسې معلومات تر لاسه کړي، چې شمالي کوریا غواړي د امریکا د ولسمشر جو بایډن د سفر په درشل کې د خپلو لرې واټن ویشتونکیو توغندیو او اټومي وسلو تجربه ترسره کړي.

جیک سلیوان زیاته کړې؛ امریکا ختیځې آسیا ته د ولسمشر د سفر په بهیر کې د ورته پارونو د شونتیا په ګډونه د هرې پېښې د شنډولو لپاره ځوابي چمتووالی نیولی دی.

دغه لوړپوړي امنیتي چارواکي ویلي، چې واشنګټن له سویلي کوریا او جاپان سره نږدې مشورې لري او د چین له لوړ پوړي ډیپلوماټ یانګ جیچیوف سره د ټیلیفوني اړیکې پرمهال یې ورسره د سهیلي کوریا د د شونې هڅې په اړه هم خبرې کړې دي.

ټاکل شوې، چې بایډن به په روانه اوونۍ کې خپل لومړنی آسیایي درې ورځنی سفر سیول ته پیل کړي او له یکشنبې څخه تر سې شنبې پورې به جاپان ته سفر وکوي.

Continue Reading

Trending

Copyright © 2022 Ariana News. All rights reserved!