Connect with us

تازه خبرونه

حکومت په کابل ښار کې د قرانطین لیرې کولو پړاویزه طرحه تائید کړه

خپور شوی

د

Last Updated on: غبرګولى ۲, ۱۳۹۹

کابل والي ویلي؛ د افغانستان کابینې یوه طرحه تائید کړې، چې له مخې به یې د کابل ښار پر یو شمېر برخو او بنسټونو لګیدلي بندیزونه په پړاویزه توګه لیرې شي.

کابل والي محمد یعقوب حیدري د پنجشنبې پر ورځ په یوه خبري ناسته کې څرګنده کړه، چې دغه طرحه له کرونا ویروس سره د مبارزې کمیتې د حکومت کابینې ته وړاندې کړې او حکومت هم تائید کړې او له اختر وروسته به پلې شي.

نوموړي زیاته کړې؛ د دغې طرحې له مخې ځینې صنفونه  به په عادي او ځینې نور به په نوبتي ډول په ځانګړیو شرایطو خپل کارونه روان ساتي.

هغه خبرداری ورکوي، چې د اختر په لومړیو درې ورځو کې به کابل په بشپړه توګه قرنطین وي او هیڅوک به په ښار کې د ګرځیدو اجازه ونلري.

د نوموړي د څرګندونو له مخې؛ د خوراکي توکو، تازه میوې او سبو پلورنځي، بټیاريانې، درملتونونه، روغتیایي مرکزونه، قصابۍ، مرسته رسوونکې موسسې، بانکونه، د تېلو ټانکونه او هغه رستورانټونه، چې یوازې خواړه پخوي او پلوري یې په عادي ډول خپل کارونه تر سره کوي.

دغه راز فلز کارۍ، د برقي وسایلو پلورنځي، نجارۍ، موبایل پلورنځي، د ترمیم ورکشاپونه به له غرمې وروسته له دوه بجو تر پېنځه بجو کار کوي.

پلورنځي او د ساختماني موادو د تولید مرکزونه به د سهار له اته بجو د ماسپښین تر دوو بجو کار کوي.

د وچې میوې، جامو، بوټونو، قرطاسیې، تکتونو او مینځونکیو توکو پلورنځي به د سهار له اته بجو د ماسپښین تر دوه بجو خلاص وي.

نور کوچنی اصناف به د غرمې له ۱۲ بجو څخه  تر پېنځه بجو کار کوي.

زرګري د اوونۍ په درې طاق ورځو کې د ورځې له دوه بجو تر شپږ بجو کار کوي.

مدافع وکیلان، بنجاره، سینګارخونې او سلمانۍ به د ورځې له دوه بجو د شپې تر اته بجو کار کوي.

د باغ قاضي منډیي، پل باغ عمومي، د لیسه مریم بازار، سرای شمالي او نور به د سهار له اته تر ۱۲ بجو پرانیستي وي.

امبولانسونه، اطفائیه، دولتي وسایط، روغتیایي کارمندان، ډیپلوماټان، حکومتي چارواکي، د ملي شورا غړي، مخابراتي شبکې، تلویزیونونه او خبرنګاران به په عادي ډول کار کوي.

باروړونکي موټر به د شپې له نهه بجو د سهار تر پېنځه بجو، جفت پلیټ لرونکي تیز رفتار موټر به په جفتو ورځو او د تاق پلیټ لرونکي به په تاقو ورځو کې کار کوي.

د کابل والي همدارنګه ټینګار کوي، چې د اختر په ورځو کې به کابل سل په سلو کې قرنطین وي او هیچا ته به د ګرځیدو اجازه نه ورکول کیږي.

مسوولین له ټولو خلکو غواړي، چې په دې برخه کې له حکومت سره همکاري وکړي او له کرونا ویروسه د رامنځته کیدونکي ناورین مخه ونیسي.

دا په داسې حال کې ده، چې په هېواد کې پر کرونا د اخته کسانو شمېر ۸۶۷۶ ته رسیدلی او تر دې دمه ترې ۱۹۳ کسان مړه شوي او ۹۳۸ ترې رغیدلي دي.

تازه خبرونه

سویډن د افغانستان د پخواني سفیر د پناه غوښتنه رد کړه؛ امریکا ته یې د لېږلو هڅه کوي

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

Published

on

 

د فرانسې« لومونډ» ورځپاڼې راپور ورکړی، چې سویډن په دې هېواد کې د افغانستان د پخواني سفیر عباس نویان د پناه غوښتنه رد کړې او غواړي هغه امریکا ته ولېږدوي.

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

د« لومونډ» د راپور له مخې، نویان اوس له معتبر اقامتي اسنادو پرته له خپلې مېرمنې سره د سویډن په جنوبي ښار هلسینګبورګ کې ژوند کوي او د ایستلو له ګواښ سره مخ دی.

نویان په سویډن کې د افغانستان د سفیر له ټاکل کېدا مخکې له ۲۰۰۵ز.کال څخه تر ۲۰۱۰ ز.کال پورې په کابل کې د افغانستان د پارلمان د غړي دنده ترسره کړې وه.

نوموړی له پارلماني دندې مخکې په امریکا کې هم اوسېدلی دی.

#آریانا‌نیوز #افغانستان #سویډن #عباس‌نویان #پناه‌غوښتنه #امریکا

Continue Reading

تازه خبرونه

افغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

Published

on

 

افغانان نن( پنجشنبه د لړم اته‌ویشتمه / د نومبر نولسمه) په ملګرو ملتونو کې د خپل رسمي غړیتوب اتیایمه کلیزه نمانځي. افغانستان په ۱۹۴۶ز. کال کې د ملګرو ملتونو غړی شوی دی.

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

په تېرو اتیا کلونو کې افغانستان له پراخو سیاسي بدلونونو سره-سره خپل غړیتوب ساتلی؛ خو په ملګرو ملتونو کې د افغانستان د استازولۍ د څوکۍ پر سر اوس هم اختلاف روان پاتې دی.

په دې اته لسیزو کې افغانستان له پراخو سیاسي بدلونونو سره ـ سره په ملګرو ملتونو کې له شاهي نظام له پای ته رسېدا او د شوروي اتحاد له یرغل څخه نیولې تر کورنیو جګړو، د اسلامي امارت د دوه پېره واکمنۍ او د ۲۰۲۱ز.کال د اګست پر مهال د جمهوري نظام تر سقوط پورې خپل غړیتوب ساتلی دی.

په دې موده کې افغان ډیپلوماټانو د سولې، امنیت، پراختیا او بشري حقونو په اړه په نړیوالو ناستو او خبرو کې ونډه اخیستې ده. په دې لړ کې عبدالرحمن پژواک له ۱۹۵۸ز.کال څخه تر ۱۹۷۹ز.کال پورې په ملګرو ملتونو کې د افغانستان دایمي استازی و او په ۱۹۶۶ز. کال کې د دې ټولنې د عمومي غونډې د یوویشتمې غونډې د مشر په توګه وټاکل شو. همدارنګه عادله راز په ۲۰۱۹ز.کال کې د افغانستان لومړنۍ ښځینه دایمي استازې شوه. ثریا دلیل هم له ۲۰۱۵ څخه تر ۲۰۱۹ز. کال پورې په ژنیو کې د افغانستان دایمي استازې وه.

د ۲۰۲۱ز.کال د اګست له سیاسي بدلونونو وروسته په ملګرو ملتونو کې د افغانستان د استازولۍ موضوع نوي پړاو ته دننه شوه؛ غلام‌محمد اسحاق‌زي، چې هغه مهال د افغانستان دایمي استازی و د جمهوري نظام له سقوط وروسته په لومړیو میاشتو کې پر خپله دنده پاتې و او وروسته نصیراحمد فایق د ۲۰۲۱ز.کال په ډسمبر کې د افغانستان د استازولۍ چارسمبالي شو. په ژنیو کې هم نصیراحمد اندیشه د افغانستان پر استازیتوب خپلې هڅې روانې ساتلې دي.

اسلامي امارت په ملګرو ملتونو کې د افغانستان څوکۍ خپل استازي ته د سپارلو غوښتنه وکړه؛ خو د ملګرو ملتونو د عمومي غونډې د اعتبارلیکونو کمیټې تر اوسه د سیالو اعتبارلیکونو په اړه وروستۍ پرېکړه نه‌ده کړې او د تېر حکومت له‌خوا معرفي شوي استازي اوس هم د افغانستان د استازولۍ په څوکۍ کې پاتې دي.

دغه راز په ملګرو ملتونو کې د افغانستان د رایې حق له ۲۰۲۴ز.کال راپدېخوا د کلني غړیتوب د فیس د نه‌ورکړې له کبله ځنډول شوی دی. د افغانستان اوسنۍ استازولۍ د اسلامي امارت مالي سرچینو ته لاسرسی نه‌لري او د دغه هېواد د غړیتوب د پاتې پورونو ورکړه هم نه‌ده حل شوې.

ملګري ملتونه او د هغوی اړوند بنسټونه هم د افغانستان په بېلابېلو برخو کې فعالیت کوي.

دغه بنسټونه د بشري مرستو، روغتیا، زده‌کړو، پراختیا، بشري حقونو او د نړیوالو مرستو د همغږۍ په برخو کې کار کوي. په افغانستان کې د ملګرو ملتونو د مرستندویه پلاوي( یوناما) ماموریت په ۲۰۰۲ز.کال کې رامنځته شو او اوس هم د سیاسي تعامل، د بشري حقونو د وضعیت د څارنې او له نړیوالو شریکانو سره د همغږۍ په برخو کې فعالیت کوي.

په ملګرو ملتونو کې د افغانستان د غړیتوب له ۸۰ کلونو تېرېدا سره – سره اوس هم افغانستان د دې ټولنې غړی دی؛ خو د اوسني حکومت د استازولۍ او په عمومي غونډه کې د افغانستان د رایې حق موضوعات له هغو ناحل شویو ننګونو څخه دي، چې د افغانستان او دې نړیوال بنسټ ترمنځ په اړیکو کې پاتې دي.

#آریانا‌نیوز #افغانستان #ملګري‌ملتونه #غړیتوب #یوناما #اسلامي‌امارت #استازولي #بشري‌حقونه

Continue Reading

تازه خبرونه

اسلامي امارت په افغانستان کې د داعش خراسان د پیاوړتیا په اړه د ملګرو ملتونو اندېښنه رد کړه

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

Published

on

 

د اسلامي امارت ویاند ذبیح‌الله مجاهد په افغانستان کې د داعش خراسان د وړتیاوو د زیاتېدا په اړه د ملګرو ملتونو د چارواکو اندېښنه رد کړې او دغه اندېښنې یې پر ناسمو معلوماتو ولاړې بللې دي.

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

د اسلامي امارت دغه غبرګون له هغې وروسته څرګند شوی، چې د ترهګرۍ پر وړاندې د مبارزې په چارو کې د ملګرو ملتونو د سرمنشي مرستیال الکساندر زویوف د داعش خراسان د وړتیاوو د زیاتېدا او پرمختللو تجهیزاتو ته، چې بې‌پیلوټه الوتکې هم په کې دي؛ د داعش د لاسرسي په اړه اندېښنه څرګنده کړې وه.

Continue Reading
Advertisement

Trending

Copyright © 2026 Ariana News. All rights reserved!