Connect with us

لوبی

مالیزیا د آسیا ۲۰۲۳-۲۴ لمانز موټرځغلونې سیالیو کوربه‌توب کوي

خپور شوی

د

(Last Updated On: ليندۍ ۱۱, ۱۴۰۲)

د مالیزیا د آسیا ۲۰۲۳۲۴ لمانز د موټر ځغلونې ولوله راپاروونکې سیالۍ د شنبې پر ورځ ( د لیندۍ پر ۱۱ / د دسمبر پر ۲ نېټه) د دې هېواد په سپانګ نړیوال ډګر کې پیل کیږي.

د دې سیالیو تېر پړاو د ډېرو لیدونکیو او ننداره‌کوونکیو شاهد و او راتلونکی پړاو د ډېرې لیوالتیا زیری وړاندې کوي.

د پرانستې پړاو دا پړاو د شنبې پر ورځ د سپانګ په نړیوال ډګر کې له ټولې نړۍ څخه د ۳۹ موټرو او۱۱۷ چلوونکیو په شتون کې ترسره ترسره کیږي.

په موټر چلوونکیو کې به د FIA د لمانز ۲۴ ساعتونو د نړیوال استقامت اتلولۍ ډېري ګټونکي لوبغاړي هم وي.

په لیست کې ځانګړي تکړه درایوران هم شته، چې د  GT جوړوونکیو لخوا یې ملاتړ کیږي.

آسیا ته راستنېدا د آسیا ډېر استعدادونه راجلب کړي دي او په دې پړاو سیالیو کې به د آسیا – آرام سمندر له سیمې ځینې خورا تکړه چلوونکي شتون ولري.

د ۳۹ موټرو د ۲۰۲۳-۲۴ اتلولیو لومړی پړاو د سپانګ نړیوال ډګر کې سیالي کوي، چې دا به په مالیزیا کې د آسیا ترټولو لوی لمانز سیالۍ وي.

د سپانګ نړيوال لوبغالي د دې سياليو په تاريخ او پرمختګ کې مهم رول لوبولی دی او د لومړي ځل لپاره آسيايي لمانز سيالۍ پر ٢٠١٤ ز.کال په همدې ډګر کې تر سره شوې.

د آسیا لمانز سیالۍ هر کال د ودې په حال کې دي، چې د نړۍ ترټولو بریالي تکړه لوبډلې جذبوي او همدارنګه په سیمه کې نوي راپورته کیدونکي استعدادونو ته وده ورکوي.

کلیزې ته د سپانګ له بېرته راستنیدو سره به دې پړاو ته پېنځه نورې سیالۍ ورزیاتې شي او دا د لیدو وړ سیالۍ به د دوبۍ اتودروم او یاس مرینا لوبغلیو کې هم ترسره شي.

د تل په څیر لوبغالي او چلوونکي به نه یوازې د اتلولۍ لپاره سیالي وکړي، بلکې په ۲۰۲۴ کې به د لمانز ۲۴ ساعتونو ته هم بلنه ورکړ شي. د LMP2 او GT ډلې اتلان به دواړه د سیالۍ لپاره بلنه ترلاسه کړي.

د لوبو نېټې په لاندې بڼه دي:

لومړۍ لوبه: سیپانګ (مالیزیا) – د دسمبر ۲کال ۲۰۲۳

دوه‌يمه لوبه: سپانګ (مالیزیا) – د دسمبر ۳ نېټه

درېیمه سیالي: دوبۍ ( عربي متحده امارات) – د فبرورۍ ۴ کال ۲۰۲۴

څلورمه لوبه: یاس مارینا ډګر (ابوظبي) – د فبرورۍ ۱۰

پېنځمه لوبه: یاس مارینا ډګر (ابوظبي) – د فبرورۍ ۱۱

د لیوالو لپاره

آریانا تلویزیون یو ځل بیا ډاډ تر لاسه کړ، چې یوځل بیا به افغانان په ټول هېواد کې د دغو زړه‌راکښونکیو سیالیو د لیدو برخمن شي.

آریانا تلویزیون به ډېر ژر د سیالیو د خپرېدو نېټه او وخت اعلان کړي.

لوبی

د افغانستان پر وړاندې دردوونکې ماتې مې له سترګو خوب وتښتاوه – بابر اعظم

Published

on

(Last Updated On: وری ۲۱, ۱۴۰۳)

د پاکستان کرکټ ملي لوبډلې لوبډلمشر بابر اعظم ویلي، چې د ۲۰۲۳ ز. کال په کرکټ نړیوال جام کې د افغانستان پر وړاندې د پاکستان ماتې “خورا دردونکې” وه او د لوبې له بایللو وروسته یې ټوله شپه خوب ندی کړی.

بابر اعظم A sport ته ویلي: دا لوبه زما لپاره ډېره دردونکې وه؛ ځکه، چې په نړیوال جام کې د افغانستان پر وړاندې ماتې ډېر توپیر درلود.

هغه زیاته کړې: زه فکر کوم، چې هغو ډېر ښه کرکټ وکړ او مونږ هغه څه ونشول کولی لکه څنګه، چې ورته اړتیا وه. مونږ هڅه وکړه او ښې منډې مو جوړې کړې؛ خو څرنګه، چې دواړه لوبغاړي (ابراهيم ځدراڼ او رحمت شاه) لوبه کوله، داسې نه ښکارېده، چې لخ ډګره به ووځي؛ د دوی وړتیاوې باید ومنل شي.

بابر زیاته کړې: هغه ورځ زما لپاره يوه سخته ورځ وه. ما پر هغه ورځ خوب ونشو کولی. دې [ماتې] زما زړه سخت ودرداوه.

بابر اعظم بیا د دې ناکامۍ پر څرنګوالي غور وکړ او څرګندوي، چې تجربه د داسې حالاتو په اداره کولو کې مرسته کوي.

هغه وایي: وګورئ، بریا پرې لږ څه وخت نیسي؛ یو یا دوه ورځې … هرڅومره، چې ډېره لوبه وکړئ، څومره تجربه مومئ، پوهیږئ، چې څنګه ځان سمبال کړئ.

افغانستان د ۲۰۲۳ ز. کال په کرکټ نړیوال جام سیالیو کې پاکستان ته د ۸ ویکټو پر توپیرماتې ورکړه.

رحمان الله ګربز، ابراهیم ځدراڼ او رحمت شاه له پنځوسو ډېرې منډې وکړې او نور احمد درې ویکټې واخیستې.

د دغې لوبې غوره لوبغاړي ابراهیم ځدراڼ، چې ۸۷ منډې یې کړې وې؛ خپله جایزه له پاکستان څخه د جبري ایستنې کډوالو ته ډالۍ کړه او افغانانو یې د دې کار پوره ستاینه وکړه.

دا په نړیوالو یو ورځنیو سیالیو کې د پاکستان پر وړاندې د افغانستان لومړۍ بریا وه.

د یادونې ده، چې دا دوه لوبډلې اووه ځله په دې ډول سیالیو کې له یو بل سره مخ شوي دي.

Continue Reading

لوبی

آریانا ټلویزیون د افغانستان فوټبال اتلانو لیګ درېیم پړاو خپروي

Published

on

(Last Updated On: وری ۲۰, ۱۴۰۳)

د آریانا ټلویزیون نړیواله شبکه څرګندوي، ​​چې د افغانستان فوټبال اتلانو لیګ درېیم پړاو به پر ژوندۍ قانوني او ځانګړې بڼه تولید او خپور کړي.

د آریانا ټلویزیون، فوټبال فډراسیون او ویکټور انرژی ترمنځ نن (یکشنبه د وري نولسمه) د دوه اړخیز او درې اړخیز تړون د لاسلیک مراسم ترسره شول.

د دغه تړون له مخې به آریانا ټلویزیون د هېواد د اتلانو لیګ درېیم پړاو سیالیو د تولید او خپراوي مسوولیت پر غاړه ولري.

د افغانستان اتلانو لیګ سیالۍ به د ویکټور انرژۍ پر مالي مرسته او د فوټبال فډراسیون د ۵ زره کسیز لوبغالي پر کوربتوب ترسره شي.

ټاکل شوې، چې دغه سیالۍ به د ۳۳ ورځو لپاره په ۶۶ سیالیو کې ترسره شي.

په دې سیالیو کې به د افغانستان ۱۲ غوره لوبډلې ( سرسبز یاشلر فاریاب، واحدي کندوز، اټک انرژي هرات، سرخ پوشان هرات، عصمت لغماني، ابو مسلم فراه، استقلال کابل، خدیم اف‌سي سرپل، خرآسان، عینو مېنه کندهار، عدالت فراه اف‌سي او موج ساحل) لوبډلې ګډون ولري.

د يادونې ده، چې دغه ​​زړه راکښونکې سپورټي سيالۍ به د غوایی پر لومړۍ / د اپرېل شلمه په کابل ښار کې پيل شي.

Continue Reading

لوبی

مبارز خپل فرانسوي سيال مات کړ

Published

on

(Last Updated On: وری ۱۲, ۱۴۰۳)

د ازادو سیالیو افغان لوبغاړي باز محمد مبارز خپل فرانسوي سیال ته د نمرو پر توپیر ماتې ورکړه.

دا لوبه د تایلینډ د پوکټت ښار په M2MMA ټولنه کې ترسره شوه.

دغه دوه لوبغاړي په درې پېنځه دقیقه‌یي لوبو کې سره مخ شول.

له دې سیالیو مخکې مبارز ۱۷ ځلې د خپلو سیالانو پر وړاندې لوبه کړې، چې په خپل مسلک کې ۱۱ بریاوې او ۷ ماتې لري، چې له دې سره یې دولسمه بریا خپله کړه.

Continue Reading

Trending

Copyright © 2022 Ariana News. All rights reserved!