Connect with us

سوداگري

مالیې وزارت د ۱۴۰۲ کال د بودجې جوړولو بهیر پیل کړ

خپور شوی

د

(Last Updated On: مرغومی ۱۴, ۱۴۰۱)

د ماليي وزارت د مسوولینود څرګندونو له مخې؛ دې وزارت د نوي مالي ۱۴۰۲ ل.ل کال د بودجې جوړولو لپاره د ټولو دولتي اداري واحدونو وړا ندیزونو راټول کړي او کابیني ته  به یې د تائید لپاره وړاندې کړي.

د ماليي وزارت که څه هم د راتلو نکي مالي کال د بودجې بشپړ ارقام  نه وړاندې کوي؛ خو وایي، چې بودجه به د روان کال د بودجې پر پرتله زیاته وي.

سرچینې زیاته کړې، چې د راتلونکي کال لپاره د ټولو دولتي اداري واحدونو اړتیاوې او وړاندیزونه د ماليي وزارت ته رارسیدلي دي. ماليي وزارت هم د خپلو عوایدو پر بنسټ هغه  پروژو ته لومړیتوب ورکړی،  چې اړینې او ولس ورته زیاته اړیتا لري.

د ماليې وزارت ویاند احمد ولي حمقل وایي: د راتلونکي کال د بودجې جوړولو بهیر روان دی؛ دولتي ادارو د خپلو پروګرامونو د پلي کولو وړاندیزونه کړي، چې له ارزونې وروسته د بودجې ریاست ته استول کیږي. مونږ د خپلو عوایدو پر بنسټ ورته بودجه په نظر کي نیوسو. زمونږ بودجه ټوله د کورنیو عوایدو څخه تمویل کیږي، چې د روان کال پر پرتله به زیاته وي.

نوموړي زیاته کړې؛ د هېواد د صادراتو اوعوایدو د راټولولو په بهیر کې د پام وړ زیاتوالی راغلي؛ ځکه، چې  له سیمي او ګاونډ هېوادونو سره مو د اقتصادي اړیکو د پراختیا لپاره هڅې زیاتې کړي او د خصوصي  سکتور د فعالیتونو د اسانتیاوو د را منځته کولو لپاره به هڅې نورې هم چټکې کړي.

د ماليي وزارت ویاند احمد ولي حمقل دا هم ویلي، چې د روان کال په لومړیو میاشتو کې مو له یو میلیارد دالرو زیات صادرات کړي، چې دا مو د هېواد په تاریخ کې نه وه شوي او دا بهیر اوس هم  په منظم  ډول   پرمخ روان روان ساتل شوی دی. 

د مالیې وزارت د مسوولینو د څرګندونو له مخې؛ د ۱۴۰۱ مالي کال ټوله بودجه ۲۳۱ میلیارد افغانۍ وه،  چې ۲۰۶ میلیارد افغانۍ عادي او ۲۷.۹ میلیارد افغانۍ یې  پراختیايي  بودجه ده؛ خو سږنۍ  بودجې ۴۴ میلیارد افغانۍ کسر درلود.

سوداگري

د صنایعو او سوداګرۍ وزارت چارسمبالي د تاتارستان له ولسمر سره وکتل

Published

on

(Last Updated On: غویی ۲۷, ۱۴۰۳)

د صنایعو او سوداګرۍ وزارت چارسمبالي نورالدین عزیزي په کازان ښار کې د «روسیه – اسلامي نړۍ» د پېنځلسمې نړیوالې اقتصادي ناستې په څنډه کې د تاتارستان له ولسمشر رستم مینی خانوف، د روسیې فډراسیون له مرستیال دیمیتري ولواچ او د تاتارستان د صنایعو او سوداګرۍ وزیر اولیګ کوروبچینکو سره بحث او خبرې وکړې.

د صنایعو او سوداګرۍ وزارت د چارشنبې پر ورځ  د غویی شپږویشتمه په ایکس پاڼه کې له دې غونډې خبر ورکړی دی.

د خبرپاڼې له مخې؛ په دې کتنه کې دواړو لوریو پر دوه اړخیزو سوداګریزو مسایلو، په افغانستان کې د روسیې سوداګرۍ خونې جوړېدو، کابل ته د تاتارستان د ولسمشر سفر، د برښنا تولید، د اوبو لېږد، کانونو، فرهنګي او اقتصادي همکاریو، د عملي ګامونو ، دې هېواد ته د روسيې د صادراتي توکو لېږد او جنوبي آسيا ته د ولګا ټرانزيټي لارې خبرې اترې وکړې.

Continue Reading

سوداگري

تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره

Published

on

(Last Updated On: غویی ۲۶, ۱۴۰۳)

د احصائې او معلوماتو ملي ادارې د چارشنبې پر ورځ ( د غویي شپږویشتمه ) ویلي، چې تېر کال د صادراتو ارزښت ۱ میلیارډ ۷۷۷ میلیون او ۹۰۰ زره ډالرو او د وارداتو ارزښت ۸ میلیارډ او ۵۷۶ میلیون او ۳۰۰ زره ډالرو ته رسېدلی دی.

د دغه رياست د څرګندونو له مخې؛ تېر کال د هېواد په صادراتي توکو کې مېوو له ټولو ډېره ونډه درلوده او د صادراتو ارزښت يې ٦٤٥ ميليون او ٥٠٠ زره امريکايي ډالرو ته رسېده.

دغه راز د درملو بوټي، کاني او منرالي توکي او سابه دوه‌یم، درېیم او څلورم ځای لري.

تېر کال د هېواد په وارداتي توکو کې نفتي توکي او لبنيات له ټولو ډېره ونډه لرله، چې ټوليز ارزښت يې يو ميليارډ او ٣٧٧ میلیون او ٩٠٠ زره امريکايي ډالرو ته رسېده او په همدې توګه د ماشينرۍ، ټرانسپورټي وسايطو او پرزو يو ميليارډ او ١٥ ميليون او ۹۰۰ زره ډالر ته رسېده او په دوه‌یم ځای کې د ټوکر، فلزاتو او فلزي محصولات په درېیم او څلورم ځای کې دي.

Continue Reading

سوداگري

د سوداګرۍ او صنایعو وزارت چارسمبالی د روسیې تاتارستان ته ولاړ

Published

on

(Last Updated On: غویی ۲۵, ۱۴۰۳)

د صنايعو او سوداګرۍ وزارت چارسمبالی نورالدين عزيزي د ​یوه پلاوي پر مشرۍ د ​روسيې او اسلامي نړۍ په پېنځلسمه نړيواله اقتصادي غونډه کې د ګډون لپاره د تاتارستان جمهوريت ته ولاړ.

د صنایعو او سوداګرۍ وزارت څرګنده کړې: د دې وزارت چارسمبالی نورالدین عزیزي د تاتارستان د ولسمشر رستم مینی خانوف پر بلنه د اسلامي امارت د یوه لوړ پوړي پلاوي پر مشرۍ تاتارستان ته سفر وکړ.

ټاکل شوې د روسيې او اسلامي نړۍ پېنځلسمه نړيواله اقتصادي غونډه د روان کال د مې له څوارلسمې څخه تر نولسمې پورې د تاتارستان په پلازمېنه کازان کې جوړه شي.

د انادولي آژانس د څرګندونو له مخې؛ د کازان فورم موخه دا ده، چې په روسیه او ټوله نړۍ کې د اسلامي مالي موسسو پراختیا ته وده ورکړي او پر ګډو نړیوالو پروژو او پروګرامونو راوڅرخیږي.

تمه ده، چې په دې غونډه کې د متحده عربي اماراتو، بحرین، مالیزیا، ترکیې، ایران، لیبیا او د اسلامي همکاریو ټولنې د نورو غړیو هېوادونو د استازو په ګډون له ۸۰ ډېر هېوادونه ګډون وکړي.

Continue Reading

Trending

Copyright © 2022 Ariana News. All rights reserved!