تازه خبرونه
مونږ افغانستان له ناټو سره یوځای پریږدو – امریکا

د امریکا بهرنیو چارو وزیر انټوني بلینکن پرون (یکشنبه د وري ۸) څرګنده کړې، چې امریکايي ځواکونه به له ناټو سره په همغږۍ کې له افغانستان څخه ووځو.
نوموړي سي ان ان ته ویلي؛ دا مونږ ته ډېر څرګند دی ، دا مونږ او ناټو ته پوره ښکاره او څرګنده ده، چې مونږ پر ګډه طرحه کار کوو. مونږ هوکړه کړې، چې په مناسب وخت کې به له افغانستان څخه وځو.
هغه زیاته کړې: هغه څه، چې مونږ پرې راڅرخو هغه د می د نېټې غځول دي. بله مهمه خبره دا ده، چې مونږ د اړوند نیټې په شمول پرلاسلیک شوې هوکړې بیا کتنه کوو. مونږ غواړو له خپلو متحدینو سره د دوی د شنننې او فکر په اړه وغږېږو.
د امریکا سرتېري له افغانستان څخه وځي؛ خو یوازې د څو اوونیو پر توپیر. امریکا تر دې دمه د دوحې تړون بیاکتنه نده کړې.
د امریکا ولسمشر جو بایډن په دې وروستیو کې هم ویلي وه، چې د می پر لومړۍ د امریکایي ځواکونو وتل له تخنیکي پلوه ستونزمن دي.
بایډن زیاته کړې، چې امریکایي سرتېري به په افغانستان کې راتلونکي کال نه وي.
امریکا څرګنده کړې، چې دوی په افغانستان کې ۲۵۰۰ سرتېري لري؛ خو نیویارک ټایمز راپور ورکوي، چې په افغانستان کې د امریکايي ځواکونو شمېر ۳۵۰۰ ته نږدې دی.
سربېره پردې ناټو په افغانستان کې شاوخوا ۷۰۰۰ سرتېري لري.
انټوني بلینکن د امریکایي ځواکونو پر شتون غږېدلی او وایي: په افغانستان کې اوسمهال د امریکایي سرتېرو پر پرتله اروپایي هغه ډېر دي. دوی په دې برخه کې له مونږ سره ډېره پانګونه کړې او له هماغه پیله زمونږ ګډې هڅې روانې دي.
هغه ویلي: دا ډېره مهمه ده، چې مونږ ډیپلوماټیکه لاره ګړندۍ کړو؛ ځکه اوس هرڅوک پوهیږي، چې نظامي حل نشته. باید سیاسي حل وي او پخپله افغانان باید سیاسي حل ته ورسیږي.
دغه راز د افغانستان لپاره د امریکا ځانګړي استازي زلمي خلیلزاد ترکیې ته سفر کړی، چې له ترکي چارواکو سره د افغانستان د سولې په اړه خبرې وکړي.
دا په داسې حال کې ده، چې د ملګرو ملتونو په همکارۍ به څو ورځې وروسته په ترکیه کې د افغانستان د سولې بهیر په اړه غونډه جوړه شي، چې په کې به طالبان، د افغانستان حکومت او د نورو ښکېلو هېوادونو استازي ګډون وکړي.
تازه خبرونه
ملګرو ملتونو په افغانستان کې د لږ شمېر ایرانیانو پناه غوښتنه تائید کړه
په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال وايي؛ دا ټولنه چمتو ده، چې د جګړې له کبله افغانستان ته له راغلو ایراني کډوالو سره مرسته وکړي.

ملګرو ملتونو اعلان کړی، چې د ایران او اسرائیلو ترمنځ د شخړې له پیل راپدېخوا شاوخوا ۳۰ کورنۍ، چې دوه ګونی ایرانی او افغان تابعیت لري افغانستان ته راغلي، چې تېره ورځ یې یوازې څو پناغوښتونکي له دې ټولنې سره ثبت کړي دي.
په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال وايي؛ دا ټولنه چمتو ده، چې د جګړې له کبله افغانستان ته له راغلو ایراني کډوالو سره مرسته وکړي.
هغه زیاته کړې: “مونږ په سرحدي دروازو کې یوو او د کډوالو وضعیت څېړو. که ایرانیان غواړي افغانستان ته ننوځي؛ مونږ چمتو یوو، چې د دوی ملاتړ وکړو. مونږ اوسمهال په افغانستان کې د ایراني کډوالو لوی شمېر نلرو؛ خو شاوخوا ۳۰ کورنۍ، چې دوه ګونی ایرانی او افغان تابعیت لري بېرته هېواد ته راستانه شوي دي. یوازې پرون، یو څو تنه ایراني کډوال هم راجستر شوي دي.”
عرفات جمال دا هم ویلي؛ له ۲۰۲۳ راپدېخوا شاوخوا ۳.۵ میلیون افغان کډوال له ایران او پاکستان څخه هېواد ته راستانه شوي، چې ډېری یې تر فشار او جبر لاندې دي.
هغه ټینګار کړی؛ د کډوالو راستنېدل باید له انساني درناوي سره ترسره شي او نړیواله ټولنه باید په دې برخه کې همکاري او پانګونه وکړي، چې په افغانستان کې د سولې، پرمختګ او ثبات لپاره زمینه برابره شي.
په افغانستان کې د ملګرو ملتونو د کډوالو عالي کمیشنرۍ د دفتر رییس یادونه کړې، چې دا اداره د حکومتي ادارو او شریکو بنسټونو سره په همکارۍ کې د کډوالو د راستنېدو او په ټولنه کې د هغوی د بیا یوځای کېدو د بهیر د ښه مدیریت لپاره د پروګرامونو د پراختیا او پلي کولو لپاره کار کوي. له ګاونډ هېوادونو هم غوښتل شوي، چې د افغان کډوالو انساني کوربتوب روان وساتي.
تازه خبرونه
د ایران رهبر د ترور له وېرې خپلې برښنایي اړیکې پرې کړي
دې ورځپاڼې لیکلي: ” د ایران رهبر علي خامنهیی ځمکې په یوه تلخونه کې پټ شوی او د ترهګرۍ د ویرې له کبله یې خپل ټول برښنایي مخابرات قطع کړي دي.”

نیویارک ټایمز راپور ورکړی، چې د ایران رهبر د ترور له وېرې خپلې ټولې برښنایي اړیکې پرې کړې دي.
دې ورځپاڼې لیکلي: ” د ایران رهبر علي خامنهیی ځمکې په یوه تلخونه کې پټ شوی او د ترهګرۍ د ویرې له کبله یې خپل ټول برښنایي مخابرات قطع کړي دي.”
د ورځپاڼې د څرګندونو له مخې: لکه څنګه، چې پر ایران د اسرائیلو بریدونه دوهیمې اوونۍ ته ننوځي؛ د ایران رهبر علي خامنهیی هېواد د ځمکني پټنځای څخه اداره کوي او د بدترین حالت سناریوګانو لپاره چمتووالی نیسي.
په راپور کې راغلي: “د ایران رهبر اوس له خپلو پوځي قومندانانو سره ډېری وخت د یو باوري مرستیال له لارې اړیکه نیسي.”
راپور دا هم څرګنده کړې، چې خامنهیی د کودتا په صورت کې روسیې ته د تېښتې لپاره چمتووالی پیل کړی دی.
د ورځپاڼې پر وینا، ۸۶ کلن ایرانی رهبر، چې په یوه ځمکني پټنځای کې دی؛ نه یوازې د مهمو قومندانانو د مړینې په صورت کې د خپلو پوځي ځای ناستو په اړه پرېکړه کړې، بلکې په یوه بې ساري اقدام کې یې درې لوړ پوړي عالمان د خپلو ځای ناستو په توګه ټاکلي دي.
تازه خبرونه
ترکیه د اسلامي امارت په بهرني سیاست کې ځانګړی ځای لري – امیر خان متقي
په دې لیدنه کې دواړو لوریو د افغانستان او ترکیې ترمنځ د دوه اړخیزو اړیکو او مهمو سیمهییزو مسلو په اړه نظرونه وړاندې کړل.

په استانبول کې د اسلامي همکارۍ ټولنې د بهرنیو چارو وزیرانو د یوپنځوسمې غونډې په څنډه کې د اسلامي امارت بهرنیو چارو وزارت چارسمبالي امیر خان متقي د ترکیې له بهرنیو چارو وزیر هاکان فیدان سره پر دوه اړخیزو اړیکو خبرې کړې دي.
په دې لیدنه کې دواړو لوریو د افغانستان او ترکیې ترمنځ د دوه اړخیزو اړیکو او مهمو سیمهییزو مسلو په اړه نظرونه وړاندې کړل.
د غونډې په پیل کې د افغانستان بهرنیو چارو وزیر د دواړو هېوادونو ترمنځ تاریخي او کلتوري اړیکو ته په نغوته(اشاره) کې ویلي، چې ترکیه د اسلامي امارت په بهرني سیاست کې ځانګړی ځای لري او د کابل او انقرې ترمنځ د اړیکو د کچې په ښه کولو کې یې د دوه اړخیزو همکاریو پر پراختیا ټینګار وکړ.
دغه راز د ترکیې بهرنیو چارو وزیر هم له افغانستان سره اړیکې د خپل هېواد لپاره مهمې او سټراټیژیکې وبللې او د دواړو هېوادونو ترمنځ یې په بېلابېلو برخو کې د همکارۍ د پراختیا غوښتنه وکړه.
دا غونډه پوره همغږې ترسره شوه، چې په کې د دوستانه اړیکو پر پراختیا او دواړو خواوو له ګډو ګټو سره سم د رغنده خبرو اترو او همکاریو پر دوام ټینګار وشو.
-
تازه خبرونه4 days ago
پاکستان په افغانستان کې له ترهګریزو ګواښونو سره د مبارزې لپاره د امریکا ملګرتیا غواړي – خلیلزاد
-
سیمه ییز خبرونه1 day ago
زمونږ پر اټومي تاسیساتو د امریکا برید له نړیوال قانون ښکاره سرغړونه ده- ایران
-
سیمه ییز خبرونه1 day ago
د ایران مهم اټومي سایټونه د امریکا د هوايي بریدونو له کبله له منځه تللي دي – ټرمپ
-
نړۍ1 day ago
د ایران پر اټومي تاسیساتو د امریکا برید نړیوال غبرګونونه راوپارول
-
تازه خبرونه1 day ago
هره ورځ ۸ زره کډوال له ایران څخه راستنیږي؛ په هرات کې بیړنۍ کمیټه جوړه شوه
-
تازه خبرونه4 days ago
افغانستان د ایراني حاجیانو لپاره د ویزې معافیت اعلان کړ
-
تحول5 days ago
تحول: د اسرائیل او ایران ترمنځ جنګونه
-
تازه خبرونه4 days ago
د ناروې هېواد یو پلاوی افغانستان ته سفر کوي