Connect with us

ساینس او ​​ټیکنالوژي

واتس‌اپ د اړیکو ټینګولو لپاره نوې لار راوپېژندله

Published

 on

(Last Updated On: تله ۷, ۱۴۰۱)

واتس‌اپ د لوی بدلون پروګرامونه چمتوکوي او کاروونکیو ته د یوه داسې بدلون د رامنځته کولو اجازه ورکوي، چې د اړوند اپلیکیشن یا پروګرام له لارې اړیکه ونیسي او یا ورسره یوځای شي.

د دغه اپلیکیشن یا پروګرام کاروونکي کولی شي هر هغه چا ته اړیکه واستوي، چې واتس‌اپ کاروي؛ دوی ته د تیلیفون کولو بلنه ورکوي او ان که د دوی شمېره هم د اړیکو په نوملړ کې ثبت نه وي. دا آسانتیا مخکې شونې نه وه.

البته واتس‌اپ خپل کاروونکي اړکوي، چې د لومړۍ اړیکې په نوملړ کې نوې شمېره ثبت او هغه ته پیغام واستوي یا هغه ته زنګ ووهي.

د واتس‌اپ مشر ویل کاتکارت څرګنده کړې؛ د اړیکې ځانګړتیا به د زنګ له لارې په روانه اوونۍ کې کاروونکیو ته په غږیزه او انځوریزه بڼه وړاندې شي.

هغه خپل انځور، چې په تویتر کې خپور کړی د غوراوي د وړتیاوو لپاره د پانې په سر کې د اړیکو لینکونه ښیي او د واتس‌اپ د سکرین په سر کې اړیکه څرګندوي.

کارپوهان په دې باور دي، چې د زنګونو لپاره د اړیکو رامنځته کولو او لیږلو ځانګړتیاوې د واتس‌اپ د اړوند پروګرام په چوکات کې د بلنې په توګه معرفي کوي، چې خپل کنټرول پر سوداګریزې نړۍ مسلط کړي او له زوم برنامې سره نه یوازې سیالي کوي، بلکې پدې ځانګړتیاوو هم تکیه کیږي.

ساینس او ​​ټیکنالوژي

ایلان ماسک له یوې ټولپوښتنې وروسته د دونالد ترمپ ځانګړی تویتر فعال کړ

Published

on

(Last Updated On: لړم ۲۹, ۱۴۰۱)

د تویتر نوي مالک ایلان مسک پرون د ځینو بلاک شویو تویتر پاڼو بیا فعالول پیل کړل؛ خو د امریکا د پخواني ولسمشر ترمپ په اړه یې د ټولپوښتنې پرېکړه وکړه، چې د مثبتې پایلې له مخې بېرته فعال شو.

له دې سروې مخکې د دونالد ترمپ اکاونت، چې د ۲۰۲۱ ز. کال له جنورۍ راپدیخوا بند شوی و؛ بېرته فعال شوی دی.

د رویترز خبري آژانس د راپور له مخې؛ په دې ټولپوښتنه کې ۱۵ میلیون کسانو برخه اخیستې وه او په پای کې ایلان ماسک په یوه تویت کې د ترمپ د اکاونت د بیا فعالولو اعلان وکړ.

اوس د ترمپ اکاونت په رسمي توګه فعال شوی او د هغه زاړه تویتونه لیدل کېدی شي.

د دغې سروې د پایلو له مخې ۵۱ اعشاریه ۸ سلنه خلکو تویتر ته د دونالد ترمپ له راستنېدو سره موافق او ۴۸ اعشاریه ۲ سلنه له دې پرېکړې سره مخالف ول.

دا په داسې حال کې ده، چې مسک د تویتر له اخیستلو وروسته اعلان وکړ، چې اوس په دې لټه کې دی، چې د مینځپانګې د څارلو لپاره به یوه شورا جوړه کړي او پرېکړه یې وکړه، چې ځنډول شوي تویتر حسابونه بېرته څرنګه فعال کړي.

Continue Reading

ساینس او ​​ټیکنالوژي

ایلان ماسک د ترمپ د تویتر اکاونت د بیا فعالولو لپاره ټولپوښتنه پیل کړه

Published

on

(Last Updated On: لړم ۲۸, ۱۴۰۱)

د تویتر نوي چارواکي ایلان ماسک د جمعې پر ورځ له کاروونکیو وغوښتل، چې په دې ټولنیزه شبکه کې د امریکا د پخواني ولسمشر دونالد ترمپ د اکاونت د بیا فعالولو په اړه څه نظر لري.

په دې ټولپوښتنه کې، چې تر سبا پورې به روانه وي؛ میلیونونو کسانو ګډون کړی دی.

ماسک دا ټولپوښتنه له هغهې څو ساعته وروسته پیل کړه، چې هغه د درې نورو مشهورو شخصیتونو د تویتر حسابونو د بیا فعالولو اعلان وکړ.

ترمپ مخکې له دې، چې د ۲۰۲۱ ز. کال په جنورۍ کې یې حساب وځنډول شي؛ په تویتر کې له ۸۸ میلیون څخه ډېر پیروان درلودل. تویتر د ترمپ د اکاونت د بندولو لامل “تاوتریخوالی او هڅونه” نومولې ده.

د می په میاشت کې ماسک له تویتر څخه د ترمپ ګوښه کول اخلاقي تېروتنه او احمقانه دریځ نومولی و.

Continue Reading

ساینس او ​​ټیکنالوژي

د امریکا پوځي بې پیلوته فضایي الوتکه له ۹۰۸ څېړنیزو ورځو وروسته بیرته راستانه شوه

Published

on

(Last Updated On: لړم ۲۳, ۱۴۰۱)

د شنبې پر سهار د امریکا د پوځ یوې بې پیلوټه څېړنیزې فضایي الوتکې له ۹۰۸ ورځو تېرولو وروسته خپل شپږم ماموریت بشپړ کړ او بېرته ځمکې ته خوندي راکښته شوه.

دغه پر لمریزې برښنا چلېدونکې فضایي الوتکه، چې کوچنۍ سپوږمکۍ ته ورته ده؛ له خپل مداره د ناسا کنیدي نومي فضایي مرکز ته راکښته شوه، چې په پېنځم ماموریت کې یې ۷۸۰ ورځې تېرې کړې وې.

دا الوتکه بوینګ شرکت جوړه کړې ده.

د دې شرکت د مشر مرستیال جیم کالتن ویلي چې د (X-37B) نومې دې الوتکې د لومړي ځل لپاره په ۲۰۱۰ ز. کال کې فضایي الوت پیل کړ او هر ځل ډېره پاتې شوې ده.

کالتن ویلي، چې دې الوتکې د امریکا د هوایي تکنالوژۍ لپاره بې جوړې وړتیاوې چټکې کړې دي.

دې الوتکې فضا ته یوه وسیله وړې وه، چې د امریکا د بحري ځواکونو د څېړنو لابراتوار، د امریکا د هوایي ځواکونو اکاډمۍ او ځینو نورو ادارو پرې تجربې پیل کړې. دا وسیله په مدار کې له الوتکې جلا شوه او الوتکه په خوندي توګه بېرته ځمکې ته راکښته شوه.

په ۲۰۲۱ ز. کال کې فالکون – ۸ ستلایت، چې د حربي ښوونځي زدکوونکیو د هوایي ځواکونو له څېړنیز لابراتو سره په ګډه دیزان او جوړ کړی و؛ هم تجربه شو، چې تر اوسه په مدار کې دی.

د (X-37B) دې الوتکې تر دې دمه ۱.۳ میلیارد میله پرواز کړی او په فضا کې یې ۳۷۷۴ ورځې تېرې کړې دي.

Continue Reading

Trending

Copyright © 2022 Ariana News. All rights reserved!