تازه خبرونه
وسلوالو په کابل کې پر رڼا ورځ درې امنیتي ځواکونه وژلي

ناڅرګندو وسلوالو د دوشنبې پر ورځ له غرمې وروسته د کابل ښار په لومړۍ ناحیه کې دوه امنیتي پرسونل او یو پولیس پر ډزو وژلی.
عیني شاهدانو ويلي، چې وسلوالو موټرسایکل سپرو د چنداول په اړوند سیمه کې پر هایلوکس موټر ډزې وکړې او دوه امنیتي پرسونل یې وویشتل.
د دوی د څرګندونو له مخې؛ یو پولیس، چې د وسلوالو د څارلو په هڅه کې و هم وژل شو.
دغه راز ویل شوي، چې وسلوال درې کسان ول، چې له سیمې تښتیدلي دي.
د کابل پولیسو ويلي، چې د پېښې په اړه څېړنې روانې دي.
تر دې دمه هیچا د برید پړه نده منلې.
تازه خبرونه
څار: د افغانستان په کورنیو چارو کې د سیمې او ګاونډ هېوادونو د لاسوهنې به اړه د اسلامي امارت دریځ

تازه خبرونه
د ا.ا په منځګړیتوب پاکستاني حکومت او تحریک طالبانو لنډمهاله اوربند ته زمینه برابره کړه

د افغانستان اسلامي امارت په کابل کې د پاکستان د حکومت او تحریک طالبان پاکستان د خبرو کوربه و او دواړو خواوو پر لنډمهاله میاشتني اوربند هوکړه وکړه.
د افغانستان اسلامي امارت ویاند ذبیح الله مجاهد ټویټ کړی، چې اسلامي امارت د پاکستان د کابینې او پاکستانيو طالبانو د استازیو د خبرو کوربتوب کړی، چې د مذاکراتو په بهیر کې پر اړوند موضوعاتو سربېره د پام وړ پرمختګ ترڅنګ پر لنډمهاله اوربند هم توافق شوی دی.
نوموړی په ډاګه کړې: د مذاکراتو په جریان کې په اړوندو موضوعاتو کې د پام وړ پرمختګ ترڅنګ په لنډمهاله اوربند هم توافق وشو.
ذبیح الله مجاهد ټینګار کړی، چې کابل د دواړو لوریو ترمنځ د بریالۍ خبرو لپاره په ښه نیت کار کوي او پر دواړو خواوو یې غږ وکړ چې زغم او انعطاف ولري.
پرون یو شمېر رسنیو راپور ورکړ، چې د پاکستان د استخباراتو پخوانی مشر جنرال فیض حمید او نور پاکستاني پوځي چارواکي له تحریک طالبان پاکستان (TTP) سره د سولې د خبرو د پرمخ بیولو لپاره کابل ته راغلي دي؛ خو دا خبر کومې رسمي ادارې ندی تائید کړی.
په افغانستان کې د جمهوریت له راپرځېدو وروسته تحریک طالبان پاکستان د حکومت پر ضد خپلې جګړې ته دوام ورکړ او په پاکستان کې یې د اسلامي حکومت د جوړېدو غوښتنه وکړه.
پاکستانيو رسنیو هم اوس خبر ورکړی، چې د تحریک طالبان پاکستان یوه ویاند خبریالانو ته ویلي، چې له خبرو وروسته به د دواړو لوریو ترمنځ دوه ورځنی اوربند وشي.
تازه خبرونه
د ملګرو ملتونو د بشري حقونو استازي له مولوي متقي سره ولیدل

د ملګرو ملتونو د بشري حقونو ځانګړي استازي ریچارډ بینیټ کابل ته د خپل لومړي سفر په ترڅ کې د اسلامي امارت د بهرنیو چارو له سرپرست وزیر مولوي امیرخان متقي سره د افغانستان پر بشري وضعیت خبرې وکړې.
د امریکا د بهرنیو چارو وزارت ويلي؛ ریچارډ بینیټ په یوه لس ورځني سفر افغانستان ته رسېدلی؛ د نوموړي د سفر موخه د نړیوالو اصولو له مخې د بشري حقونو د وضعیت ارزونه او د افغانستان د ژمنو د عملي کولو په اړه بحث خبرې دي.
د سرچینې د څرګندونو له مخې؛ د ملګرو ملتونو ځانګړي استازي له متقي سره په کتنه کې افغانستان ته د خپل سفر د موخې، ټاکل شوي ماموریت او کاري پلان په اړه معلومات وړاندې کړل.
متقي له ریچارډ بینیټ څخه وغوښتل، چې باید پر حقایقو ولاړ مستند راپور وړاندي کړي؛ نه دا، چې د رسنیو، مغرضو کړیو او له افغانستان څخه د بهر مخالفو اشخاصو پر اندونو قضاوت وشي.
په دې کتنه کې د بهرنیو چارو وزارت سرپرست د افغانستان د دیني ارزښتونو او خلکو په اړه د ملګرو ملتونو ځانګړي استازي ته د راپور د چمتو کولو او د څېړنې د ترسره کولو په اړه توضیحات ورکړل.
د بهرنیو چارو وزارت همداراز ویلي، چې ریچارډ بینیټ له مولوي متقي څخه د افغانستان د مثبتو پرمختګونو، اوسني وضعیت، بشري حقونو او ټولنې په اړه د مهمو معلوماتو له شریکولو مننه وکړه او ویې ویل، چې دی به خپل راپور د حقایقو پر بنسټ جوړ کړي.
ریچارډ بینیټ شاوخوا دوه میاشتې وړاندې د ملګرو ملتونو د بشري حقونو د شورا لخوا پدې دنده وګمارل شو. د نوموړي د ګمارنې موخه په افغانستان کې د بشري حقونو د وضعیت څارنه، ارزونه او مستند کول دي.
نوموړی له تېرو څو ورځو راپدیخوا له بېلا بېلو افغان چارواکو سره د بشري حقونو په اړه ډاډمنې ناستې تر سره کړي دي.
د ا.ا د لومړي وزیر سیاسي مرستیال مولوي عبدالکبیر له نوموړي سره په لیدنه کې ویلي: افغانستان له اوږدې مودې راپدیخوا د ملګرو ملتونو غړی دی او اوس هم د ملګرو ملتونو ټولو کنوانسیونونو ته، چې له اسلام سره په ټکر کې ندي ژمن پاتې دی.
د یادونې ده، چې افغان مشرانو د ملګروملتونو له دغه ځانګړي استازې سره په خپلو خبرو کې ټینګار کړی، چې غواړي نړیوالې له ټولنې سره د نړیوالو اصولو او قوانینو پر بنسټ ولاړې ښې، هر اړخیزې او ډاډمنې اړیکې ولري.
-
نړۍ 4 ورځې مخکې
په نیویارک ایالت کې یوه وسلوال ۱۳ کسانو ته مرګ او ژوبله اړولې
-
سوداگري 5 ورځې مخکې
اسلامي امارت د ۱۴۰۱ مالي کال خپلواکه بودجه تصویب کړه
-
کوید۱۹ 5 ورځې مخکې
د نیوزیلینډ لومړۍ وزیره پر کرونا ویروس اخته شوه
-
تازه خبرونه 4 ورځې مخکې
د افغانستان کورني مسایل د افغانانو خپل کار دی – ذبیح الله مجاهد
-
سوداگري 4 ورځې مخکې
د اسلامي امارت د کانونو وزارت په عوایدو کې ډېروالی راغلی
-
سوداگري 3 ورځې مخکې
افغانستان له روسیې سره صادراتي او وارداتي اړیکو ته لیوالتیا ښکاره کړه
-
تازه خبرونه 5 ورځې مخکې
د روسیې او تاجکستان ولسمشران د افغانستان په اړه وغږېدل
-
سیمه ییز خبرونه 4 ورځې مخکې
اسلامي امارت په رستورانتونو او پارکونو کې د جنسیتي توپیر موضوع رد کړه