تازه خبرونه
پاکستان دې عامو خلکو ته له زیان رسولو ډډه وکړي-امیرخان متقي
امیر خان متقي د سفیرانو او ډیپلوماتانو لپاره د روژه ماتي په مېلمستیا کې د خبرو پر مهال ویلي، چې د تورخم دروازه د دواړو هېوادونو د چارواکو ترمنځ له خبرو اترو او تفاهم وروسته پرانستل شوه.

د بهرنیو چارو وزارت چارسمبالی(سرپرست) امیر خان متقي ویلي، چې پاکستان باید داسې کومه هڅه ونکړي، چې په کې عام خلک زیان وویني.
هغه زیاته کړې، چې افغانستان له خپلو نورو ګاونډ هېوادونو سره کومه ستونزه نلري او که کومه ستونزه رامنځته هم شي؛ نو د تفاهم او خبرو له لارې حل کیږي.
هغه ويلي؛ “مونږ هيله لرو، چې له ګاونډ هېواد پاکستان سره به هم ستونزې پر ورته ډول حل شي او ستونزې به پای ته ورسېږي.”
د دې اړینې لارې تړل کېدا حلکو او سوداګرو ته میلیونونه ډالر زیان اړولی دی.
متقي دا هم ویلي، چې له پاکستان څخه د افغان کډوالو بېرته ستنېدا باید تدریجي او باعزته ترسره شي.
دا له هغې وروسته ویل کیږي، چې د بشري حقونو د څار ادارې (HRW) د چارشنبې پر ورځ له پاکستان وغوښتل، چې سمدلاسه د افغان کډوالو جبري ستنېدا ودروي.
د بشري حقونو د څار ادارې په خپل وروستي راپور کې پر پاکستان نیوکه وکړه، چې پر افغان کډوالو یې فشار زیات کړی او “د ناوړه ګټه اخیستنې سخت تاکتیکونه” یې کارولي، چې له هېواده ووځي.
د ۲۰۲۵ ز.کال د جنورۍ پر یودېرشمه د پاکستان د کورنیو چارو وزارت اعلان وکړ؛ هغه افغانان، چې د استوګنې رسمي اسناد نلري، د افغان تابعیت کارت لرونکي باید د اسلامآباد او راولپنډۍ ښارونه پریږدي که نه له شړلو سره به مخ شي. هغه افغانان، چې د ثبت ثبوت (PoR) کارتونه لري باید د جون تر دېرشمې پورې ووځي.
د ۲۰۲۳ کال له سپټمبر څخه د ۲۰۲۴ کال تر جنورۍ پورې د شړلو او ایستلو یوه پخوانۍ څپې له ۸۰۰ زره څخه ډېر افغانان، چې ډېری یې په پاکستان کې زېږیدلي یا هلته یې له لسیزو راپدېخوا ژوند کاوه؛ افغانستان ته جبري راواستول.
د ۲۰۲۴ کال له نومبر راپدېخوا د پاکستان چارواکو د افغانانو د شړلو لپاره فشار بیا تازه کړ او له ۷۰ سلنې څخه د ډېرو راستنېدونکو ښځو او ماشومانو په ګډون د ثانوي ښوونځيو عمر لرونکې نجونې او هغه میرمنې دي، چې نور به زدکړو ته لاسرسی ونلري.
د بشري حقونو د څار ټولنې ویلي، چې پاکستانيو پولیسو پر کورونو چاپې وهلي؛ خلک یې وهلي، په خپلسر یې بندیان کړي او د کډوالو اسناد یې ترې ضبط کړي دي.
دوی له افغانانو څخه په پاکستان کې د پاتې کېدو لپاره د رشوت غوښتنه هم کړې ده.
ملګرو ملتونو راپور ورکړی؛ ډېری هغه افغانان، چې افغانستان ته راستانه شوي دي د پاکستاني چارواکو لخوا د نیولو وېره یې د راوتلو د دلیل په توګه یاده کړې ده.
راستنېدونکي کډوال عموماً په پاکستان کې ملکیتونه او شتمني پریږدي. په داسې حال کې، چې دلته د ژوند لږ فرصتونه او یا لږ ځمکه لري.
د یادونې ده، چې د تورخم دروازه له ۲۶ ورځو وروسته تېره ورځ د ناروغانو او سوداګرۍ لپاره پرانستل شوه او د جمعې پر ورځ به عامو مسافرو ته هم پرانستل شي.
تازه خبرونه
وزارت زراعت: چین میخواهد در بخش زراعت افغانستان سرمایهگذاری کند

عطاءالله عمری، سرپرست وزارت زراعت، آبیاری و مالداری در دیدار با یک هیأت و نمایندگان سکتور خصوصی چین در کابل در مورد گسترش همکاریها، سرمایهگذاری در بخشهای زراعت، مالداری، آبیاری و شریکسازی تجارب چین با افغانستان گفتگو کرده است.
وزارت زراعت از این دیدار امروز (سهشنبه) خبر داده و گفته است که این هیأت چینی بر علاقهمندی بخش خصوصی بیجینگ به سرمایهگذاری در سکتور زراعت و مالداری افغانستان تأکید کرده و از آمادگیها برای آغاز عملی پروژهها پس از فراهمسازی سهولتهایی از جمله اجاره زمین، اطمینان داده است.
این هیأت چینی همچنان با نورالدین عزیزی، سرپرست وزارت صنعت و تجارت گفتگو کرده است. در این دیدار، آقای عزیزی گفت که آنان تمامی سهولتها را برای سرمایهگذاران خارجی فراهم میکنند.
گفتنی است که طی سه سال گذشته، اکثریت شرکتهای چینی علاقهمندی شانرا برای سرمایهگذاری روی معادن کشور ابراز کردهاند.
با این حال، این نخستین بار است که سرمایهگذاران چینی میخواهند در بخش زراعت در افغانستان سرمایهگذاری کنند.
تازه خبرونه
په روسیه کې د افغانستان محصولات نندارې ته وړاندې کېږي
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.

د روسیې د اقتصادي پراختیا وزارت چارواکو ویلي، چې افغان محصولات به د روسیې- د کازان اسلامي نړۍ په شپاړلسم نړیوال اقتصادي فورم کې نندارې ته وړاندې شي.
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.
هغه زیاته کړې؛ د تاتارستان حکومت منلې، چې د افغان توکو او تولیداتو د نندارتون جوړولو لپاره به اړینې آسانتیاوې برابرې کړي.
د روسي دې چارواکي ویلي، چې دا نندارتون به د افغانستان د اقتصادي وړتیاوو د پېزندلو لپاره یو ځانګړی فرصت وي.
پاول کلمیچوک وایي: “دا نندارتون به خامخا ډېر پام ځانته راواړوي؛ ځکه، چې په روسیه کې پر طالبانو (اسلامي امارت) د بندیزونو د لرې کولو پرېکړه شوې ده.”
مخکې له دې د روسیې سترې محکمې د هېواد د لوی څارنوال غوښتنه منلې وه، چې د اسلامي امارت د فعالیتونو بندیز وځنډوي.
د افغانستان لپاره د روسیې ځانګړي استازي ضمیر کابلوف هم اعلان کړی و، چې د روسیې او افغانستان ترمنځ به د دې فورم په څنډه کې یوه لویه سوداګریزه غونډه هم ترسره شي.
د کازان شپاړسم نړیوال اقتصادي فورم ‘روسیه – اسلامي نړۍ: کازان فورم’ به د می له ۱۳ څخه تر ۱۸ پورې په کازان کې ترسره شي.
تازه خبرونه
د افغانستان لپاره د امریکا نوې استازې یوه افغانيالاصله میرمن غوره شوه
آغلې بیشوپینګ له دې مخکې د امریکا د ولسي جرګې د بهرنیو چارو په کمیټه کې حقوقي سلاکاره او د فرعي کمیټې د کارکوونکو د مشرې په توګه دنده ترسره کوله، چې د جنوبي او مرکزي آسیا په اړه یې د فرعي کمیټې مشري هم کړې ده.

د افغانستان له شاهي کورنۍ څخه ۳۳ کلنه ماري کبیر سراج بیشوپینګ د امریکا په بهرینو چارو وزارت کې د افغانستان د چارو مشره وټاکل شوه.
آغلې بیشوپینګ له دې مخکې د امریکا د ولسي جرګې د بهرنیو چارو په کمیټه کې حقوقي سلاکاره او د فرعي کمیټې د کارکوونکو د مشرې په توګه دنده ترسره کوله، چې د جنوبي او مرکزي آسیا په اړه یې د فرعي کمیټې مشري هم کړې ده.
ماري بیشوپینګ افغان نژاده، په امریکا کې زېږیدلې او د یوې وکیلې او ډیپلوماټې په توګه یې کار کړی دی.
نوموړې په داسې حال کې ټاکل کېږي، چې د امریکا بهرنیو چارو وزارت اوس د افغانستان موضوع د مرکزي او جنوبي آسیا څانګې ته سپارلې ده.
یو شمېر کارپوهانو ويلي، چې افغانستان د امریکا په بهرنۍ پالیسۍ کې مهم پاتې شوی او ښايي د کابل او واشنګټن ترمنځ په اړیکو کې ښهوالی راشي.
دغه رار نیویارک ټایمز راپور ورکړی، چې د ډونالډ ټرمپ د نوي اجرائیوي فرمان له مخې؛ په افغانستان کې د بشري حقونو او ښځو لپاره د امریکا د ځانګړي استازي او یو شمېر نورو بنسټونو موقف له منځه یوړل شي.
دا بدلونونه او ګمارنې په داسې حال کې کېږي، چې د افغانستان په اړه د امریکا بهرنۍ تګلاره د بیا کتنې او ارزونې په نوې دوره کې ده.
ویل شوي، چې دا بدلونونه د بهرنیو چارو وزارت د بیارغونې لپاره د هراړخیز پلان برخه ده، چې موخه یې د “فساد او لګښتونو کمول” او “د ولسمشر له لید سره بهرنۍ پالیسۍ تنظیمول دي.”
د افغانستان اسلامي امارت له امریکا سره د خبرو او ډیپلوماتیکو اړیکو لار پرانیستې او د مثبتو اړیکو او همکارۍ غوښتنه یې کړې ده.
دا به معلومه شي، چې د امریکا نوې اداره به له افغانستان سره څه وکړي.؟!
-
تازه خبرونه1 day ago
آریانا هوايي شرکت چین ته د اوونیزو الوتنو له زیاتېدا خبر ورکړ
-
سیمه ییز خبرونه3 days ago
د ایران او امریکا له خبرو اترو وروسته د عمان سلطان مسکو ته سفر کوي
-
تازه خبرونه3 days ago
پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي
-
نړۍ3 days ago
په ټوله امریکا کې زرګونو لاریون کوونکو د ټرمپ پر ضد لاریون وکړ
-
مرکه4 days ago
د افغانستان لپاره د ملګرو ملتونو د ځانګړې استازې له مرستیال انډریکا راټواټ سره ځانګړې مرکه
-
تازه خبرونه15 hours ago
د افغانستان لپاره د امریکا نوې استازې یوه افغانيالاصله میرمن غوره شوه
-
لوبی4 days ago
افغانستان د ۲۰۲۶ کال له ۱۹ کلنو ټیټ عمره کرکټ نړیوال جام ته لاره پیدا کړه
-
تازه خبرونه4 days ago
لویدیځ هېوادونه د اسلامي امارت له مخالفانو څخه د ملاتړ هڅه کوي – روسیه